इपीसी 2:3 - Korwa Bible

³ मड़ंगरे नाःआ इयाःआ बेलूर ओंगोलरे अबूराः लूर-नेवन हों दोहोना। अबूराः ओंगोल अरू देहराः हिछा इयाबू एचेगोड ञवना, अरू अबू हों हँकुःआ होड़कू इया भगवानराः डंड पवाः जुकूरबू दोहोना।

इपीसी 2:3 Σταυροειδείς Αναφορές

मरकूस 4:19

मनदो हना सरवन चउंदीसराः ओंगोल, आन-धानराः ओंगोल अरू तोनोंग तोनोंग ललचीरे तेन जुवाःता अरू जोःओ मेर जोःता।

एहुना 1:13

हँकुःआ होड़कू, होड़कूराः नइड़-बाँसते सहे अइमी मरद जुमाः अते सहे तोनोंगीग होड़राः ओंगोल इया मेरकू जनमाःता, मनदो भनगवानराः ओंगोल इयाकू जनमाःता।

एहुना 8:44

कलउ अपेरीग अपांग हवे अरू हाँयराः ओंगोल इया एचेय लगापे चहाःता। हाँय मनाड़ंग वरीते होड़कूय ञेड गोएगता अरू तोनोंग इयाःआ सताय हाँय एचेरे कोवानेःआ। हनालगा हाँय भगवानराः सताय सरवने हिनइस-बिनइसवाता। हाँय लबरा इदानिया अरू जमा बरानाः लबरा हनाँय अगीते उडुंगगुःता। हनालगा हाँय अनँयगराः लूर-नेवन इया लबरा बड़राय कतागोड ञवनता।

मूक चेलाकू 14:16

मड़ंगरे हाँय जमा होड़कू अँननकूराः ओंगोल इया एचे लगाय सेने ओवातेडकुःआ।

रूमी 1:24

हनालगा भगवान हँकूराः ओंगोल इया बेलूर बुताकूनकू एचे लगाय अड़ागोतेडकुःआ, जेमहा हँकू अँननकूराः देह एटाः होड़कू सुदाकू एचे बेग-हतागे।

रूमी 11:30

अपे बेगर एहूदाकू, मड़ंगरे भगवानराः कता मेरपे मनाःआ। मनदो एहूदाकू भगवानराः कता मेरकू मनाःतान अते भगवान अपेय मयावारा।

रूमी 13:14

अपेराः इंदरी कसूर लूर-नेवन इया जियाः लगा चहाःता, मनदो अपे हनानाः ओंगोल इया अलोपे सलाः अरू नँवा सोनहेपे तुसिंगता हनन इया ईसू मसीपे तुसिंगका।

रूमी 2:14

बेगर एहूदाकू एचेरे मोसेसराः नियमकून कोवानेःआ। मनदो हँकू हना नियमकून इयाकू सलाः दो नियमकून हँकूराः इंदरीरे दोहोत इया इदा।

रूमी 5:10

अबू भगवानरिकुःआ मुदइ होड़कूबू दोनोहोन मेला, हाँय अनँयग बेटा गुजुः लगा एमेतिडिगखन अनँयग सुदाय हेल-मेलगोतेडबुःआ। नुँहू अबू हाँय सुदाबू हेल-मेलयना अरू ईसू मसी जीयत इदानिया दो हना अते चिला लगा मेरेय बनसावकेबुःआ?

रूमी 5:9

ईसू मसी अबू लगा बलिदाननेनखन बलंगीय तूतेरा। हनाते अबू भगवानराः ओंगोलरे बेगर गारबार होड़कूबू बड़ाँवयना, दो अबू भगवानराः डंडियावते हों बननसाव जुवाःताबू।

रूमी 6:12

दो अपे नाःआ चउंदीसरेपे दोहोन मेला अपेराः लूर-नेवन बेलूराः कसूर ओंगोल इया सलाः लगा अहापे एमेय।

रूमी 7:18

ईंग जीवरे तोनोंगाः नपाय कोवानेःआ अरू ईंगराः लूर-नेवन बेनेलूरयना। दो हना अते ईंग नपाय एएचे लगायिंग चहाःतना, हना ओनोरिंग एचे अवेतेरा।

रूमी 9:22

हनन इया भगवान हों इदानिया। हाँय एचेरे अनँयग ओंगोल इया एएचे लगा हातपात इदा। कसूरकेडखन डंडकू पवावकुःआ, हँकुःआ होड़कू एचेरे भगवान रीसकियानखन अनँयग जंगरे उदुः अवेकेःआ, मनदो हाँय हँकू एचेरे सहाव घड़ीने दोहोना,

1 कुरिंती 4:7

अपे एटाः होड़कू अते मइद इदानपेःआ जा? भगवान एमेकेरा हना अड़ाःकेडखन अरू अपे एचेरे चिला इदा? अरू अपे भगवान अगीतेपे पवावकिया दो, अले दहिनकून मेरले पवावगना, माःआन चिला लगापे बड़वारतना?

2 कुरिंती 7:1

ने ईंगरिकुःआ वपक बोपोहकूतिंग, भगवान अगीते अबू लगा नाःआमिन जबानकून इदान दो, अबू अबूराः देह अरू बिरुवा मइलावगोडता हना जमालेःआतेबू सुदगे अरू भगवानराः अकूस मनाः घड़ीन जमालेःआतेबू सुद इदीन।

गलातिया 3:22

मनदो भगवानराः सरवन नाःआ इया कतायता, जमा होड़कू कसूरगोड ञवनताकू, अरू ईसू मसी एचेरेकू बिसवासगेता, हँकुःआ होड़कूराः जीव-जहन भगवान आँयगराः जबान इयाय नपायगेता।

इपीसी 2:2

हनमेला अपे हों चउंदीसरिकुःआ होड़कूराः लूर-नेवन इयापे जियाःआ अरू सेरमोरेकू दँड़ाता हँकुःआ भूतकूरीग राजा कलउराः कतापे मनेवाःआ। अरू कलउ, भगवानराः कता मेरकू मनाःता हँकुःआ होड़कूराः इंदरीरेय बुतातना।

इपीसी 4:22

अपे नाःआ इया मड़ंगरेकू चेडतेडपेःआ। बेनेलूर ओंगोलते लायगुःआ अपेराः जुना जीव अड़ाः एंडाकेडखन,

कुलूसी 1:21

मड़ंग अपे भगवान अते तोरेपे दोहोना। अपेराः बेलूर ओंगोल अरू लूर-नेवनते अपे भगवानरिकुःआ मुदइकूपे दोहोना।

1 तिसलूनिका 4:13

ने अजी बोपोहकूतिंग, गोएगयनाकू हँकुःआ बिसवासी होड़कू बदीरे अनसिनहार अहापे दोहोन, जेमहा गोएगतो होड़कू जियाव रिमुःता हना बदीरे असरा कोवानेःआ हँकुःआ होड़कू इया अहापे फिकिराः।

1 तिसलूनिका 5:6

हनालगा अबू बेगर बिसवासी होड़कू इया ईसू कुदा वेगता हना बदीरे अनसिनहार अहाबू दोहोन। मनदो अबू सवासिती अरू नपाय ओंगोल घड़ीन दोहोन लगा इदा।

1 तिमुतियूस 6:9

गिरहत होयाः लगाकू ओंगलेता, हँकुःआ होड़कू एटाः एटाः इयाःआ ललचीराः कसूररेकू दाः जुवाःता अरू बेलूर बेलूर ओंगोल दूररेकू सलाव जुवाःता अरूकू लाय जुवाःता।

तितूस 3:3

मड़ंगरे अबू बोको होड़कू अरू भगवानराः कता मेरबू मनाःआ, अडिगतोबू दोहोना अरू जमा बरानाः बेलूर ओंगोलकूनते बझावतोबू दोहोना। अबूराः जीव टेनसाहा अरू इराते पेरेगतो दोहोना, अबू एरंगवा इयाबू दोहोना अरू हिनइस-बिनइस होड़ेंगाबू।

1 पतरस 1:14

अपे भगवानराः कता मनावतो लइंकू इदानपेःआ। हनालगा अनसिनहारपे दोनोहोन मेलाराः बेलूर ओंगोलकून अपेराः जीवरे अहापे मेसा ओवा।

2 पतरस 2:14

हँकू जमा बेला सनहा-सनही ओंगोलरेकू दोहो ञवनता, अरूकू कसूरगोड ञवनता। हँकू बुकली-बोको होड़कू एचे कसूरकू लगाकू लहरावकूता। हँकू लुभिया ओंगोल लगाकू हेवायना अरू भगवान अगीते सती-सरापतो इदानकुःआ।

2 पतरस 2:18

हँकू बेगर लूरराः बड़वार कताकूनकू कतायता। अरू हँकूराः सनहा-सनहिःआ बुताते, कसूर होड़कू अते निःईमिन लगाकू बनसावयना हँकुःआ होड़कू, देह दगलीकूनराः चाहाःतेकू एचे बझावगोडकूता।

1 एहुना 2:16

चउंदीसरिकुःआ होड़कूराः बेलूर ललची ओंगोलकून अरू तोनोंगाः जिनिसकून गोगोः लगाकू रोयोँनता अरू होड़कू अँकूराः जिनिसकून अरू बुता बदीरेकू बड़वारता, नाःआ जमा लूर-नेवन अबूरीग अपांग भगवान अगीते कोवान ननदो कलउ अगीते होयाःता।

1 एहुना 2:8

हनते हों ईंग मीटोंग नँवा नियमयिंग ओओजाःतना। कसूरराः अंदरा हुडिंगगुःतना अरू भगवानराः सताय कता मरसल इया विड़चेड़ लगा बुँहड़ीयना। हनालगा हना नियम ईसू मसी एचेरे सताय दोहोनता हनन इया अपे एचेरे हों सताय दोहोनता।