इपीसी 5:16 - Korwa Bible

¹⁶ नाःआ जूगरे मुरुक बेलूर कताकून होयाःता। हनालगा अपे सगर बेलापे उपियोतगे।

इपीसी 5:16 Σταυροειδείς Αναφορές

मती ओजाःतेरा भगवानराः नपाय सरवन 25:17

हनन इया बारटोंग सोनाराः रिचकी ढिबुवाय पवावनेना हाँयग होड़ हों सेनेडखन अरू बारटोंग सोनाराः रिचकी ढिबुवाय पुंजियावतेरा।

एहुना 12:35

दो ईसू हँकू एचेरेय कतातेड, “मरसल तोनोंग बेला वरी अपे एचेरे दोहोनता। अंदरा रेडपेते मड़ंग मरसलरेपे सेसेनका। अंदरारेय सेनता हाँयग होड़ मेरेय सुदीयता, हाँय करा अगीय सेनतना।

रूमी 13:11

दो नाःआ जमाकून अपे एनेचेगोड ञवन लगा इदा। अबू ईसू मसी एचेरेबू बिसवासकेरा हना वरीते, भगवान अबू जमालेःआतेय सडावबूता, हना दिन लेनेसान इदा। हनालगा अपे नाःआ जूग बदीरे नाय नपायते सुदीकेडखन अपीगतो होड़कू इया अहापे दोहोन, मनदो बेरेडकियानखन सवासितीपे दोहोन।

1 कुरिंती 7:26

नाःआ बेलाराः कटसिया बदीरेयिंग ओंगलेता दो होड़कू हँकू कर करा उड़ी इदानकुःआ हनन इयाकू दोहोन हँकू लगा नपाय इदा।

गलातिया 1:4

नाःआ बेलूर चउंदीसराः जंगरते अबू सडावबू लगा, ईसू मसी अबूरीग अपांग भगवानराः ओंगोल इया, अबूराः कसूर लगा अनँयग आँयग गुजुः लगाय जिमायान।

गलातिया 6:10

हनालगा अबू जमाकू सुदा होया अवेन हनामिन, बिसेक बिसवासी होड़कू संघरागोड ञवन लगा इदा।

इपीसी 6:13

हनालगा लड़ाइ लगा भगवान एमेकेरा हना जमा अवजारकूनपे तुसिंग। दो अपे बेलूर दिनरे कलउपे घंटाव अवेता अरू जमाकून एचेकेडखन, अपे चड़ाँतपे दोहो अवेनता।

इपीसी 6:15

अरू पनही तुसिंगकेडखन सपड़ावतोपे दोहोनता हनन इया सलसत एमेयता हना नपाय सरवन परसारगे लगा सपड़ावतोपे दोहोन।

कुलूसी 4:5

बेगर बिसवासी होड़कू सुदा नपाय ओंगोल बुझाः घड़ीन अपेराः लूर-नेवन होयाः लगा इदा। अरू जमा बेला हँकू लगा नपाय बुता एचेय लगा सपड़ावतोपे दोहोन।