एकूब 4:4 - Korwa Bible

⁴ ने सनहा-सनहीत होड़कू, अपे मेरपे सुदीयता जा, अपे नाःआ चउंदीसराः जिनिसकूनपे मंजूरवाता दो, अपे भगवानपे हिनइस-बिनइसवाता। तोनोंगीग होड़ चउंदीसराः जिनिसकून मंजूरगे लगाय चहाःता दो, हाँयग होड़ भगवानरीग मुदइ होड़ इदानिया।

एकूब 4:4 Σταυροειδείς Αναφορές

मती ओजाःतेरा भगवानराः नपाय सरवन 12:39

मनदो ईसू कता कुदातेरा, “भगवान मेरकू मनेवायता हँकुःआ होड़कू अरू बेलूर ओंगोलरिकुःआ होड़कू चिनहाकूनकू ञामता। मनदो भगवानराः बड़रा कतायीग होड़ एवनाराः चिनहा अते अरू एटाः तोनोंगाः चिनहा ओरोपे पवावनेना।

मती ओजाःतेरा भगवानराः नपाय सरवन 16:4

नाःआ जूगरिकुःआ बेलूर अरू सनहा-सनही होड़कू सेरमो अते चिनहाकूनकू ञामता। मनदो हँकू एवनाराः चिनहा अते अरू एटाः तोनोंगाः चिनहा ओरोकू पवावनेना।” हनते ईसू हँकू अड़ाःवाडखन एटाः अगीय सलावयान।

मती ओजाःतेरा भगवानराः नपाय सरवन 6:24

तोनोंगीग होड़ बार होड़ मालिककिन ओरोय सेवा अवेतेडकिना। हाँय मी होड़ मालिके हिनइस-बिनइसवायता अरू एटाः होड़ मालिके अलार-दुलारगेयता। हाँय मी होड़ सुदा अकूस मनाः घड़ीने दोहोनता अरू मी होड़े आड-बेकारवायता। अपे भगवान अरू आन-धान बनर ओरोपे सेवा अवेतेरा।

लूका 19:27

हनते मालिक कताया, “ईंग अँकूरीग राजा बड़ाँवगींग लगा मेरकू चहाःआ हँकुःआ मुदइ होड़कू नंडापे अगूकू अरू ईंग मड़ंगरेपे ञेड एंडाकू, माःआन।”

एहुना 15:19

अपे नाःआ चउंदीसरिकुःआ होड़कूपे दोहोकुः दो चउंदीसरिकुःआ होड़कू अँननकू इया अपेकू अलार-दुलारकेःआ। मनदो अपे नाःआ चउंदीसरिकुःआ होड़कू ना लवे अरू ईंग अपे चउंदीस अते सुनावकेडखनिंग एटाःकेडपेःआ। हननलगा चउंदीसरिकुःआ होड़कू अपेकू हिनइस-बिनइसवाता।

एहुना 17:14

ईंग आमराः सरवन हँकू एचेरेयिंग उदुःगोतेरा। ईंग चउंदीसरीग होड़ ना लवे, हनन इया हँकू हों चउंदीसरिकुःआ होड़कू ना लवे। हनालगा चउंदीसरिकुःआ होड़कू हँकूकू हिनइस-बिनइसवातना।

एहुना 7:7

चउंदीसरिकुःआ होड़कू अपे सुदा मेरकू हिनइस-बिनइस अवेयता। मनदो ईंग हँकूराः बुता बेलूर इदा माःआन हँकू बदीरेयिंग कतातेरा। हनालगा हँकू ईंगकू हिनइस-बिनइसवाता।

रूमी 5:10

अबू भगवानरिकुःआ मुदइ होड़कूबू दोनोहोन मेला, हाँय अनँयग बेटा गुजुः लगा एमेतिडिगखन अनँयग सुदाय हेल-मेलगोतेडबुःआ। नुँहू अबू हाँय सुदाबू हेल-मेलयना अरू ईसू मसी जीयत इदानिया दो हना अते चिला लगा मेरेय बनसावकेबुःआ?

रूमी 8:7

कसूर लूर-नेवन इयाकुःआ होड़कू नियमकून मेरकू मनाःता अरू ओरोकू मनाव अवेनेना,

1 कुरिंती 1:20

दो कनहूनदारकू अरू चेडदार होड़कू अरू नाःआ चउंदीसरिकुःआ पपरसार होड़कू बदीरे चेले माःआनपे ओंगलेतना? नाःआ चउंदीसरिकुःआ कनहूनदारकूराः कनहून, भगवान मेरेय एरंगवागरा जा?

1 कुरिंती 1:21

भगवान अगम कनहूनदार इदानिया। अरू हाँय ओंगोल दोहोकेरा, कनहूनदारकू अँनकूराः कनहूनते ईंग बदीरे ओरोकू सुदी अवेतेरा, माःआन। मनदो अले नपाय सरवनले परसारगे अते बिसवासगेताकू हँकुःआ होड़कू सडाव लगा भगवान ओंगोल दोहोकेरा। अरू नपाय सरवन मेरकू बिसवासगेता हँकुःआ होड़कू लगा अलेराः परसार बेगर लूर इया इदा।

गलातिया 1:10

दो ईंग, होड़कू कता ननाय लगा जा भगवान बुता ननायगे लगायिंग चहाःतना? अपे चेले माःआनपे ओंगोलगींगतना, नाँय होड़कू जहंडाव होड़ हवे? ईंग नुँहू वरी होड़कू कता ननाय होड़िंग दोहोकुः दो ईंग मसीरीग सेवकिया होड़ ओरोयिंग दोहोकुःआ।

एकूब 1:27

टुरा होड़कू अरू रंडियाहीनकू अँनकूराः सिकिसता मेलारेय संघरावाकूता अरू अनँयग जीव चउंदीसराः कसूर अतेय बनसावता हाँयग होड़राः लूर-नेवन अबूरीग अपांग भगवान मड़ंगरे, सुद अरू बेगर गारबारतेःआ लूर-नेवन हवे अरू हनानाः भगवान जुकूर इदा।