इपीसी 3:5 - Korwa Bible

⁵ भगवान नाःआ कता मनाड़ंग जूगरिकुःआ तोनोंगीग होड़ एचेरे मेरेय एचे उदुःगाड। मनदो नुँहू सुद बिरुवाते भगवानरिकुःआ बड़रा कता होड़कू अरू सुद मूक चेलाकू एचेरेय एचे उदुःगोतेडा।

इपीसी 3:5 Σταυροειδείς Αναφορές

मती ओजाःतेरा भगवानराः नपाय सरवन 13:17

अपे ईंगपे अयूम! भगवानराः बड़रा कता होड़कू अते मुरुक होड़कू अरू बेगर गारबार होड़कू, अपे ञेञेलतना हना ञेलगे लगा अरू अपे अयुमेतना हना बड़रा अयुमे लगाकू चहाःआ, मनदो हना हँकू मेरकू ञेल अयूम अवेगाड।”

मती ओजाःतेरा भगवानराः नपाय सरवन 20:7

दो हँकू कता कुदातेरा, अले तोनोंगीग बुता लगा मेरकू उदुःवागाडले। हनालगा अले इसने ननंडा इदानलेःआ। दो हाँय हँकू एचेरेय कतातेड, अपे हों सेनेकियानखन ईंगराः अंगूर बगइचारेपे बुता।

मती ओजाःतेरा भगवानराः नपाय सरवन 23:34

हनालगा ईंग अपे एचेरे भगवानराः बड़रा कता होड़कू अरू कनहूनदारकू अरू चेडदार होड़कूयिंग वारकूतना। अपे अदोम होड़कूपे ञेड एंडागोडता अरू अदोम होड़कू कुरूसरेपे ठोंकावगोडकूता। अपे अदोम होड़कू अपेराः अरजी ओड़ाःकूनरे गुरुंदतेपे ञेडकूता अरू मी सहर अते एटाः सहर अगी हँकूपे झुटियावता।

लूका 10:24

अपे ईंग कतापे अयूम, मुरुक भगवानराः बड़रा कता होड़कू अरू राजाकू अपे अयुमेतना हना बड़रा अयुमे लगा अरू अपे ञेलतना हना ञेल लगाकू चहाःआ। मनदो अपे ञेलतना अरूपे अयुमेतना हना हँकू मेरकू ञेल अयूम अवेगरा।”

लूका 11:49

हनालगा भगवान आँयगराः कनहूनतेय कताकेरा, ईंग हँकू एचेरे ईंगराः बड़रा कता होड़कू अरू मूक चेलाकूयिंग वारता। अदोमकूकू ञेड एंडाकूता अरू अदोमकूकू संतावकूता।

एहुना 14:26

मनदो भगवान ईंगराः ञावते संघरादार इदानिया हाँयग सुद बिरुवा अपे एचेरेय वारेयता। अरू हाँयग सुद बिरुवा जमा कताकूने चेडपेता अरू ईंग अपे एचेरेयिंग कता उदुःतेरा हना जमाकूने एचे उहियार अगूपेता।

एहुना 16:13

मनदो सतायराः बिरुवा वेग दो अपे जमा बरानाः सताय दूरे उदुःवापेता। हाँय अनँयग ओंगोलते ओरोय कतातेरा। मनदो हाँय अयुमेता हनानाःए कता उदुःगेता अरू दरवाःआ हना कताकून होंय कता उदुःगोडता।

मूक चेलाकू 10:28

दो पतरस हँकू एचेरेय कतातेरा, “अपे नपायतेपे सुदीयतना अले एहूदाकू तोनोंगीग एटाः जइत सगा होड़ सुदा मेरले दोहोनता सहे हाँयग होड़राः ओड़ाःरे मेरले बोलता। मनदो ईंग तोनोंगीग होड़ सदाःआ अरू सुद कोवाया माःआन अलो कतावाय लगा भगवान ईंग एचेरेय एचे कताकेरा।

रूमी 16:25

भगवानराः जाग होयाः। हाँय ईसू मसीराः नपाय सरवन ईंग अरू एटाःकू परसारकेड अते अपेराः जीव बिसवासरेय एचे बड़ियाड़ अवेपेता। नाःआ नपाय सरवन मड़ंग जूग वरीते जमा जइत होड़कू लगा ओकोत इया दोहोना।

1 कुरिंती 2:10

मनदो भगवान अनँयगराः बिरुवाते अबू एचेरे ननानाः कताकूने एचे उदुःतेरा। सुद बिरुवा जमालेःआय सुदीयता। हान मनुवाकू लगा ओकोत इदा भगवानराः कताकून हों नपायते सुदीयता।

इपीसी 2:20

अरू अबू हना ओड़ाःराः फड़ा इयाबू बड़ाँवयना। इनीसू मसी हना ओड़ाः तलाराः बड़ियाड़ खुंटा इया इदानिया अरू मूक चेलाकू अरू भगवानराः बड़रा कता होड़कू, ओड़ाःराः धरी खुंटाकून इया इदानकुःआ।

इपीसी 3:9

जमाकूरीग तुलादार भगवान, मुरुक जूग वरीतेय ओको दोहोकेरा हना कता जमाकू एचेरे थित-थितार कता उदुःगे लगा हों ईंगे सुनावकेरा।

2 पतरस 3:2

भगवानराः बड़रा कता होड़कू मड़ंगरेकू कतातेरा हना कता, अरू अबूरीग परबू अरू सडावदार ईसू अपे एचेरेय वारतेडकुःआ हँकुःआ मूक चेलाकूतेय एमेकेरा, हनानाः हुकुमपे उहियारगोड ञवन।

जूदा 1:17

मनदो ईंग अजी बोपोहकूतिंग, अबूरीग परबू ईसू मसीरिकुःआ मूक चेलाकू, मड़ंगरेकू कता उदुःतेरा हना कतापे उहियारगोड ञवन।