3 दो भगवानराः ओंगोल इदान दो नाःआ अनउरबू चेडुःता।
मनदो हाँय सेन मेला हँकू एचेरे नाःआ इयाय कतातेरा, “भगवानराः ओंगोल इदान दोयिंग कुदा वेगता।” हनते हाँय इपीसी सहर अते जहाजते तोराय।
नाःआते ईंग भगवानराः ओंगोल इया अपे सुदा बहालतेयिंग जुमाव अवेन अरू अबू जमाकूराः जीव हड़ियड़ जुवाः।
ईंग नुँहू अपे सुदा जुमाव पारगुः लगा मेरिंग चहाःतना। मनदो परबूराः ओंगोल इदान दो अपे सुदा बगरा दिन गुदरावगे लगायिंग चहाःतना।
मनदो परबूराः ओंगोल इदान दो, अपे एचेरे ओनोहेनिंग सेनता। हनते हँकू बड़वारता हना कता सताय हवे जा कोवान, अरू भगवानराः जंगर हँकू एचेरे इदा जा कोवान, हना ईंग अता-पतागोडता।
मी तुरहा भगवानराः मरसल अरू दहिनकू पवावनेना, अरू एटाःकू सुदा सुद बिरुवातेकू मिनीनेनखन तयोमतेकू कुदा जुवाःता हँकुःआ होड़कू बदीरे चेले माःआनबू कताय?
ननदो अपेके नाःआ इया ककाता लगा इदा, परबू चाहाःतान दो, अले जीयतले दोहोनता अरू नाःआ सहे हना बुता होंले बुताता, माःआन।
