एकूब 2:21 - Korwa Bible

²¹ अबूरीग खुटिपरिया होड़ इबराहीम बदीरेम ओंगोलगे। हाँय बदीरे भगवान करा उड़ीय कतातेरा, हाँय बेगर गारबारीग होड़ हवे माःआन? हाँय बेदीरे भगवान लगा आँयग बेटात इसहाक बलिदान एमेगेय लगाय सपड़ावनेना। हनालगा भगवान हाँय बेगर गरबारीग होड़ हवे माःआने कतावातेरिया।

एकूब 2:21 Σταυροειδείς Αναφορές

मती ओजाःतेरा भगवानराः नपाय सरवन 12:37

अपेराः बड़रा इया भगवान अपेय फड़ियावपेता सहे अपेय डंडियावपेता।”

मती ओजाःतेरा भगवानराः नपाय सरवन 3:9

अपे अहापे ओंगोलगे, इबराहीम अलेरीग खुटिपहार होड़ हवे, अरू हनाते अले बनसाव जुवाःता, माःआन। अपे ईंगपे अयूम, नाःआ दिरिकूनते हों इबराहीम लगा लइंकू भगवान जनमाव अवेकूताय।

लूका 1:73

अबूरीग खुटिपरिया होड़ इबराहीम एचेरेय जोमतेरा हना किरिया इया

लूका 16:24

दो हाँय कताया, ने अपांग इबराहीम, ईंग नरगराः सेंगेलरेयिंग तड़पाःतना। हनालगा ईंग सोगावाडिंगखन लाजर ईंग एचेरेम वारगेय, जेमहा हाँय आयँगराः अंगरी दाःरे तोपोवाडखन ईंग अलंगरे दाःए जोरो लड़ेगींग।

लूका 16:30

मनदो हाँयग होड़ कताया, ने अपांग इबराहीम, गोएगतो अते तोनोंगीग हँकू एचेरेय सेन होले हँकू कसूर अते जीवकू कुदाता।

एहुना 8:39

दो हँकू हाँय एचेरेकू कता कुदातेरा, “अले इबराहीमरिकुःआ नइड़-बाँस होड़कू इदानलेःआ।” दो ईसू कतातेड, “अपे इबराहीमरिकुःआ नइड़-बाँसपे दोहोकुः दो इबराहीम एचेया हनन इया अपे होँपे एचेकेःआ।

एहुना 8:53

दो आम अबूरीग खुटिपहार होड़ इबराहीम अते हों मरंग इदानमेःआ जा? हाँय गोएगयना अरू भगवानराः बड़रा कता होड़कू होंकू गोएगयना। दो आम इये माःआनमे ओंगलुःता?”

मूक चेलाकू 7:2

दो इसतपनूस कतातेड, “ईंगरिकुःआ वपक बोपोहकूतिंग अरू इसराएल होड़कूराः मरंग पंचाइतरिकुःआ होड़कू, अपे ईंगपे अयूम। अबूरीग खुटिपरिया होड़ इबराहीम मेसोपोटोमिया देसरेय दोहोन मेला भगवान हाँय एचेरे दरसननेनखने कतातेरा,

रूमी 3:20

दो तोनोंगीग होड़ नियम मनाः लगा कुरनिसगे अते भगवानराः ओंगोलरे बेगर गारबारीग होड़ ओरोय बड़ाँवनेना मनदो नियमते अबू सुदीगोडता, अबू कसूर होड़कू इदानबुःआ, माःआन।

रूमी 4:1

ननन इया हवे दो अबूरीग खुटिपरिया होड़ इबराहीमराः बिसवास बदीरे अबू चेले माःआनबू कताय?

रूमी 4:12

अरू खतनानेन अते मड़ंग इबराहीम भगवान एचेरेय बिसवासतेरा। हनन इया खतनात होड़कू होंकू भगवान एचेरेकू बिसवासगेता दो हँकू हों हाँयरिकुःआ नइड़-बाँस होड़कूकू बड़ाँव जुवाःता।

रूमी 4:16

दो नियम इया सलाः लगाकू कुरनिसगेता हँकुःआ होड़कू कोवान, मनदो इबराहीम इया भगवान एचेरेकू बिसवासगेता हँकुःआ होड़कू भगवानराः जबानकू पवाःता। नाःआ जबान भगवान एचेरे बिसवासगे अते इमान इया इबराहीमरिकुःआ जमा नइड़-बाँस होड़कू होंकू पवाःता।

इबरानी 11:17

बिनिसवासते इबराहीम, भगवान अंदजावतिडिया हनमेला आँयगरीग मिनीटोंग बेटात इसहाक बलिदान देगगेय लगा सपड़ावयान।

एकूब 2:18

तोनोंगीग होड़ ईंग एचेरेय कतायता, आम ईसू एचेरेम बिसवासगेता अरू ईंग नपाय नपाय बुतायिंग एचेता, माःआन। दो ईंग हाँय एचेरेयिंग कता कुदायतना, आमराः बिसवास आम बेगर नपाय बुतातेम उदुःगे अरू ईंग नपाय बुता सुदा ईंगराः बिसवास आमिंग उदुःवाता।

एकूब 2:24

दो अपे सुसुदीता, तोनोंगीग होड़राः बिसवास एकलाते, भगवान हाँयग होड़ नपाय मेरेय ओंगलेयता, मनदो हाँयग होड़राः नपाय बुता बुताते हों भगवान हाँय नपाये ओंगलेयता।