इपीसी 2:10 - Korwa Bible

¹⁰ अबू भगवानरिकुःआ तुलात होड़कू हवे अरू मनाड़ंगते अबू लगाय सपड़ाव दोहोकेरा हनानाः नपाय बुताकून ईसू मसीते एचेय लगाय तुलाकेडबुःआ।

इपीसी 2:10 Σταυροειδείς Αναφορές

मती ओजाःतेरा भगवानराः नपाय सरवन 5:16

ननन इया अपेराः लूर-नेवन मरसल इया जमा होड़कू एचेरे नपाय दोहोन दो, होड़कू अपेराः नपाय बुता ञेलकेडखन सेरमो देसरीग अपांग भगवानकू मान मरजइतता।”

एहुना 3:21

मनदो भगवानराः सतायरेय सलाःता हाँयग होड़, भगवान हाँयराः जीवरेय एचेकेरा हना जमा होड़कू सुदी अवेय लगा मरसल अगीय सेनता।”

मूक चेलाकू 9:31

हना तयोमरे एहूदिया छतररिकुःआ, गलील छतर अरू समरिया छतरराः कलसियारिकुःआ होड़कू सलसतरेकू दोहोना। अरू भगवानराः सुद बिरुवा हँकुःआ होड़कूराः जीव बड़ियाड़गोतेड अरूय कता बहालगोतेड। हँकू परबूराः अकूस मनाः घड़ीनकू दोहोना अरू मुरुक होड़कू हों बिसवासी होड़कूकू बड़ाँवनेना।

मूक चेलाकू 9:36

जोपा सहररे मी होड़ अइमी दोहोना। हाँयराः ञाव दोहोना तबीता। नाःआ लबद उनानी भासीरे डोरकास माःआन हवे (नाःआ बनर लबदकूनराः अरत सरम हवे)। हाँय एटाः होड़कू लगा नपाय नपाये एचेया अरू गरीब होड़कूय संघरावाःआ।

रूमी 8:1

भगवान अबू सडावकेडबूखन ईसू मसी सुदाय मिनीगोतेडबुःआ, दो भगवान अबू ओरोय डंडियावतेडबुःआ। [अबू होड़कूराः ओंगोल इया कोवान, मनदो सुद बिरुवाराः ओंगोल इयाबू सलाःता।]

रूमी 8:29

भगवान मनाड़ंगतेय सुनावकेडकुःआ हँकुःआ होड़कू आँयगरीग बेटा ईसू मसी इया होनोयाः लगा जूग परियातेय ओंगोल दोहोकातेरा, जेमहा ईसू मसी जमा बिसवासी होड़कूरीग वगातुकूय बड़ाँव जुवाः।

1 कुरिंती 3:9

दो मनइद कता ननानाः हवे, अलिंग भगवानरिकिनाः सेवा देंगवा होड़किन हवे, अरू अपे भगवानराः दोहोड़ इया इदानपेःआ। अरू अपे भगवानराः ओड़ाः इया हों इदानपेःआ।

2 कुरिंती 5:17

तोनोंगीग मसी सुदाय मिनीयान दो हाँयराः जीव नँवायना। हाँयराः जुना जीव टुटीगयना अरू जमालेःआतेय नँवायना।

2 कुरिंती 5:5

अरू ननानाः ओंगोलते भनगवान अबू लगा नँवा देहे संजोड़ दोहोकेरा, अरू हनाराः बयान इया हाँय आँयगराः सुद बिरुवाय एमेवाडबुःआ।

2 कुरिंती 9:8

भगवान अपेराः जीव-जहन जमालेःआतेय अहाल-बहाल अवेयता, जेमहा अपे जमा कताकूनरे, जमा बेला, अपेराः जमा जरूरइत जिनिसकून दोहोन अते, अपे जमा इयाःआ नपाय बुता बुता लगापे उडु-बुडू जुवाः।

गलातिया 6:15

अपे खतनात होड़कू सहे बेगर खतनात होड़कू इदानपे हों अपे बदीरे भगवान एचेरे एटाः इयाःआ ओंगोल कोवानेःआ। मनदो मइद कता ननानाः हवे; ईसू मसीते भगवान अपेराः जीवे नँवागोतेडा।

इपीसी 1:1

ने अजी बोपोहकूतिंग, ईंग पउलूस, भगवानराः हिछाते ईसू मसीरीग मूक चेला हवे। इपीसी सहररे ईसू मसी एचेरे बिसवासगे इयाकू दोहोनता भगवानरिकुःआ सुद होड़कू, अपे लगा नाःआ चिठीयिंग ओओजाःतना।

इपीसी 1:4

अबू हाँय मड़ंगरे सुद अरू बेगर गारबारतेबू दोहोन लगा चउंदीसराः बुँहड़ीन अते मनाड़ंग ईसू मसीतेय सुनावकेडबुःआ।

इपीसी 2:13

मड़ंगरे अपे भगवान अते तोनोरेपे दोहोना। मनदो ईसू मसी अबू लगा अनँयग बलंगी तूकेडखने गोएगनेन अते अपे नुँहू भगवान अगीपे लेसानयना।

इपीसी 2:15

ईसू अनँयग गुजुःते एहूदाकूराः नियमकून, रिती-बिधी अरू हुकुमकून सुदाय चलाः एंडागोतेडा, जेमहा हाँय बनर गतररिकुःआ होड़कूय एचे राजू नमागोडकू अरू मिनी देह इया सलसतरेय एचे जुमावगोडकू।

इपीसी 2:2

हनमेला अपे हों चउंदीसरिकुःआ होड़कूराः लूर-नेवन इयापे जियाःआ अरू सेरमोरेकू दँड़ाता हँकुःआ भूतकूरीग राजा कलउराः कतापे मनेवाःआ। अरू कलउ, भगवानराः कता मेरकू मनाःता हँकुःआ होड़कूराः इंदरीरेय बुतातना।

इपीसी 2:6

अबू ईसू मसी सुदाय जियाव रेमकेडबुःआ अरू सेरमो देसरे हाँय सुदाय एचे दुड़ुःकेडबुःआ,

इपीसी 4:1

परबू ईसू मसीराः सरवन परसार बदीरे जेहेलरे इदानिंगा, अरू ईंग अपे एचेरे गोड़न पइयनकियानखनिंग असेयतना। भगवान अपेय राःकेडपेःआ दो, भगवानरिकुःआ होड़कू करा इया जियाः लगा इदा, हनन इयापे जियाः।

इपीसी 4:24

अरू भगवान इया बेगर गारबार अरू सुद बड़ाँवकेडखन नँवा जीव सतायरेपे जियाः लगा इदा।

पिलिपी 1:6

अरू अपे बदीरे मीटोंग कतायिंग सुनुदीबाःगोतेरा, ईसू मसी कुदा वेगता हना दिन वरी, भगवान अपे एचेरेय बुँहड़ीकेरा हनानाः नपाय बुताय एचे पुरावगोडता, माःआन।

पिलिपी 2:13

दो भगवान ननायगुःता हनन इयाबू जियाः लगा अबू जीवरे चहाः अरू जंगरे एमे हड़ाःवाबूता।

कुलूसी 1:10

जेमहा अपे परबूराः हिछा इया जियाः घड़ीनपे ननायगोडेय, जमालेःआ नपाय बुतापे एचे अवेय, अरू भगवान अनउर नपायतेपे सुदीगोड ञवन।

कुलूसी 3:10

अपेराः लूर-नेवन नँवायना। अरू अपेरीग तुलादार भगवान आँयगराः लूर इया अपेराः लूर-नेवने नँवागोड ञवनता, जेमहा अपे हाँय, अनउर नाय नपायतेपे सुदी अवेय।

2 तिसलूनिका 2:17

अपेराः जीवे हड़ियड़गे, अरू जमा इयाःआ नपाय बुतापे बुता अवेय लगा अरू जमा नपाय बड़रापे बड़रा अवेन लगाय बड़ियाड़गोडपे।

1 तिमुतियूस 2:10

मनदो, नपाय बुताकूनते अनँयग आँयग सींगराः लगा इदा। भगवानकू जागता, हँकुःआ अइमीकू ननन इयाकू होयाः दो नपाय इदा।

1 तिमुतियूस 5:10

हाँयग रंडियाहीन बदीरे एटाः होड़कू नाःआ हिदइत, उउदुः लगा इदा, हाँय एटाः होड़कू लगा नपाय संघराय एमेःआ, अनँयग लइंकूय पला दरीतेरा, गुतिया होड़कू होंय नेत-नेवारतेरा, भगवानरिकुःआ सुद होड़कूराः काटे बुहालतेरा अरू सिकिसतारेकू दोहोना हँकुःआ होड़कूय संघरावातेरा अरू हाँय एटाः एटाः इयाःआ नपाय बुता एचेगे लगा लगले इदानिया, माःआन।

1 तिमुतियूस 5:25

हनन इया होड़कूराः तोनोंग तोनोंग नपाय बुता हों जमा होड़कू सुदीगोडता, मनदो तोनोंगीगराः नपाय बुता मेर सुदी अवेनता हनारे हों हना नपाय बुता मेर ओको अवेनता।

1 तिमुतियूस 6:18

हँकू नपाय बुताकू एचेय लगा अरू मिनी जीवकियानखन जमा होड़कूकू संघरावा लगा ओसताजकू दोहोन लगाम हुकुमवाकू।

2 तिमुतियूस 2:21

तोनोंगीग होड़ अनँयग जीव बेलूर कता अते कगराव हड़ाःगेता दो, हाँयग होड़राः जीव सुद होया जुवाःता अरू ननपाय बुता एचे लगा ओड़ाः मालिकके उपयोतगेयीगे होयाःता।

2 तिमुतियूस 3:17

जेमहा भगवानरिकुःआ होड़कू जमालेःआते नपाय नपाय बुता बुतागे लगा उडु-बुडूत अरू सपड़ावतोकू दोहोन।

तितूस 2:14

हाँय अनँयग आँयगते गुजुः लगाय जिमायान, जेमहा अबूराः जमा बरानाः बेलूर नेवन अते सडावकेडबूखन नपाय बुता बुता लगा ओसताज इदानकुःआ अनँयगरिकुःआ सुद होड़कूबू बड़ाँव अवेन।

तितूस 2:7

तितूस आम हों जमालेःआ नपाय बुताम बुता बदीरे एटाःकू लगा चिनहा इयाम दोहोन। आम सुद अरू सताय ओंगोलते,

तितूस 3:1

ने तितूस, परधानकू अरू हातपातदारकूराः कता मनावकियानखन हँकूराः आड़रे दोहोन लगा अरू जमा नपाय बुता बुता लगा सपड़ावतोकू दोहोन लगा बिसवासी होड़कूम कता उहियारगोड ञवन।

तितूस 3:14

ने तितूस, अबूरिकुःआ होड़कू नपाय बुता एचेगोड ञवन लगाम चेडकू, जेमहा जरूरइत मेला संघरा अवेवाकूकू अरू हँकुःआ होड़कूराः जीव सदाःआ ओरो होयानेना।

तितूस 3:8

नाःआ कता सनाताय हवे। ईंग चहाःतना आम भल-भलाय अरू जमाकू नफा पवाः लगा इदा हना कताकून तिंगीड घड़ीनमे चेडकू, जेमहा भगवान एचेरेकू बिसवासकेरा हँकुःआ होड़कू नपाय नपाय बुता तिंगीड घड़ीनकू एचे हड़ाःगे।

इबरानी 10:24

अबू एटाः होड़कू अलार-दुलार होड़ेंग लगा अरू नपाय बुताकूनकू एचेय लगा करा इयाबू संघरा अवेवाकूता, हना बदीरेबू ओंगोलगोड ञवन।

इबरानी 13:21

दो हाँयग भगवान अपे आँयगराः हिछापे पुरावगोड लगा जमालेःआ नपाय कताकूनतेय ओसताजगोडपे लगायिंग अरजीतना। अरू भगवान ननायगुःता हना कताकून ईसू मसीते अपे एचे अवेय लगा भगवान अपेय संघरावा लगा होयिंग अरजीतना। सगर सइट होड़कू ईसू मसीकू जागगोड ञवन। आमीन!

1 पतरस 2:12

अपे बेगर बिसवासी होड़कू तलारेपे दोनोहोन मेला, हँकू अपे ओपता घड़ीनकू बड़रातान हों, अपेराः लूर-नेवन नपाय दोहोन लगा इदा। दो भगवान होड़कूय फड़ियावता हना दिन, हँकुःआ होड़कू अपेराः नपाय बुता ञेलकेडखन भगवानकू जागता।

1 एहुना 1:7

मनदो भगवान मरसल इदानिया अरू अबू मरसल इया नपायबू जियाःता दो, अबू अँननबू अबू मिनी इदानबुःआ अरू भगवानरीग बेटात ईसूराः बलंगीते अबूराः जीव अते जमा कसूरकूने बुहाल अमिंगगोडता।

1 एहुना 2:6

अबू भगवानरिकुःआ होड़कू हवे माःआनबू कताय दो, अबू ईसू करा इयाय जियावनेना हनन इया अबू हों जियाः लगा इदा।