इबरानी 1:1 - Korwa Bible

¹ ने अजी बोपोहकूतिंग, भगवान मड़ंग जूगरे अबूरिकुःआ खुटिपरिया होड़कू एचेरे आँयग बड़रा कता होड़कूते एटाः एटाः बेलारे एटाः एटाः इयाय बड़रा ञवना,

इबरानी 1:1 Σταυροειδείς Αναφορές

लूका 1:55

अरू अबूरिकुःआ खुटिपरिया होड़कू एचेरे, इबराहीम अरू हाँयरिकुःआ नइड़-बाँसकू एचेरे सगर सइट लगाय जबानतेरा हनन इया हाँय सोगोगोड ञवनता।”

लूका 1:72

हाँय अबूरिकुःआ खुटिपरिया होड़कू एचेरेय जबाननतेरा हन इयाय मयावाबूता, अरू अनँयगराः हना सुद कता-जमकावतोय उहियारगेता।

लूका 24:27

हनते भगवानराः कागदरे मोसेस अरू एटाः जमा भगवानराः बड़रा कता होड़कू ओजाःकेरा हनाते अनँयग बदीरे ओजाःतो दोहोना हना जमा ईसू हँकिने कता समझावतेडकिना।

लूका 24:44

तयोमरे हाँय हँकू एचेरेय कताया, “ईंग अपे सुदा दोहोन मेलायिंग कतातेरा, मोसेसराः नियम कागदरे, भगवानराः बड़रा कता होड़कूराः कागदरे अरू सेरेंगकून कागदरे ईंग बदीरे ओजाःतो इदा, हना जमा कता हनन इया होनोयाः इदा।”

एहुना 16:13

मनदो सतायराः बिरुवा वेग दो अपे जमा बरानाः सताय दूरे उदुःवापेता। हाँय अनँयग ओंगोलते ओरोय कतातेरा। मनदो हाँय अयुमेता हनानाःए कता उदुःगेता अरू दरवाःआ हना कताकून होंय कता उदुःगोडता।

एहुना 7:22

मोसेस अपे एहूदाकू अपेरिकुःआ बेटाकू आठ नमार दिनरे खतनाकू लगाय हुकुमवाडपेःआ। नाःआ नियम मोसेस अपे लगा मेरेय एमेगरा। मनदो हाँय अते मड़ंग अबूरिकुःआ खुटिपरिया होड़कू एचे अगूकेरा। हनालगा अपे लोड़ोनराः दिनरे हों अपेरिकुःआ बेटाकूपे खतनाता।

एहुना 9:29

अले सुदीयतना भगवान मोसेस सुदाय बड़रानेना, मनदो अले नाँयग होड़ मेरले सुदीगेयता, हाँय करेयीग होड़ हवे, माःआन।”

मूक चेलाकू 13:32

भगवान अबूरिकुःआ खुटिपरिया होड़कू एचेरेय जबानतेरा हना जबान, हाँय ईसू गोएगतो होड़कू अतेय जियाव रेमकिरिगखन, अबू जूगरेय पुरावगोतेडा।

मूक चेलाकू 2:30

मनदो हाँयग दाऊद राजा भगवानराः बड़रा कतायीग होड़े दोहोना अरू हाँय सुदीया, भगवान ईंग एचेरे किरिया जोमकेडखने जबानतेरा, आम तयोमरे आमरिकुःआ नइड़-बाँस होड़कू अते मी होड़ राजा आमराः गदीरेयिंग एचे दुड़ुःगेयता, माःआन।

मूक चेलाकू 28:23

दो हँकू हाँय सुदा बुतुड़ु लगा मीटोंग दिनकू तोल दोहोतेरा। अरू हना दिन पउलूस दोहोना हना ओड़ाःरे, मुरुक होड़कू जुमावनेना। निंदावा अते सिंगाड़ वरी, हाँय भगवानराः बड़रा कता होड़ मोसेसराः नियमकून, अरू भगवानराः बड़रा कता होड़कू ओजाःतेरा एटाः कागदकूनते, ईसू मसीराः बदीरे एचे सुदीकू घड़ीन, भगवानराः राइज बदीरे हिदइते उदुःवातेडकुःआ।

मूक चेलाकू 3:21

भगवानराः बड़राकू कतायता हँकुःआ सुद होड़कू मड़ंग जूगरेकू कता उदुःतेरा हनन इया भगवान जमाकूने नँवा अरीने तुलागे वरी, ईसू सेरमो देसरे दोहोन लगा इदा।

इबरानी 11:18

ननाँयग इसहाक बदीरे भगवान इबराहीम एचेरे मड़ंगरेय जबानतेरा, “आमरीग बेटा इनिसहाकते आमरिकुःआ नइड़-बाँस होड़कू बड़ाँःता।”

इबरानी 11:2

अबूरिकुःआ खुटिपरिया होड़कू बिसवासतेरा, हनालगा भगवान हँकूय भल-भलायवातेरा।

इबरानी 12:25

भगवान अपेय कता उदुःवाता हना कता नपायपे अयूम ठुड़ावगे। चउंदीसरे होड़कूय सेतावतेरा हाँयगराः कता मेरकू मनावगान, हँकुःआ होड़कू मेनेरकू बनसावगान। दो सेरमो देस अते अबूय सेतावतना हाँयराः कता मेरबू अयूम ठुड़ावगे दो, अबू बनसाव अवेनता जा?

इबरानी 2:2

सेरमो देसरिकुःआ बराहीलकूते भगवान कतातेरा हना सरवन तोल दोहोत दोहोना, अरू हना सरवनकू टड़ावतेरा हँकुःआ होड़कू, बेगर गारबारतेःआ फड़ियावराः डंडकू पनावावनेना।

इबरानी 2:3

भगवान अबूय सडावता हना मुनुरुक मरंग सरवनबू आड-बेकारवा दो, करा इयाबू बनसाव अवेनता? नाःआ सडावराः सरवन मड़ंगरे परबू ईसू कतातेरा, अरू हाँय अतेकू अयूमतेरा हँकुःआ होड़कू हना सरवन सताय हवे माःआनकू पनकियाबाःगोतेरा।

इबरानी 3:5

मोसेस भगवानराः ओड़ाःरिकुःआ होड़कू एचेरे मी होड़ सेवकिया होड़ इया बिसवासगेयीगे दोहोना। अरू तयोमरे भगवान उदुःगेता हना सताय कता बदीरे मोसेस हिदइते कता उदुःतेरा।

इबरानी 4:8

एहोसू हँकुःआ होड़कू हना लोड़ोने एचे अटकार अवेकेकुः दो भगवान एटाः दिन बदीरे ओरोय कताकेःआ।

इबरानी 5:5

हनन इया मसी हों मूक पुजउरी बड़ाँवकियानखन अनँयग आँयगते मेरेय मान मरजइतगान। मनदो भगवान हाँय एचेरेय कतातेरा, “आम ईंगरीग बेटा हवे, ईंग तिसिंग आमरीग अपांगिंग बड़ाँवकिया।”

इबरानी 9:19

मोसेस जमा होड़कू एचेरे नियमकूनराः जमा हुकुमे कता उदुःवातेडकुःआ। हना तयोमरे हाँय बसरूकूराः अरू मेरोमकूराः बलंगी गोःकेडखन दाः अरू लाल रंगाः मोट सितोम सुदा जूफा ञावराः टटकाःते नियमकूनराः कागदरे अरू होड़कू सेरमोरेय इरचीतेरा