इपीसी 4:13 - Korwa Bible

¹³ अबू जमाकू बिसवास बदीरे अरू भगवानरीग बेटातराः सुदी बदीरे मिनी ओंगोलते ईसू मसी इया जमालेःआते उडु-बुडू अरीनबू होया जुवाः वरीते नाःआ इयाःआ सेवाकून सनालावगोड ञवन लगा इदा।

इपीसी 4:13 Σταυροειδείς Αναφορές

मती ओजाःतेरा भगवानराः नपाय सरवन 11:27

ईंगरीग अपांग भगवान ईंग एचेरे जमाकूने जिमाकेरा। सनातायते अपात अड़ाःकेडखन तोनोंगीग होड़ बेटात मेरेय सुदीयता, अरू बेटात अड़ाःकेडखन तोनोंगीग होड़ अपात मेरेय सुदीयता। भगवान सुसुदी लगा बेटात सुनावकूता, हँकुःआ होड़कू एकला भगवानकू सुदी अवेता।

एहुना 1:16

अरू हाँय उडु-बुडूत होयानेन अते अबू जमाकूराः जीवरे मुनुरुक मयाबू पवावनेना।

एहुना 16:3

हँकू ईंग अरू ईंग अपांग मेरकू सुदीयतना। हनालगा हँकू अपे एचेरे नाःआ इयाकू एचेयता।

एहुना 17:21

ने अपांग, आम ईंग सुदा मिनी इदानमेःआ अरू ईंग आम सुदा मिनी इदानिंगा, हनन इया हँकुःआ होड़कू हों जमाकू अँननकू अँकू मिनी जुवाः। नाःआते चउंदीसरिकुःआ होड़कू बिसवासगेता अनम ईंगमे वारकेरा।

एहुना 17:3

मिनीटोंग सताय भगवान अनम इदानमेःआ। दो आम अरू आम वारकिरिया हाँयग ईसू मसी, अलंग बना होड़कू सुदीलंगता, हनानाः हमा ओरो टुटीगनेना हना जीव।

एहुना 6:69

अले आम एचेरे बिसवासकेडखनले सुदीगोतेडा भगवानरीग सुद होड़ अनम हवे, माःआन।”

मूक चेलाकू 4:32

जमा बिसवासी होड़कू मिनी जीव अरू ओंगोलतेकू दोहोना। तोनोंगीग मेरकू कतागाड, नाःआ जिनिसकून ईंगराः हवे, माःआन। मनदो हँकू एचेरे दोहोना हना जमा जिनिसकून बरोबइरकू हटिंग होड़ेंगा।

1 कुरिंती 1:10

ने ईंगरिकुःआ अजी बोपोहकूतिंग, ईसू मसीराः ञावते अपे एचेरे गोड़न पइयन घड़ीनिंग कतायतना, अपे जमाकू मिनी गूट जुवाःपे। अरू अपे अलोपे बेगराव हटिंगगुः, मनदो अपे मिनी जीव अरू मिनी ओंगोलते मिनी जुमूटपे दोहो ञवन।

1 कुरिंती 14:20

ने ईंगरिकुःआ अजी बोपोहकूतिंग, अपे लइंकू इया अहापे ओंगले। मनदो अपे सयाँड़ होड़कू इयापे ओंगले अरू बती लइंकू इया सुझिया होड़कूपे बड़ाँः।

1 कुरिंती 2:6

हनते हों अले बिसवासरे उडु-बुडूत इदानकुःआ हँकुःआ होड़कू एचेरे कनहूनराः सरवनले कता उदुःता। मनदो हना कनहून होड़कूराः ओंगोल इया कोवान सहे लाय एंडानताकू हँकुःआ चउंदीसरिकुःआ मूक होड़कूराः कनहून इया हों कोवानेःआ।

2 कुरिंती 4:6

भगवान कतातेरा, “अंदरा अते मरसल विड़चेड़,” अरू हनाँय अनँयगराः मरसल अबू जीवरे विड़चेड़तेरा, जेमहा भगवान तुमिन मरंग इदानिया हना कता परबू ईसू मसीतेबू सुदी अवेय।

गलातिया 4:19

ने ईंगरिकुःआ लइंकू, ईसू मसीराः लूर-नेवन इया अपेराः लूर-नेवन अरीन होयाः वरी, ईंग अपे लगा लरकुरहिया अइमी इया कटसियायिंग सहावगोड ञवनता।

इपीसी 1:17

जेमहा परबू ईसू मसीरीग अगम मरंगीग अपात भगवान, अपे सेरमो देसराः कनहूने एमेवापे लगा अरू अनउर नपायते हाँयपे सुदी अवे लगा अनँयगराः कताकूने उदुःवापे।

इपीसी 1:23

दो कलसिया मसीराः देह हवे अरू कलसिया हाँयराः जीवते पेरेगतो इदा। अरू हाँय अनँयग आँयगते जमाकून जमा इयाय एचे पुरावगोडता।

इपीसी 2:15

ईसू अनँयग गुजुःते एहूदाकूराः नियमकून, रिती-बिधी अरू हुकुमकून सुदाय चलाः एंडागोतेडा, जेमहा हाँय बनर गतररिकुःआ होड़कूय एचे राजू नमागोडकू अरू मिनी देह इया सलसतरेय एचे जुमावगोडकू।

इपीसी 4:12

नाःआते भगवानरिकुःआ सुद होड़कू सेवा बुता बुता लगाकू सपड़ाःता अरू मसीराः देह, मतलोब कलसिया, अरूकू बड़ियाड़ जुवाःता।

इपीसी 4:3

भगवानराः सुद बिरुवा अपे मी जुमूटकेडपेःआ दो हनन इया सलसतरे दोनोहोन लगा जमा बरानाःपे कुरनिसगोड ञवन।

इपीसी 4:5

अबू जमाकू लगा मिनीटोंग परबू अरू मिनीटोंग बिसवास इदा अरू मिनीटोंग बतिसमाबू गोःता,

पिलिपी 3:10

ईसू मसी जमालेःआते सुदीगेय लगायिंग चहाःतना। ईसू मसी गोएगतो अते भगवान जियाव रेमतिरिया हना जंगर अटकारगे लगा हों ईंग चहाःतना। अरू ईसू मसी करा इया कटसिया सहावतेडखने गोएगनेना हन, ईंग हों बुझावकियानखन अटकारगे लगायिंग चहाःतना,

पिलिपी 3:8

हाव, परबू ईसू मसी नपायते सुदीगेय लगायिंग चहाःतना अरू हाँयिंग सुदी, ईंग लगा जमालेःआते मनइद कता हवे। ननानाः लगा मड़ंगरे ईंग लगा नफा दोहोना, हनानाः कताकून सदाःआ इदा माःआन ओंगोलतेडखनिंग अड़ाःगोतेडा। अरू ईसू ईंग पवाः लगा अरू हाँय सुदा मिनी जुवाः लगा हना जमाकून खरसी हवे माःआनिंग ओंगलेतना।

कुलूसी 1:28

हनाँय बदीरेले परसारगेतना अरू भगवान अलेय एमेवाडलेःआ हना कनहूनते जमा होड़कूले सेतावतना अरूले चेडकूतना, जेमहा मसीराः बिसवासरेकू उडु-बुडूयना हँकुःआ जमा होड़कू भगवान मड़ंगरेले जिमा अवेकू।

कुलूसी 2:2

हँकूराः जीव हड़ियाड़कियानखन अलार-दुलारते मिनी जुमूटगे लगायिंग चहाःतना, जेमहा भगवानराः ओकोत बुइद, ईसू मसी बदीरे, नपायते बुझावकियानखनकू सुनुदीबाःगे।

इबरानी 5:14

मनदो बुधियाड़ इदानकुःआ हँकुःआ होड़कू कइन तुरहा उपयोतगेतान अते करा नपाय अरू करा बेलूर इदा हना जासगे लगाकू चेडकिया।

2 पतरस 1:4

अरू अबू नाःआ मरंग अरू मुरुक किमइताः जबानकूनबू पवावकिया, जेमहा अबू हना जबानते, चउंदीसरिकुःआ होड़कूराः ललची ओंगोलते होयाःता हना बेनेलूराः नेवन अतेबू बनसाव जुवाः अरू भगवानराः लूर-नेवनरेबू मिनी जुवाः।

2 पतरस 3:18

मनदो अबूरीग परबू अरू सडावदार ईसू मसी अपेय मयावागोड ञवन अरू हाँयराः कनहूनरेपे बडे इदीन। हाँय लगा नुँहू अते सगर सइट वरी मान मरजइत होनोयागोड ञवन। आमीन!

1 एहुना 5:20

अबू नाःआ हों सुदीयतनाबू भगवानरीग बेटात चउंदीसरेय वेगकिया अरू हाँय अबू सताय भगवाने एचे सुदीगोतेडबुःआ। अबू हनाँयग सताय भगवान अरू आँयग बेटात ईसू मसी सुदाबू मिनीयना। हनाँय हवे सताय भगवान अरू हाँय अबू लगा ओरो टुटीगनेना हना जीवे एमेयता।