इपीसी 6:18 - Korwa Bible

¹⁸ सुद बिरुवाते जमा बेलारे जमालेःआ लगा अरजी हड़ाःगोड ञवनपे। ननन इया सवासितीपे दोहोन घड़ीन भगवानरिकुःआ जमा सुद होड़कू लगा अरजीगोड ञवनपे।

इपीसी 6:18 Σταυροειδείς Αναφορές

मती ओजाःतेरा भगवानराः नपाय सरवन 17:21

[नाःआ इयाकुःआ भूतकू बेगर उपासतेःआ अरजीरे मेरकू उडुंगगुःता।”]

मती ओजाःतेरा भगवानराः नपाय सरवन 26:41

जगलेम दोहोन अरू भगवान एचेरेम अरजीगोड ञवन। हना अते आम तोनोंग इयाःआ अंदजावरे ओरोम परावनेना। जीव बिरुवा सपड़ावतो इदा, मनदो नाःआ देह जंगर कुड़ही इदा।”

मरकूस 13:33

अपे मेरपे सुदीयतना तुमिस ईंग कुदा वेगता। हनालगा अपे जगलेपे दोहोन।

मरकूस 14:38

जगलेम दोहोन अरू भगवान एचेरे अरजीगोड ञवनमे, जेमहा आम तोनोंग इयाःआ अंदजावरे अलोम पराः। जीव बिरुवा सपड़ावतो इदा, मनदो नाःआ देह जंगर कुड़ही इदा।”

लूका 21:36

हनलगा अपे जगलेपे दोहोन अरू नाःआ चउंदीसरे होयाःता हना गराहते बनसाव अवेन लगा अरू मनुवारीग बेटात वेग मेला आँयग मड़ंगरे चड़ाँ अवेन लगा अरजीगोड ञवनपे।”

लूका 22:46

ईसू हँकू एचेरेय कताया, “अपे चिला लगापे अपीगतना? रिमुःपे। अपे अरजीगेपे, जेमहा अंदजावरे अलोपे पराः।”

लूका 3:26

नोगा मातरीग बेटात दोहोना अरू, मात मतितियाहरीग बेटात दोहोना अरू, मतितियाह सिमीरीग बेटात दोहोना अरू, सिमी ओसेकरीग बेटात दोहोना अरू, ओसेक एहोदारीग बेटात दोहोना अरू,

लूका 3:37

लिमिक मथुसिलहरीग बेटात दोहोना अरू, मथुसिलह हनोकरीग बेटात दोहोना अरू, हनोक इरीदरीग बेटात दोहोना अरू, इरीद महालेलरीग बेटात दोहोना अरू, महालेल केनानरीग बेटात दोहोना अरू,

मूक चेलाकू 1:14

हँकुःआ होड़कू ईसूरीग एंगात मरियम अरू आँयग बोपोहकू अरू एटाः बिसवासी अइमीकू सुदा घड़ी घड़ी मिनी जीवकियानखन अरजीगोड ञवना।

मूक चेलाकू 10:2

हाँय अरू आँयग ओड़ाःरिकुःआ जमा होड़कू भगवान मान मरजइत घड़ीनकू जागा। हाँय ससंघरा लगा दोहोना हँकुःआ गरीब होड़कूय संघरावाःआ अरू भगवान एचेरे सगर दिने अरजीःआ।

मूक चेलाकू 12:5

दो पतरस जेहेलरे सींगतोय दोहोना हनमेला कलसियारिकुःआ होड़कू भगवान एचेरे हाँय लगा अरजी घड़ीनकू असेःआ।

मूक चेलाकू 6:4

मनदो अले अरजी लगा अरू भगवानराः सरवन होड़कूले चेड लगा लगलेले दोहोनता।”

रूमी 12:12

भगवान एचेरे असरा घड़ीन बहालतेपे दोहोन अरू कटसिया सहाव घड़ीन जमा बेलापे अरजीगोड ञवन।

रूमी 8:15

अपे सुद बिरुवापे पवावकियानते पोंकाहा बेगारी होड़कू इया दोहोन लगा कोवानेःआ, मनदो भगवान आँयगराः बिरुवाते अनँयग लइंकू इयाय समुटावकेडपेःआ। नाःआते अबू हाँय, ने अबबा, ने अपांग, माःआन चइड़ घड़ीनबू राःगेयता।

गलातिया 4:6

नुँहू अबू भगवानरिकुःआ लइंकूबू बड़ाँवयना अते, हाँय अनँयग बेटातराः बिरुवा अबू जीवरेय वारकेरा। हनाँय बिरुवाते अबू हाँय, ने अबबा, ने अपांग, माःआन चइड़ घड़ीनबू राः अवेयता।

इपीसी 1:16

अपे लगायिंग अरजीगोड ञवनतना अरू अपे बदीरे भगवान धनियाबादगे लगा मेरिंग अड़ाःगरा,

इपीसी 2:22

ईसू मसीरे सुद बिरुवाते अपे बेगर एहूदाकू हों, भगवान दोहोन लगा ओड़ाःपे बड़ाँःतना।

इपीसी 3:18

भगवान अबूय दुलारता हना दुलार तुमिन सकड़ अरू लंबी इदा, तुमिन उसूल अरू गहीर इदा हना भगवानरिकुःआ सुद होड़कू सुदा, अपे बुझाव अवेन लगायिंग अरजीतना।

इपीसी 3:8

भगवानरिकुःआ जमा सुद होड़कू अते ईंग हुडिंगीग हवे। हनते हों बेगर एहूदाकू एचेरे मसीराः अगामाः आन-धान बदीरे कता उदुःगे लगा भगवान ईंगे मयावारा।

इपीसी 6:19

ईंग भगवानराः नपाय सरवन कताय मेला, डीड़ते हना सरवनराः ओकोत कताकूनिंग कता अवे लगा, ईंग लगा होँपे अरजी।

पिलिपी 1:4

भगवानराः नपाय सरवनपे अयूमतेरा, हना दिन वरी हना नपाय सरवन होड़कू एचेरे कता उदुःवाकू लगा ईंगपे सेवा देंगवातेरा।

पिलिपी 4:6

तोनोंग इयाःआ ओंगोल कुहकाःरे अपे अलोपे दोहोन। मनदो जमा बरानाः लगापे अरजीगोड ञवन। अरू धनियाबाद घड़ीन अपे लगा हुडिंग बगरा इदा हना भगवान एचेरेपे असेय।

कुलूसी 1:3

अपे लगालिंग अरजीतान मेला, अपे बदीरे परबू ईसू मसीरीग अपांग भगवान जमा बेलालिंग धनियाबादगेयता।

कुलूसी 1:4

अलिंग अयूमकेरा, अपे ईसू मसी एचेरेपे बिसवासगेतना, अरू भगवानरिकुःआ जमा सुद होड़कू सुदापे अलार-दुलार होड़ेंगतना, माःआन। हनालगा भगवानलिंग धनियाबादता।

कुलूसी 4:2

अपे अरजीगोड ञवनपे अरू भगवान धनियाबाद घड़ीन सवासितीपे दोहोन।

1 तिसलूनिका 5:17

जमा बेला अरजीगोड ञवनपे।

1 तिमुतियूस 2:1

ने तिमुतियूस, मीटोंग मइद कता ईंग आम एचेरेयिंग असेयतना, जमा होड़कू लगा भगवान एचेरे अरजीकेडखन हँकू लगाम असेय अरू हँकू बदीरे भगवानमे धनियाबाद।

2 तिमुतियूस 1:3

दो ने तिमुतियूस, दिन रइत उहियार घड़ीन आम लगायिंग अरजीतान मेला, ईंगरिकुःआ अपुयिंग ततायिंगकू इया सुद इंदरीतेयिंग जागगेयता हाँयग भगवानिंग धनियाबादगेयतना।

पिलेमोन 1:5

ईंग अयूमकेरा, पिलेमोन ईसू मसीरेय बिसवासगोड ञवनतना अरू परबू ईसूय दुलारतना अरू बिसवासी होड़कू सुदा अलार-दुलारतेय दोहोनतना, माःआन।

इबरानी 5:7

ईसू चउंदीसरेय दोनोहोन मेला हाँय मुरुक सटी खिररी घड़ीन अरू मेड दाः जोरो जोरो हाँय गुजुः अते बनसाव अवेयता, हाँयग भगवान एचेरे असे घड़ीने अरजीःआ। अरू हाँय अकूस मनाः घड़ीने अरजीःआ अते भगवान अनायूमबाःकातेरा।

1 पतरस 4:7

चउंदीस टुटीगगुःराः बेला निचकाःतना। हनालगा अपे ओंगोल बुझाः घड़ीन सवासितीपे दोहोन, जेमहा अपे भगवान एचेरेपे अरजी अवेय।

जूदा 1:20

मनदो ईंगरिकुःआ अजी बोपोहकूतिंग, अपेराः मुरुक सुद बिसवास बड़ियाड़ इदीनपे अरू सुद बिरुवा अगुवाइवापेता हना इयापे अरजी।