इबरानी 8:8 - Korwa Bible

⁸ मनदो भगवान हना कता-जमकावतोराः गारबार ञामकेडखने कतातेरा, “परबू कतायतना, अयुमेपे! मी दिन दरवाःआ, हना दिन ईंग इसराएल होड़कू अरू एहूदाकू सुदा नँवायिंग कता-जमकावता।

इबरानी 8:8 Σταυροειδείς Αναφορές

मती ओजाःतेरा भगवानराः नपाय सरवन 26:28

नाःआ रस ईंगराः बलंगी हवे अरू नानाः अते होड़कू सुदा भगवान कता-जमकावकूता। मुरुक होड़कूराः कसूर भगवान बराव एंडागे लगा ईंगराः बलंगी तूःता।

मरकूस 14:24

दो हाँय हँकू एचेरेय कतातेड, “नाःआ रस ईंगराः बलंगी हवे अरू मुरुक बगरा होड़कू लगा ईंगराः बलंगी तूःता। नानाः अते होड़कू सुदा भगवान कता-जमकावकूता।

लूका 17:22

हनते ईसू चेलाकू एचेरेय कताया, “मनुवारीग बेटातराः मी दिन ञेल लगा अपे चहाःता हना दिन निचकाःतना, मनदो हना अपे ओरोपे ञेल अवेतेरा।

लूका 22:20

हनन इया जोम तयोमरे ईसू अंगूर रसराः डुबहाय सेपेंग गोःतेरा अरू नाःआ इया कतातेडखने एमेतेरा, “ईंगराः बलंगी तूःतान अते नँवा कता-जमकावतोयिंग जबानगेता। अरू नाःआ डुबहारे इदा हना अंगूर रस हनाराः चिनहा हवे।

लूका 5:38

हनालगा नँवा रस नँवा बगलीरे सोसोलोंग इदा।

1 कुरिंती 11:25

हनन इया बियाड़ी तयोमरे ईसू अंगूर रसराः डुभाय सेपेंगतेरा अरूय कताया, “ईंगराः बलंगी होड़कू लगा भगवानराः नँवा कता-जमकावतो इदा। अपे तोनोंग मेलापे ञूय दो ईंग उहियार लगा ननन इयापे एचेय।”

2 कुरिंती 3:6

अरू हनाँय अले नँवा कता-जमकावतोराः सेवकिया जुकूरे बड़ाँवगोतेडलेःआ। नाःआ नँवा कता-जमकावतो ओजाःतो नियामकूनते कोवानेःआ, मनदो सुद बिरुवाते इदा। ओजाःतो नियमकून मेरबू मनाःतान अते गुजुःराः डंडबू पवाःता, मनदो सुद बिरुवाते जीवबू पवाःता।

इबरानी 12:24

अरू हाबीलराः बलंगी अते मसीराः मुरुक नाय नपाय इरचीत बलंगी हों हंडा इदा। अरू नँवा कता-जमकावतोरीग बिच-बिचवाई होड़ इदानिया हाँयग ईसू हों हंडा इदानिया।

इबरानी 7:22

नाःआ किरिया भगवान जोमतेरा अते ईसू नाय नपाय कता-जमकावतोरीग आभा पुरावदारे बड़ाँवनेना।

इबरानी 8:13

नाःआ नँवा कता-जमकावतो अते मड़ंगाः कता-जमकावतो भगवान जुनाय बड़ाँवगोतेडा। अरू जुना अरू जिलियावतो इदा हना ओहेन टगाव एंडा जुवाःता।

इबरानी 8:6

ईसू नाय नपाय कता-जमकावतोरीग बिच-बिचवाई होड़ इदानिया, अरू हना कता-जमकावतो नाय नपाय जबानते सनालाःतना। हनालगा ईसू चउंदीसरिकुःआ पुजउरीकू अते नाय नपाय सेवाय पवावकिया।

इबरानी 9:15

कसूरतेराकू अरू मड़ंगाः कता-जमकावतोकू टड़ावतेरा हँकुःआ होड़कू सडाव लगा मसी गोएगनेना। नुँहू हाँय नँवा कता-जमकावतोरीग बिच-बिचवाई होड़े बड़ाँवकिया, जेमहा भगवान सुनावकेडकुःआ हँकुःआ होड़कू आँयगराः जबान इया ओरो टुटीगनेना हना इताडकू पवाः।