इपीसी 4:29 - Korwa Bible

²⁹ बेगर गइताः बुतुड़ु अहापे बुतुड़ु, मनदो अपेराः बड़रा होड़कूराः बिसवास बड़ियाड़गुः लगा संघरा एमे इदा अरू हनाते हँकू जीवरे नफाकू पवाःता।

इपीसी 4:29 Σταυροειδείς Αναφορές

मती ओजाःतेरा भगवानराः नपाय सरवन 5:16

ननन इया अपेराः लूर-नेवन मरसल इया जमा होड़कू एचेरे नपाय दोहोन दो, होड़कू अपेराः नपाय बुता ञेलकेडखन सेरमो देसरीग अपांग भगवानकू मान मरजइतता।”

लूका 4:22

जमा होड़कू हाँय बदीरे नपायकू कताया। अरू हाँय कताया हना बड़रा अयूमतेडखन जमा होड़कू बयावयानकू। हँकू कता होड़ेंगा, “नाँय दो उनूसूपरीग बेटा ना लवे जा?”

एहुना 1:37

हनते हना बड़रा अयूमतेडखन हँकिनाः बना होड़ चेलाकिनतेन ईसूराः देह दूरकिन ओतोंगयान।

रूमी 14:19

हनालगा अबू जमाकू सुदा हेल-मेलरे दोहोन घड़ीन बिसवासरे बड़ियाड़ होड़ेंग लगा इदा।

रूमी 15:2

अबू जमा बिसवासी होड़कूराः जीवरे नफा होयाः लगा अबू एटाः होड़कूबू ननाय लगा इदा, जेमहा अबू जमाकू बिसवासरेबू बड़ियाड़ जुवाः।

1 कुरिंती 14:19

मनदो ईंग कलसियारे दस हजार लबदकून अनबुझ भासीरेयिंग बड़रा अते पाँचगोटोंग फरचार लबद ओंगोल चुवेरगुः घड़ीनिंग चेडकू दो हनानाः नपाय होयाःता।

इपीसी 4:12

नाःआते भगवानरिकुःआ सुद होड़कू सेवा बुता बुता लगाकू सपड़ाःता अरू मसीराः देह, मतलोब कलसिया, अरूकू बड़ियाड़ जुवाःता।

इपीसी 4:16

जमा देह गेनेँट गेँटते जोड़ावतो दोहोनता, हनन इया मसी अबू मिनी जुमूटरेय दोहोबूता। देहराः एटाः एटाः दगलीकून इया अबू अँननबूराः बुताबू बुताता दो जमा देह हरानता अरू अलार-दुलाररेबू बड़ियाड़ जुवाःता।

कुलूसी 4:6

अपेराः बुतुड़ु हेलेम-हेलेमते उंबार उडुंगगुःता इया होयाः, जेमहा अपे होड़कूराः जबापरे नपायते कता कुदा अवे लगापे सुदीय।

1 तिसलूनिका 5:11

हनालगा अपे नुँहू वरीपे एचेयतना, हनन इया अपे कता बहाल होड़ेंगगोड ञवनपे, अरू संघरा होड़ेंगगोड ञवनपे।

1 पतरस 2:12

अपे बेगर बिसवासी होड़कू तलारेपे दोनोहोन मेला, हँकू अपे ओपता घड़ीनकू बड़रातान हों, अपेराः लूर-नेवन नपाय दोहोन लगा इदा। दो भगवान होड़कूय फड़ियावता हना दिन, हँकुःआ होड़कू अपेराः नपाय बुता ञेलकेडखन भगवानकू जागता।

1 पतरस 3:1

ने अइमीकू, हनन इया अपे अँननपेरिकुःआ हेपेरेलकूतापेराः आड़रेपे दोहोन। हँकू अते तोनोंगीग होड़ भगवानराः सरवन मेरकू बिसवासगेतान दो,

2 पतरस 2:18

हँकू बेगर लूरराः बड़वार कताकूनकू कतायता। अरू हँकूराः सनहा-सनहिःआ बुताते, कसूर होड़कू अते निःईमिन लगाकू बनसावयना हँकुःआ होड़कू, देह दगलीकूनराः चाहाःतेकू एचे बझावगोडकूता।