इबरानी 2:8 - Korwa Bible

⁸ मान मरजइत सुदा मरंगमे तुलाकिडिया।” जमा बरानाः मनुवाराः आड़रे भगवान जिमातेरा दो, तोनोंगाः हाँयराः आड़रे दोहोन अते मेरेय रोंकावगरा। मनदो नुँहू वरी जमालेःआ हाँयराः आड़रे इदा हना इया मेरबू ञेलता।

इबरानी 2:8 Σταυροειδείς Αναφορές

मती ओजाःतेरा भगवानराः नपाय सरवन 28:18

हनते ईसू हँकू एचेरे सेनेडखने कतातेरा, “सेरमो देस अरू ओतराः जमा हातपात भगवान ईंगे जिमावारा।

एहुना 13:3

अपांग जमाकूनराः हातपात ईंग एचेरेय जिमाकेरा अरू ईंग भगवान अतेयिंग वेगकिया अरू भगवान एचेरेयिंग कुदा सेनता माःआन ईसू सुदीकेडखन,

एहुना 3:35

अपांग भगवान अनँयग बेटाय अलार-दुलारता अरू जमा जिनिसकून हनाँय एचेरेय जिमाकेरा।

1 कुरिंती 15:27

भगवानराः कागदरे ओजाःतो इदा, “भगवान जमाकून हाँय हातपातगे लगा काट पेंदारेय मंडावगोतेरा।” जमाकून हाँय हातपातगे लगा काट पेंदारेय मंडावगोतेरा, माःआन उदुःगेता दो नाःआराः मतलोब नाःआ हवे, जमा बरानाः हाँयराः आड़रेय जिमागोतेरा। मनदो भगवान जमा बरानाः हाँयराः आड़रेय जिमागोतेरा, दो भनगवान एकला हाँयराः आड़रे कोवाया।

इबरानी 1:13

सेरमो देसरिकुःआ बराहीलकू अते तोनोंगीग एचेरे भगवान नाःआ इयाय कतातेरा जा, ईंग आमरिकुःआ मुदइ होड़कू हरुवावकेडकूखन आमराः काट चोडुः लगा अरीनिंग तुलाकू वरी ईंगराः खउना गतर दुडुःकियानखन आम ईंग सुदाम राइजकू?

इबरानी 1:2

मनदो नाःआ टुटीगगुः अते मड़ंगाः दिनरे भगवान अनँयगरीग बेटातते अबू सुदाय बड़राकिया। आँयगरीग बेटात जमा जिया-जइतकूनरीग इताडदार हवे अरू हाँय अते जमा राइजबड़ी भगवान तुलाकेरा।

इबरानी 2:5

दरवाःआ हना चउंदीस बदीरेबू कतायतना दो, हना तोनोंगीग सेरमो देसरिकुःआ बराहीलकूराः आड़रे भगवान मेरेय जिमागरा।

1 पतरस 3:22

दो ईसू मसी सेरमो देस अगी तोराया अरू नुँहू हाँय भगवानराः खउना तिःई गतररेय दुड़ुःकिया। सेरमो देसरिकुःआ बराहीलकू अरू जमा हातपातदारकू अरू अबू मेरबू ञेल अवेकूता हँकुःआ जंगरदार भूतकू, हँकू जमाकू हाँयराः आड़रेकू सलाःतना।

उदुःतो कताकून 1:18

ईंग गोएगनेना, मनदो अयुमेमे सनागर सइट जिनियतिंग दोहोनता। अरू गुजुः अरू पतालपूरराः चभी इनिंग एचेरे इदा।”

उदुःतो कताकून 1:5

अरू ईसू मसी हों अपे मयावाडपेखन सलसत एमेवापे लगायिंग अरजीतना। हाँय बिसवासगेयीग दोहोकियानखन होड़कू एचेरे सताय भगवाने उदुःवातेडकुःआ। हाँय गोएगनेनखन जियाव रेमतो होड़कू अते मड़ंगीगे दोहोना अरू चउंदीसरिकुःआ जमा राजाकूरीग मनारंग राजा हवे। ईसू अबूय दुलारकेडबुःआ अरू कुरूसरे अनँयग बलंगीय तूतेड अते हाँय अबू कसूरराः बोझातेय अजइतकेडबुःआ।