इपीसी 1:5 - Korwa Bible

⁵ अरू हाँयराः हिछा अरू नपाय ओंगोल इया अबू ईसू मसीते आँयगरिकुःआ निकता लइंकू सहेरबू लगा मनाड़ंगते दुलारकेडबूखने ओंगोल दोहोकेरा,

इपीसी 1:5 Σταυροειδείς Αναφορές

मती ओजाःतेरा भगवानराः नपाय सरवन 1:25

मनदो मरियम लँइग अरीने जनमावगेय वरी, उसूप हाँय सुदा मेरेय गेतेगा। दो लँइग होयानेन तयोमरे उसूप हाँयग लँइगराः ञाव ईसू माःआने साबतेरा।

मती ओजाःतेरा भगवानराः नपाय सरवन 11:26

हाव, ने अपांग भगवान, नाःआ अनमराः नपाय मरंगाः हिछा इया इदाना।

लूका 10:21

हनमेला ईसू भगवानराः सुद बिरुवाते पेरेगनेनखन बहालतेय कताया, “ने ईंगरीग अपांग भगवान सेरमो देस अरू चउंदीसरीग मालिक, आमिंग धनियाबादतना। नाःआ कता मुरुक कनहूनदार होड़कू अरू सुदी होड़कू अतेम ओकोतेरा अरू लइंकू इया होड़कू एचेरेम उदुःकेरा। हाव, ने अपांग भगवान, नाःआ अनमराः नपाय मरंगाः हिछा इया इदाना।”

लूका 11:32

निनवे सहररिकुःआ होड़कू एवनाराः परसार अयूमवाडखन कसूर अते जीवकू कुदातेरा। नुँहू एवना अते हों मरंगीग होड़ ईंग नंडा इदानिंगा। हनालगा निनवे सहररिकुःआ होड़कू फड़ियावराः दिनरे चड़ाँवाडखन नाःआ जूगरिकुःआ होड़कूकू जाःता।”

लूका 12:32

ईसू अरूय कताया, “ने हुडिंग गउदारिकुःआ होड़कू, अपे अलोपे बोर। अपेरीग सेरमो देसरीग अपांग, आँयगराः राइज अपे एमेवापे लगा मंजूररे इदानिया।

एहुना 1:12

मनदो हाँय एचेरेकू बिसवासकेरा, हँकुःआ जमा होड़कू भगवानरिकुःआ लइंकू होयाः लगा हातपाते एमेवाडकुःआ।

एहुना 11:52

एहूदाकू एकला लगा कोवान मनदो सितिर बितिरयनाकू हँकुःआ भगवानरिकुःआ जमा होड़कू एचे जुमावकेडखन मिनीगोडकू लगा होंय गुजुःता।

एहुना 20:17

हनते ईसू कतातेड, “ईंग अपांग भगवान एचेरे अरीनिंग सेना। हनालगा आम ईंग अहम साब रहावकायिंग। मनदो आम ईंगरिकुःआ वपक बोपोहकूतिंग एचेरे सेनेकियानखन हँकू एचेरेम कता उदुःगोड, ईंगरीग अरू अपेरीग अपांग अरू ईंगरीग अरू अपेरीग भगवान एचेरे सेरमोयिंग सलाःतना, माःआन।”

मूक चेलाकू 13:48

नाःआ कता बेगर एहूदाकू अयूमतेरा दो हँकू मुरुककू बहालयान अरू परबूराः सरवनकू मान मरजइतकेरा। भगवान ओरो टुटीगनेना हना जीव पवाः लगाय ओंगोल दोहोतेरा, हँकुःआ जमा होड़कू हना सरवनकू बिसवासतेरा।

रूमी 8:23

जमा सकालाः एकला कोवान मनदो अबू हों इंदरीरेबू केहराव ञवनतना। भगवान अबू एमेवा लगाय जबानतेरा हना जबानराः चिनहा इया आँयगराः सुद बिरुवाय एमेवाडबुःआ। अरू भगवान अनँयग लइंकू इया जमालेःआ समुटावकेडबूखन बेगर कसूरतो नँवा देहे एमेवाबूता। हनानाः दिन लगाबू टकागोड ञवनतना।

1 कुरिंती 1:1

ने अजी बोपोहकूतिंग, ईंग पउलूस, अबूरीग बिसवास बोहोबू सोसतिनूस सुदा, नाःआ चिठीयिंग ओजाःतना। भगवान आँयगराः ओंगोल इया ईसू मसीरीग मूक चेला बड़ाँः लगाय सुनावकिरिंगा।

1 कुरिंती 1:21

भगवान अगम कनहूनदार इदानिया। अरू हाँय ओंगोल दोहोकेरा, कनहूनदारकू अँनकूराः कनहूनते ईंग बदीरे ओरोकू सुदी अवेतेरा, माःआन। मनदो अले नपाय सरवनले परसारगे अते बिसवासगेताकू हँकुःआ होड़कू सडाव लगा भगवान ओंगोल दोहोकेरा। अरू नपाय सरवन मेरकू बिसवासगेता हँकुःआ होड़कू लगा अलेराः परसार बेगर लूर इया इदा।

2 कुरिंती 6:18

अरू, “ईंग अपेरीग अपांगिंग होयाःता, अरू अपे ईंगरिकुःआ बेटा बिटीकूपे होयाःता।” नाःआ अगम जंगरदार परबू भगवानराः सरवन हवे।

गलातिया 3:26

ईसू मसी एचेरे बिसवासकेडखन अपे जमाकू भगवानरिकुःआ लइंकूपे बड़ाँवयना।

इपीसी 1:11

भगवान अनँयग ओंगोल अरू हिछा इया जमाकूने एचेगोड ञवनता। हनन इया हाँय ईसू मसीते अबू सुनावकेडखन इताडदारकू बड़ाँःबू लगा मनाड़ंगतेय ओंगोल दोहोकेरा।

इपीसी 1:9

भगवान अनँयगराः ननपाय ओंगोल इया ईसू मसीते एचेय लगाय ओंगोल दोहोतेरा अनँयगराः ओकोत दोहोना हनानाः हिछा अबूय एचे सुदीकेडबुःआ।

पिलिपी 2:13

दो भगवान ननायगुःता हनन इयाबू जियाः लगा अबू जीवरे चहाः अरू जंगरे एमे हड़ाःवाबूता।

कुलूसी 1:19

भगवान जमालेःआते हाँय एचेरे डेरान लगा बहालतेय ओंगोल दोहोतेरा।

2 तिसलूनिका 1:11

दो भगवान अपेय राःकेडपेःआ हनानाः जीव जुकूरेय बड़ाँवगोडपे लगा अरू अनँयग जंगरतेय अपेराः बिसवासराः जमालेःआ नपाय बुता अरू हिछा एचे पुरावगे लगाले अरजीगोड ञवनतना,

इबरानी 2:4

चिनहाकूनते अरू बयाव जुवाः इयाःआ बुताकूनते अरू एटाः एटाः इयाःआ ञेनेल ञेलरे नपाय जुवाःता हना बुताकूनते, अरू अनँयग हिछा इया होड़कूय हटिंगवातेरा हाँयग सुद बिरुवाराः दहिनकूनते भगवान, हाँयराः सरवन सताय हवे माःआन हिदइते उदुःबाःगोतेडा।

1 एहुना 3:1

अबूरीग अपांग भगवान मुरुक बगरा दुलारकेडबूखन ईंगरिकुःआ लइंकू माःआने कतावाबूता, अरू सनातायते अबू हाँयरिकुःआ लनाइंकू हवे। चउंदीसरिकुःआ होड़कू भगवान मेरकू सुदीगेयता। हनालगा हँकू अबू भगवानरिकुःआ लइंकू हवे माःआन मेरकू सुदीबूतना।

उदुःतो कताकून 21:7

जितावबाः जुवाःता हँकुःआ होड़कू नाःआ जमाकूनराः इताडदारकू होयाःता। ईंग हँकूरीग भगवानिंग दोहोनता अरू हँकू ईंगरिकुःआ लइंकू दोहोनता।