इपीसी 5:19 - Korwa Bible

¹⁹ अँननपे अपे जाग सेरेंगकून, लंबी मसी सेरेंगकून अरू सुद बिरुवाते सगरावतो सेरेंगकूनपे सेरेंग उदुः होड़ेंग। अरू अँननपे अपेराः इंदरीते भगवान लगा सेरेंगकेडखन हाँयपे जागगोड ञवन।

इपीसी 5:19 Σταυροειδείς Αναφορές

मती ओजाःतेरा भगवानराः नपाय सरवन 15:8

नँकुःआ होड़कू अँननकूराः आहते ईंगकू मान-मरजइतता, मनदो नँकूराः ओंगोल ईंग अते एनेटाः अगी दोहोनता।

मती ओजाःतेरा भगवानराः नपाय सरवन 26:30

हनते हँकू मीटोंग सेरेंग सेरेंगनेनखन जइतून पहाड़ होर तोराकू।

मूक चेलाकू 16:25

दो हटिंग बरा रइतरे हँकिन बना होड़ पउलूस अरू सिलास भगवान एचेरेकिन अरजीतेरा अरू भगवान लगाकिन सेरेंगा। हनमेला हना जेहेलरे सींगतोकू दोहोना हँकुःआ एटाः होड़कू हों हँकिनराः सेरेंगकू अयूमाः।

1 कुरिंती 14:15

दो ईंग चिलायिंग एचे? ईंग बिरुवाते होयिंग अरजीता अरू ओंगोल चुवेरगे घड़ीन होयिंग अरजीता। ईंग बिरुवाते होयिंग सेरेंगता अरू ओंगोल चुवेरगे घड़ीन होयिंग सेरेंगता।

1 कुरिंती 14:26

ने अजी बोपोहकूतिंग, अपे मिनीरेपे जुमाः मेला नाःआ इयापे एचेय। अपे मेमेड होड़ मेमेड होड़ एचेरे सेरेंगकून सहे, चेड सरवन सहे, भगवानराः एचे उदुःतो सरवन सहे, अनबुझ भासी सहे, अनबुझ भासीराः अरत उदुः लगा इदा दो, नाःआ जमाकूनते कलसियारिकुःआ जमा बिसवासी होड़कूराः नफा होयाः लगा इदा।

कुलूसी 3:16

मसीराः सरवन अपेराः जीवरे नपायतेपे दोहोगे। अरू जमालेःआ कनहूनते अँननपे अपे सेताव होड़ेंग घड़ीनपे चेड होड़ेंग। अरू अँननपेराः इंदरीरे भगवान धनियाबाद घड़ीन जाग सेरेंगकून, लंबी लंबी मसी सेरेंगकून, अरू सुद बिरुवा अगुवाइवापेता हना सेरेंगकूनपे सेरेंगगोड ञवन।

एकूब 5:13

अपे अते तोनोंगीग होड़ सिकिसतारे इदानीग दो, हाँय अरजीगेय। बहालरे इदानीग दो, हाँय भगवान जाग घड़ीने सेरेंग।

उदुःतो कताकून 5:9

हनते हँकुःआ चूबीसगोटोंग जीव-जंतूकू अरू मी कुड़ी चइरगोटोंग मूक होड़कू, नाःआ नँवा सेरेंगकू सेरेंगा; “ने परबू, आमकू ञेड गोएगतेरा, अरू आमराः बलंगीते जमा देसरिकुःआ होड़कू, अरू एटाः एटाः भासीरिकुःआ होड़कू, अरू जमा जइत होड़कू अरू जमा खमदानरिकुःआ होड़कू, हँकुःआ जमा होड़कू भगवान लगाम सडावगोतेडकुःआ। हनालगा आम नाःआ कोंडोड़तो कागद अरू मोहर लड़ा जुकूर इदानमेःआ।