इबरानी 7:11 - Korwa Bible

¹¹ भगवान अनँयगरिकुःआ एहूदाकू नियमकूने एमेवातेरा हनमेला लेवीरिकुःआ नइड़-बाँस होड़कू पुजउरी बुता लगाय हेलावतेडकुःआ। मनदो हँकुःआ पुजउरीकू भगवान मड़ंगरे होड़कू उडु-बुडू मेरकू बड़ाँव अवेगान। हनालगा हनानाः पुजउरी बुता लगा भगवान एटाः मी होड़े वारतिरिया। हाँयराः पुजउरी बुता मलिकिसिदिकराः इया दोहोना अरू लेवी गोतोररीग हारूनराः खुटिपहार वरीते सलाव वेगतना हना पुजउरी बुता इया कोवानेःआ।

इबरानी 7:11 Σταυροειδείς Αναφορές

गलातिया 2:21

नियम मनावकेडखन कसूर अते फड़ियावतो होड़कूबू बनाड़ाँव अवेकुः दो, ईसू मसी अबू लगा गुनुजुः बेगर मतलोब होयाकुःआ। हनालगा भगवानराः मया सदाःआ हवे माःआन, मेरिंग ओंगलेतना।

गलातिया 4:3

हनन इया अबू हों हँकुःआ लइंकू इया नाःआ चउंदीसराः रिता-रिता चेडतो इयाबू सलाःआ।

गलातिया 4:9

मनदो नुँहू अपे भगवानपे सुदीकेरा, बलकि भगवान अपेय सुदीकेडपेःआ। दो अपे हनानाः बेगर लूर अरू सदाःआ नियमकून, मनाः लगा चिला लगापे बहुराःतना? दो हना नियमकूनपे मनाः अते अपे हना नियमकूनराः आड़रे अरूपे दोहो जुवाःता।

इबरानी 5:10

अरू मलिकिसिदिक इया मूक पुजउरी बड़ाँः लगा भगवान हातपाते ओवाडिया।

इबरानी 5:6

ननन इया एटाःरे होंय कतायता, “आम मलिकिसिदिक इया, सगर सइट लगा पुजउरी इदानमेःआ।”

इबरानी 6:20

हंडा ईसू अबू अते मड़ंग अबू लगाय बोलोयना। हाँय मलिकिसिदिक इया सगर सइट लगा मरंगीग मूक पुजउरीय बड़ाँवयना।

इबरानी 7:10

दो अबू नाःआ हों कता अवेयताबू, होड़कू अते दस बंटा अते मी बंटाय गोःता हाँयग लेवी हों इबराहीमते मलकिसिदिक एचेरे दस बंटा अते मी बंटाय एमेगोतेडा।

इबरानी 7:12

पुजउरी बुतारे बदलाव होयाःतान दो, नियम हों बबदला पनाराःता।

इबरानी 7:13

अबू पुजउरी बुता बदीरेबू कतायतना हाँयग पुजउरी ईसू, एटाः गोतोररीग हवे। मनदो हना गोतोररिकुःआ तोनोंगीग बेदीरे पुजउरी बुता मेरकू एचेगरा।

इबरानी 7:15

दो मलकिसिदिक इया हाँय पुजउरीय बड़ाँव जुवाःतान दो अबू कताकेरा हना कता अरू फड़ी-फड़ीबू सुदीगोडता।

इबरानी 7:21

अरू हाँय एचेरेय कतातेरा, “परबू किरियाय जोमतेरा, आम सगर सइट लगा पुजउरी इदानमेःआ अरू हाँय हना किरिया अते ओरोय कुदानेना।”

इबरानी 8:7

मड़ंगाः कता-जमकावतो बेगर गारबारते दोहोकुः दो एटाःआ कता-जमकाव लगा भगवान ओरोय ओंगोलकेःआ।

इबरानी 9:6

टपइर ओड़ाःराः जमा जिनिसकून नाःआ इया संजोड़तो दोहोनता। दो हना मड़ंग छिनारे पुजउरीकू सगर दिन अँकूराः सेवा बुता लगाकू बोलता।