23 अपेराः ओंगोल नँवन लगा इदा,
अपे चउंदीसरिकुःआ होड़कू इया अहापे सलाः। मनदो भगवान अपेराः ओंगोल नँवाकेडखन बदलाव ओवायपे, जेमहा अपे भगवान ननायगुःता अरू जमालेःआते सताय अरू ननपाय हवे, हाँयराः हनानाः हिछापे सुदी अवेय।
अबू बतिसमाबू गोःतेड मेला हाँय सुदाबू गोएगनेना दो अबू हों हाँय सुदा तीलतो इया इदानबुःआ। अरू अपांग भगवान ईसू मसी गोएगतो होड़कू अते अनँयगराः अगामाः जंगरतेय जियाव रेमकिरिया, हनन इया अबू हों नँवा जीवबू जियाव अवेनता।
कसूर लूर-नेवन इयाकुःआ होड़कू भगवान अते एटाःकियानखनकू गोएग जुवाःता। मनदो सुद बिरुवाराः ओंगोल इयाकुःआ होड़कू सलसत जीव अरू ओरो टुटीगनेना हना जीवकू पनावाःता।
अबू भगवानरिकुःआ तुलात होड़कू हवे अरू मनाड़ंगते अबू लगाय सपड़ाव दोहोकेरा हनानाः नपाय बुताकून ईसू मसीते एचेय लगाय तुलाकेडबुःआ।
अपेराः लूर-नेवन नँवायना। अरू अपेरीग तुलादार भगवान आँयगराः लूर इया अपेराः लूर-नेवने नँवागोड ञवनता, जेमहा अपे हाँय, अनउर नाय नपायतेपे सुदी अवेय।
अबूराः तोनोंगाः नपाय बुताते भगवान मेरेय सडावगडबू, मनदो अनँयग आँयग मयावाडबूखन आँयगराः सुद बिरुवा अबू जीवरे पेरेगकेडखन अबूराः कसूरे बुहालकेरा अरू नँवा जीवे एमेकेरा।
हनालगा ईंगरिकुःआ अजी बोपोहकूतिंग, अपे नपाय एचेय लगा सपड़ावतोपे दोहोन अरू ओंगोल समझाव घड़ीनपे दोहोन। अरू ईसू मसी अनँयग आँयग एचे ञिलुः मेला भगवान अपेय मयावा लगापे असरागोड ञवन।
