इबरानी 9:9 - Korwa Bible

⁹ नाःआ जमा कताकून नाःआ जूगरिकुःआ होड़कू लगा मीटोंग अउल-तउल कता इया इदा। ननानाः अते अबू सुदी अवेयता, भगवानकू जागता हँकुःआ होड़कूराः ओंगोल, दान अरू बलिदान देग अते मेर सुदगुःता।

इबरानी 9:9 Σταυροειδείς Αναφορές

रूमी 5:14

अदमराः जूग अते मोसेसराः जूगवरीरिकुःआ जमा होड़कू आदम इया जइनके मेरकू कसूरगतेरा। हनते हों हँकुःआ जमा होड़कू गोएगयान। अपे ईंगपे अयूम! आदम अरू तयोमरे वेग लगाय दोहोना हाँयग ईसू मसी सुदा तोनोंगाः अउल-तउल कता इदा जा?

गलातिया 3:21

अपे नाःआ इयापे ओंगलेतना जा, भगवानराः जबान अरू मोसेसराः नियमकून मेर जुमाःतना, माःआन? बुरी, नाःआ इया कोवान! अबू तोनोंगाः नियमकूनबू मनाः अते नपाय जीवबू जियाव अवेकुः दो हनानाः नियमकूनते, अबू भगवानराः ओंगोल इया बेगर गारबार होड़कूबू बड़ाँवकुःआ।

इबरानी 10:11

दो पुजउरीकू सगर दिन टपइर ओड़ाः पेंदारे चड़ाँकियानखनकू सेवागोड ञवनता अरू हनानाः बलिदानकून घड़ी घड़ीकू देगगोड ञवनता। मनदो हना बलिदानकूनते होड़कूराः कसूरकून कहियो मेर बराव एंडा अवेयता।

इबरानी 11:19

इबराहीम आँयग जीवरेय ओंगोल दोहोबाःगोतेड, भगवान गोएगतो होड़कू जियाव रेमकू लगा जंगरदार इदानिया, माःआन। अरू भगवान रोंकावगोतेडीग अते अउल-तउल इया हाँय गोएगतो अते जिनियाव रेमतो इसहाके पवावनेना।

इबरानी 5:1

होड़कू अते सुनावतो मी होड़ होड़ हवे मूक पुजउरी। हाँय भगवानराः कताकून बदीरे होड़कू अगीते बिच-बिचवाई होड़े दोहोनता। हाँय हँकू लगा दान अरू कसूरराः बदलारे बलिदान भगवाने एमेवाता।

इबरानी 7:11

भगवान अनँयगरिकुःआ एहूदाकू नियमकूने एमेवातेरा हनमेला लेवीरिकुःआ नइड़-बाँस होड़कू पुजउरी बुता लगाय हेलावतेडकुःआ। मनदो हँकुःआ पुजउरीकू भगवान मड़ंगरे होड़कू उडु-बुडू मेरकू बड़ाँव अवेगान। हनालगा हनानाः पुजउरी बुता लगा भगवान एटाः मी होड़े वारतिरिया। हाँयराः पुजउरी बुता मलिकिसिदिकराः इया दोहोना अरू लेवी गोतोररीग हारूनराः खुटिपहार वरीते सलाव वेगतना हना पुजउरी बुता इया कोवानेःआ।

इबरानी 8:4

चउंदीसरे मोसेस एमेतेरा हना नियमकून इया दान एएमे लगा लेवी गोतोररिकुःआ मुरुक पुजउरीकू इदानकुःआ। हनालगा नाँय नाःआ चउंदीसरे दोहोकुः दो पुजउरी ओरोय बड़ाँवकुःआ।

इबरानी 9:24

मसी, होड़कू तुलातेरा हना सुद टपइर ओड़ाःरे मेरेय बोलोगान। नाःआ सुद टपइर ओड़ाः दो सेरमो देसराः सताय सुद टपइर ओड़ाःराः उंबूल हवे। मनदो मसी सेनेरमो राइजरेय बोलोकिया, जेमहा नुँहू हाँय अबू लगा भगवान मड़ंगरे बिच-बिचवाईए बड़ाँव जुवाः।

1 पतरस 3:21

अरू हना दाः बतिसमाराः अउल-तउल इया इदा। ईसू मसी गोएगतो होड़कू अतेय जियाव रेमकिया अते बतिसमाते अपे बनसाव जुवाःता। नाःआ बतिसमाते अपेराः देहराः मइल बुहाल अमिंगगुः लगा कोवानेःआ। मनदो हन बतिसमा अपेराः इंदरी नपायते दोहो ञवन लगा भगवान एचेरे मीटोंग अरजी इया इदा।