एकूब 4:3 - Korwa Bible

³ अरू अपे भगवान एचेरे असेय मेला बेलूर बेलूर ओंगोल दोहोकियानखनपे असेयता। अपे चहाःता हना अपे अँननपे अपेराः हिछा इया उपयोतगे लगापे ओंगलेतना। हनालगा अपे असेयता हना भगवान अपे लगा मेरेय एमेयता।

एकूब 4:3 Σταυροειδείς Αναφορές

मती ओजाःतेरा भगवानराः नपाय सरवन 20:22

दो ईसू हँकिनाः चेलाकिनतेने कतावातेड, “अबा मेरबा सुसुदीतना अबा चिलाबा असेतना। ईंगके ञूय लगा इदा हना कटसियाराः डुबहातेबा ञू अवेयता जा?” दो हँकिन कतातेड, “अलिंग ञू अवेयता।”

मरकूस 10:38

ईसू हँकिन एचेरेय कतातेरा, “अबा मेरबा सुदीयतना चिलाबा असेयतना। ईंगके ञूय लगा इदा हना कटसियाराः डुबहातेबा ञू अवेयता जा अरू ईंगके गोगोः इदा हना बतिसमाबा गोः अवेयता जा?”

लूका 11:10

असेयता हँकुःआ होड़कू पवाःता, सपायता हँकूके पवाःता, अरू दुवारकू टोकोःगोड ञवनता हँकू लगा दुवार गीग जुवाःता।

लूका 15:13

तोनोंग दिनरे हुडिंगीग जमा आँयग बंटा ढिबुवाय सकलावतेड अरू जबर लंका सेनेवाडखन आँयगराः जमा आन-धाने चबा एंडागोतेड।

लूका 15:30

नाँयग बेटाम वेगकियान दो आम हाँय लगा असूलतो बसरूम एचे ञेडकेरा। नाँय दो आमराः आन-धान सनही अइमीकू सुदाय जोम चबागोतेडा।

एकूब 4:1

चिला लगा अपे तलारे कड़ीग अरू बेलूर कता होड़ेंग होयाःता? अपेराः जीवरे इदा हना बेलूर बेलूर ओंगोलते अपे जमा इयाःआ कसूरपे एचेयता।

1 एहुना 3:22

अबू भगवानराः हुकुमकूनबू मनाःता अरू हाँय ननायगुःता हनानाःबू एचेयता दो अबू तोनोंगाःबू असेयता हान, भगवान अबू लगाय एमेयता।

1 एहुना 5:14

अबू भगवानराः हिछा इया हाँय एचेरे तोनोंगाःबू असे दो हाँय अबूय अयूमता। नाःआ अते भगवान एचेरे अरजी लगा अबूके डीड़ होयाःता।