एकूब 5:3 - Korwa Bible

³ अपेराः सोना अरू चाँदीकून हों किचियावयना। सेंगेलते मास लो ओब जुवाःता हनन इया अपेराः जीव लायगोडता अरू अपेराः सोना चाँदीकूनराः किचियावतो अपे बदीरे हिदइत इया दोहोनता। हनते हों अपे चउंदीसराः टुटीगगुः बेलारे आन-धानपे बटुड़ावकेरा।

एकूब 5:3 Σταυροειδείς Αναφορές

मूक चेलाकू 2:17

भगवान कतायतना, चउंदीस टुटीगगुःता हना अते मड़ंग दिनरे, जमा होड़कू एचेरे ईंग ईंगराः सुद बिरुवायिंग वारगोडता। अपेरिकुःआ बेटा बिटीकू, दरवाःआ हना कताकूनकू कहड़ीता, अपेरिकुःआ डिंघा लइंकू दरसनकू ञेलता, अरू अपेरिकुःआ सपायाड़कू सपनाकू ञेलता।

रूमी 2:5

आमराः जीव केटेगयना, अरू कसूर अते भगवान अगी जीव कुदागे लगा मेरेम चहाःतना। हनालगा भगवान सतायते जमा होड़कूय फड़ियावता हना दिन, हाँय आम सुदा मुरुके रीस जुवाःता अरू हाँय अते अरू बगरा डंडियावमे पवाःता।

2 तिमुतियूस 2:17

अरू हँकुःआ होड़कूराः चेड बिहची बेमारी देहरे सयगर जुवाःता हनन इया होड़कू तलारे सयगर जुवाःता। हँकुःआ होड़कू अते बार होड़ हुमिनियुस अरू पिलेतूस हवे।

2 पतरस 3:3

मड़ंगरे नाःआपे सुदीका, चउंदीस टुटीगगुःता हना अते मड़ंग दिनरे अँननकूराः कसूर ओंगोल इयाकू सलाःता हँकुःआ लंदा-एरंग होड़कू वेगता।

उदुःतो कताकून 17:16

अरू दसगोटोंग देरेंगमे ञेलतेरा, हँकू अरू हाँयग जानर, हाँयग सनही अइमीकू हिनइस-बिनइसवाता। हँकू हाँयकू नरी नठीगोडेयता अरू एकेतेकू अड़गेयता। हँकू हाँयराः मासकू जोम एंडागोडता अरू हाँय सेंगेलरेकू बाल लोगोडेयता।

उदुःतो कताकून 20:15

अरू तोनोंगीग होड़राः ञाव जीवराः कागदरे ओजाःतो मेर दोहोगान, हँकुःआ होड़कू सेंगेलराः हुडिंग समुंदररेकू रेमगे बोलोगोतेडकू।

उदुःतो कताकून 21:8

मनदो पोंकाहा होड़कू, अरू बेगर बिसवासी होड़कू, अरू एरंग होड़कू, अरू ञेड एएंडा होड़कू, अरू सनहा-सनही होड़कू, अरू पपंगाड़ होड़कू अरू मुरती सेवा होड़कू अरू जमा लबरा होड़कू, हँकू जमाकू हना सेंगेल अरू हितकाःतो लेटे दिरिराः हुडिंग समुंदररेकू रेमगे बोलोगोडकूता। अरू ननानाः हवे बार नमार गुजुः।”