एकूब 1:5 - Korwa Bible

⁵ मनदो अपे अते तोनोंगीग ओंगलेतना, ईंग एचेरे गुनमिन कनहून इदा, माःआन दो हाँयके भगवान एचेरे अअसे लगा इदा अरू भगवान हाँयग होड़ लगा कनहूने एमेयता। अरू भगवान अनँयग एचेरेकू असेयता हँकुःआ होड़कू लगा मिनी जीवकियानखन बेगर कदरावतेय एनेमेवायता।

एकूब 1:5 Σταυροειδείς Αναφορές

मती ओजाःतेरा भगवानराः नपाय सरवन 11:20

ईसू बयाव जुवाः इयाःआ बुताकूने एचेकेरा हना सहरकूनरिकुःआ होड़कू अँकूराः कसूर अते जीव मेरकू कुदागाड। हनालगा ईसू हँकुःआ होड़कू बदीतेडखने कताया,

मरकूस 16:14

हना तयोमते हँकू गारहगोटोंग मूक चेलाकू जोजोम लगाकू दुड़ुःकुःआ दो, ईसू हँकू एचेरे अनँयग एचे ञेलेयान। ईसू जियाव रेमयनाय, हना होड़कू उदुःवाकुःआ, दो हँकू मेरकू बिसवासगाड अते ईसू हँकूराः बेगर बिसवास अरू केटेग जीव अतेय डंटावतेडकुःआ।

एहुना 14:13

बेटातते अपातराः मान मरजइत होयाः लगा अपे कहिसाः ईंगराः ञावतेपे असेय दो हनानाः ईंग एचेयता।

एहुना 15:7

अपे ईंग सुदा मिनीपे दोहोन अरू ईंगराः सरवन इयापे जियाः दो, अपे भगवान एचेरेपे असेय हनापे पवाव जुवाःता।

एहुना 4:10

हनते ईसू कतातेड, “भगवान एमेयता हना बदीरे अरू आम एचेरे दाः ञूय लगाय असेयतना हाँयग होड़ बदीरेम सुदीकेः दो, आम ईंग एचेरेम असेकेःआ अरू आम लगा जीवराः दाःयिंग एमेवाकेमेःआ।”

2 कुरिंती 2:16

दो अबूराः सरवन लाय जुवाःता हँकुःआ होड़कू लगा गुजुः महुरा महक इया इदा अरू सडाव जुवाःता हँकुःआ होड़कू लगा नपाय मह-महाःता हना महक इयाःआ जीव एमेता। दो नाःआ इयाःआ बुता एचे जुकूर इये इदा?

एकूब 1:17

जमा इयाःआ नपाय अरू उडु-बुडूत दहिनकून भगवान अगीतेबू पवाःता। जमा इयाःआ मरसले तुलाकेरा हाँयग भगवान अबू लगा नाःआ दहिनकूने एमेयता। भगवान सगर सइट मिनी इयाय दोहोनता अरू उंबूल लंबी पुडनता हनन इया हाँय एचेरे तोनोंगाः बदला कोवानेःआ।

एकूब 3:17

मनदो भगवान अबू लगाय एमेयता हना कनहूनते मी होड़ सुद अरू सलसतिया होड़े बड़ाँःता। हाँय सोगायीग होड़े दोहोनता अरू एटाः होड़कूराः कताय मनाःता। हाँय मयादार अरू बेगर गारबारराः बिसवास अरू बेगर पाचपटी सुदा नपाय बुता एचे लगा हों मंजूरे दोहोनता।

एकूब 5:16

हनालगा अपे अँननपे अपेराः कसूरकूनपे कबुलाव होड़ेंग अरू अरजी होड़ेंगपे, जेमहा अपे नपाय जुवाः। बेगर गारबार होड़कूराः अरजी जंगरते दोहोनता अरू हानते नफा होनोया जुवाःता।

1 एहुना 3:22

अबू भगवानराः हुकुमकूनबू मनाःता अरू हाँय ननायगुःता हनानाःबू एचेयता दो अबू तोनोंगाःबू असेयता हान, भगवान अबू लगाय एमेयता।