इपीसी 4:32 - Korwa Bible

³² अपे मयादारकू अरू सोगादारकूपे बड़ाँः अरू भगवान ईसू मसीते अपेराः कसूरे बराव एंडाकेरा, हनन इया अपे हों एटाःकूराः कसूरपे बराव एंडागोड।

इपीसी 4:32 Σταυροειδείς Αναφορές

मती ओजाःतेरा भगवानराः नपाय सरवन 6:12

अले एटाः होड़कूराः गारबारले बराव एंडाकेरा, हनन इया अलेराः गारबार होंम बराव एंडागोड।

मरकूस 11:25

अपे अरजीतान मेला, तोनोंगीग होड़ बदीरे, माँय ईंग सुदाय कसूरकेरा, माःआनमे ओंगलेतना दो हना बराव एंडागोडमे, अरू आमरीग सेरमोरीग अपांग आमराः कसूर होंय बराव एंडागोडता।

लूका 1:78

भगवान अगम सोगादार इदानिया। हनालगा हाँय सेरमो अते बेर उडुंगगुःता हनन इया अबू लगा मरसले एमेता,

लूका 11:4

अले एटाः होड़कूराः कसूरले बराव एंडाकेरा, हनन इया अलेराः कसूर होंम बराव एंडागोड। अरू कसूरराः रेनहारे अलोम पराव ओवाले।”

लूका 17:4

मी दिन हाँय सात तुरहा आम एचेरेय कसूरगे अरू सातो तुरहा आम एचेरे वेगकियानखन आँयगराः कसूर बराव एंडा लगाय असेय दो, हाँयराः कसूरमे बनाराव एंडागोड।”

लूका 6:35

मनदो अपे मुदइकूपे दुलार अरू नपायकूपे। ईंग गोः कुदायतिंग, माःआन ओंगोलवाडखन अलोपे एमेय। नाःआ इया अपे एचेयतान दो, सतायरे अपे भाबी भगवानरिकुःआ लइंकू हवे, माःआन एटाः होड़कू एचेरेपे उदुःगुःता अरू अपे लगा भगवान मरंग इमाने एमेता। भगवान मेरकू धनियाबादगेयता हँकुःआ होड़कू अरू अँननकूराः नफा लगाकू ओंगलेता हँकुःआ होड़कू होंय सोगावकूता।

लूका 6:37

तोनोंगीग अहापे फड़ियावगेय दो, तोनोंगीग अपे हों ओरोकू फड़ियावतेडपेःआ। तोनोंगीग मेरपे बदीगेय दो, अपे हों ओरोकू बदीतेडपेःआ। एटाःकूराः कसूरपे बराव एंडागे दो, भगवान हों अपेराः कसूरे बराव एंडागोडता।

मूक चेलाकू 28:2

हंडाकुःआ होड़कू अले सुदा अले मेरले ओंगोलगाड हना इया नपायतेकू मयावातेडलेःआ। हनमेला मुरुक ररंग दोहोना अरू दाः उयुःआ। हनालगा हँकू सेंगेलकू जगारतेडखन अले जमाकूकू नेत-नेवारतेरा।

रूमी 12:10

अपे अँननपेरिकुःआ होड़कू इया एटाः होड़कू सुदापे अलार-दुलार होड़ेंग अरू अँननपे अते बगरा एटाः होड़कूपे मान मरजइत।

1 कुरिंती 13:4

एटाः होड़कूय दुलारता हाँयग होड़ मयादार अरू सहाव घड़ीने दोहोनता। हाँय मेरेय इरावाकूता, सहे मेरेय बड़वारता। हाँय मेरेय फुलाईता,

2 कुरिंती 2:10

तोनोंगीगराः गारबारपे बराव एंडा दो, ईंग हों हाँयराः गारबारिंग बराव एंडागोडता। ईंग बराव एंडागे इयाःआ गारबार इदान दो ईंग अपेके नफा होयाः लगा मसीराः मड़ंगरेयिंग बराव एंडागोडता।

2 कुरिंती 2:7

दो नुँहू हाँय अनँयगराः गारबारे कबुलावनेना। हनालगा अपे हाँयराः गारबार अपेराः ओंगोलतेपे बराव एंडागोड अरू हाँयराः जीवपे हड़ियाड़गोड, जेमहा हाँय मुरुक बगरा अलोय अदरुजीन।

2 कुरिंती 6:6

नाःआ जमा अले जीवरे होयानेना। हनारे हों अले सुद जीवले जियाःआ, अरू भगवानराः सरवनले ओंगोल बुझाःआ अरू सहाव घड़ीन सुधा होड़कूले दोहोना। अले एचेरे सुद बिरुवा दोहोनता अरू सतायते होड़कूले दुलारा।

इपीसी 5:1

अपे भगवानरिकुःआ दुलार लइंकू हवे। हनालगा हाँयरिकुःआ ञेल सिखात होड़कूपे बड़ाँः।

एकूब 5:11

सहाव घड़ीनकू दोहोनता हँकुःआ होड़कू सनातायरे ननपायबू कतावाकूता। अयूब करा इया कटसियाय सहावगेःआ अरू करा इया परबू हाँय लगा जमाकूने नपायगोतेड, हना कता अपे अनायूमकेरा। नाःआ अते अबू सुनुदीयतना, अबूरीग परबू अबूय सोगावाबूता अरूय मयावाबूता।

2 पतरस 1:7

भगवानराः ओंगोल इयापे दोहोन घड़ीन बिसवासी होड़कू सुदा अलार-दुलार होड़ेंग लगा इदा अरू एटाः होड़कू होँपे अलार-दुलारगोड ञवन लगा इदा।

1 एहुना 1:9

भगवान सताय अरू बिसवासगेयीग इदानिया। नानाः लगा अबू भगवान एचेरे सेनेकियानखनबू बकाःता, ईंग कसूरकिरिंग, माःआन, दो हाँय अबूराः कसूरे बराव एंडागोडता अरू जमा बरानाः गारबार अबूराः जीव अतेय अमिंगगोडता।

1 एहुना 2:12

ने ईंगरिकुःआ लइंकू इया होड़कू, ईसूराः ञावते अपेराः कसूर भगवान बराव एंडाकेरा। ननानाः लगा ईंग अपे लगायिंग ओजाःगेतना।