एकूब 2:18 - Korwa Bible

¹⁸ तोनोंगीग होड़ ईंग एचेरेय कतायता, आम ईसू एचेरेम बिसवासगेता अरू ईंग नपाय नपाय बुतायिंग एचेता, माःआन। दो ईंग हाँय एचेरेयिंग कता कुदायतना, आमराः बिसवास आम बेगर नपाय बुतातेम उदुःगे अरू ईंग नपाय बुता सुदा ईंगराः बिसवास आमिंग उदुःवाता।

एकूब 2:18 Σταυροειδείς Αναφορές

रूमी 14:23

तोनोंगाः कता भगवान एचेरे बेगर बिसवासते अबू एचेयता दो अबू कसूरगेता। हनालगा आम तोनोंगाः जिनिस जोम बदीरे बेगर बिसवासते बार जीवकियानखनमे जोम दो आम कसूरगेता।

रूमी 3:28

अबू नियम मनाः अते कोवान, मनदो ईसू मसी एचेरे बिसवासकेडखन भगवानराः ओंगोल इया फड़ियावतो होड़कूबू बड़ाँःता।

रूमी 4:6

दाऊद राजा हों ननन इयाय कतातेरा, तोनोंगीग होड़ भगवान मनेवा लगा तोनोंगाः नपाय बुता मेरेय एचेता हों भगवान हाँय बेगर गारबारीग होड़े कतावायता, दो हनाँयग होड़राः जीव-जहन ननपाय दोहोनता। हाँय भगवानराः कागदरेय ओजाःतेरा,

रूमी 8:1

भगवान अबू सडावकेडबूखन ईसू मसी सुदाय मिनीगोतेडबुःआ, दो भगवान अबू ओरोय डंडियावतेडबुःआ। [अबू होड़कूराः ओंगोल इया कोवान, मनदो सुद बिरुवाराः ओंगोल इयाबू सलाःता।]

रूमी 9:19

दो अपे अते तोनोंगीग ईंग एचेरेय कतायता, “भगवान जमाकून अनँयग ओंगोल इयाय एचेयता दो अबू चिला लगाय बदीबूता अरू इये हाँयराः ओंगोल अते एटाः इयाय सलाव अवेनता?”

1 कुरिंती 13:2

ईंग भगवानराः बड़रायिंग कता अवे, अरू भगवानराः ओकोत कता अरू कनहून जमालेःआयिंग बुझाव अवेन, अरू पहाड़कून चलाः एंडागे इयाःआ बिसवास ईंग एचेरे इदान हों ईंग एटाः होड़कू मेरिंग दुलार दो, ईंग कही कोवायिंगा।

2 कुरिंती 5:17

तोनोंगीग मसी सुदाय मिनीयान दो हाँयराः जीव नँवायना। हाँयराः जुना जीव टुटीगयना अरू जमालेःआतेय नँवायना।

2 कुरिंती 7:1

ने ईंगरिकुःआ वपक बोपोहकूतिंग, भगवान अगीते अबू लगा नाःआमिन जबानकून इदान दो, अबू अबूराः देह अरू बिरुवा मइलावगोडता हना जमालेःआतेबू सुदगे अरू भगवानराः अकूस मनाः घड़ीन जमालेःआतेबू सुद इदीन।

गलातिया 5:6

अबू ईसू मसी सुदा मिनी इदानबुःआ दो, खतनान सहे बेगर खतनातबू दोहोन, हनारे तोनोंगाः मतलोब कोवानेःआ। मनदो मइद कता ननानाः हवे, एटाःकू दुलार घड़ीन अबूराः बिसवास उउदुः लगा इदा।

1 तिमुतियूस 1:5

बिसवासी होड़कू सुद इंदरीते, नपाय ओंगोलते अरू बेगर गारबारराः बिसवासते दुलार होड़ेंग लगाले हुकुमवाकूतना।

तितूस 2:7

तितूस आम हों जमालेःआ नपाय बुताम बुता बदीरे एटाःकू लगा चिनहा इयाम दोहोन। आम सुद अरू सताय ओंगोलते,

इबरानी 11:31

बिनिसवासते मड़ंगरे सनही अइमीय दोहोना हाँयग राहाब इसराएलरिकिनाः बराहीलकिन वेजेडा दो, हाँय हँकूय नेत-नेवारतेडकुःआ। हनालगा भगवानराः हुकुम मेरकू मनाःआ हँकुःआ होड़कू सुदा हाँय मेरकू ञेड एंडागडीग।

इबरानी 11:33

बिनिसवासते हँकू एटाः राजाकू अतेकू जितावयान अरू सतायतेकू फड़ियावतेरा अरू भगवान जबानतेरा हनाकू पवावनेना अरू कूलकूराः आहकू रिपूडगोतेड,

इबरानी 11:6

बेगर बिसवासते अबू भगवान कहियो ओरोबू एचे ननाय अवेतिरिया। भगवान एचेरेकू सेनता हँकुःआ होड़कू भगवान इनीदानिया अरू हाँय जीवन-जाततेकू ञमेयता, हँकू लगा हाँय इमाने एनेमेयता, माःआन बिसवासगे लगा इदा।

एकूब 2:14

ईंगरिकुःआ अजी बोपोहकूतिंग, तोनोंगीग होड़ कतायतना, ईंग ईसू मसी एचेरेयिंग बिसवासगेतना। मनदो हाँय नपाय बुता मेरेय एचेयता दो हनारे चिला नफा इदा? नानाः इयाःआ बिसवासते हाँय सडाव जुवाःताय जा?

एकूब 3:13

अपे अते कनहूनदार अरू सुदीगे इयायीग होड़ इये हवे? दो हँकुःआ होड़कू अँननकू अँकू हुडिंग ओंगोलकियानखन कनहून सुदा नपाय लूर-नेवनते जियाः लगा इदा।