इपीसी 1:1 - Korwa Bible

¹ ने अजी बोपोहकूतिंग, ईंग पउलूस, भगवानराः हिछाते ईसू मसीरीग मूक चेला हवे। इपीसी सहररे ईसू मसी एचेरे बिसवासगे इयाकू दोहोनता भगवानरिकुःआ सुद होड़कू, अपे लगा नाःआ चिठीयिंग ओओजाःतना।

इपीसी 1:1 Σταυροειδείς Αναφορές

लूका 16:10

गुनमिनाःरे भरसागेयीग होड़े दोहोनता, हाँय मरंग मरंगरे हों भरसागेयीग होड़े दोहोनता। अरू गुनमिनाःरे भरसागेयीग होड़ मेरेय दोहोनता, हाँय मरंग मरंगरे हों भरसागेयीग होड़ मेरेय दोहोनता।

मूक चेलाकू 16:15

हनते हाँय अरू आँयग ओड़ाःरिकुःआ जमा होड़कू हाँय सुदा बतिसमाकू गोःतेरा। अरू हाँय अलेय नेत-नेवारतेडखने कताया, “अपे ईंग मी होड़ बिसवासी होड़ माःआनपे ओंगलेयिंगतना दो, ईंग ओड़ाःरे गुतियापे वेग।” अरू अले हाँय ओड़ाः अरीनले सेन वरी हाँय रेनहातेडलेःआ।

मूक चेलाकू 18:19

हँकू इपीसी सहररेकू सोदोरनेन अरू हाँय पिरिसकी अरू अकिला हंडाय अटूतेडकिना। अरू हाँय अनँयग आँयगते अरजी ओड़ाःरेय सेनेडा अरू एहूदाकू सुदाय कता होड़ेंगा।

मूक चेलाकू 18:21

मनदो हाँय सेन मेला हँकू एचेरे नाःआ इयाय कतातेरा, “भगवानराः ओंगोल इदान दोयिंग कुदा वेगता।” हनते हाँय इपीसी सहर अते जहाजते तोराय।

मूक चेलाकू 9:13

दो हनानियाह कता कुदातेरा, “परबू अलोम वारगींग। हाँयग होड़ बदीरे मुरुकिंग अयूमतेरा अरू हाँय एरुसलेमरे आमरिकुःआ सुद होड़कू जमा बरानाः कटसियातेडकुःआ।

रूमी 1:1

ने अजी बोपोहकूतिंग, ईसू मसीरीग सेवादार अरू मूक चेलाराः सेवारे, अरू भगवानराः नपाय सरवन परसारगे लगा भगवान एटाःकिडिंगा, ईंग पउलूस नाःआ चिठीयिंग ओजाःगेतना।

रूमी 1:7

रूमी सहररे भगवान दुलारकूता अरू अनँयगरिकुःआ सुद होड़कू होयाः लगाय एटाःकेडकुःआ हँकुःआ जमा बिसवासी होड़कू लगा नाःआ चिठीयिंग ओजाःगेतना। अबूरीग अपांग भगवान अरू परबू ईसू मसी, अपेकिन मयावा लगा, अरू सलसतरेकिन दोहो ओवापे।

रूमी 8:1

भगवान अबू सडावकेडबूखन ईसू मसी सुदाय मिनीगोतेडबुःआ, दो भगवान अबू ओरोय डंडियावतेडबुःआ। [अबू होड़कूराः ओंगोल इया कोवान, मनदो सुद बिरुवाराः ओंगोल इयाबू सलाःता।]

1 कुरिंती 4:12

अले अँननलेराः तिःईतेले मिहनइतगेता। होड़कू अलेकू कड़ीतान दो, भगवान हँकूराः जीव नपायगे लगाले अरजीता। अलेकू संतावतान दो हनले सहवेता।

1 कुरिंती 4:17

नाःआ लगा ईंग अपे एचेरे ईंगरीग दुलार बेटा इयायीग तिमुतियूसिंग वारतना। हाँय परबू लगा बिसवासगेयीग इदानिया। जमा ततेरराः कलसियारिकुःआ होड़कू सरवनिंग चेडकूता हना चेड इया ईसू मसी लगा करा इयायिंग जियाःतना हना हाँय अपे एचेरेय कता उदुःगेता।

2 कुरिंती 1:1

ने अजी बोपोहकूतिंग, भगवानराः हिछा इया ईसू मसीरीग मूक चेला इदानिंगा ईंग पउलूस, अबूरीग बिसवासी बोहोबू तिमुतियूस सुदा, अपे कुरिंती सहररे इदानकुःआ, भगवानराः कलसियारिकुःआ होड़कू लगा, अरू अकाया देसरे इदानकुःआ भगवानरिकुःआ एटाः सुद होड़कू लगा हों नाःआ चिठी ईंग ओओजाःतना।

गलातिया 1:1

ने अजी बोपोहकूतिंग, होड़कू अगीते सहे मनुवाकूराः ओंगोलते कोवान, मनदो ईसू मसीते अरू गोएगतो अते ईसूय जियाव रेमकिरिया हाँयग अपांग भगवान, हँकिनराः हिछाते मूक चेला बड़ाँवतो ईंग पउलूस,

गलातिया 3:26

ईसू मसी एचेरे बिसवासकेडखन अपे जमाकू भगवानरिकुःआ लइंकूपे बड़ाँवयना।

गलातिया 3:28

अपे एहूदा होड़ सहे बेगर एहूदा होड़पे दोहोन, बेगारी होड़ सहे मालिकपे दोहोन, मरद सहे अइमीपे दोहोन, अपे ईसू मसी एचेरेपे बिसवासकेरा अते अपे जमाकू बरोबइर इदानपेःआ।

गलातिया 3:9

दो इबराहीम इया भगवान एचेरेकू बिसवासगेतना, हँकुःआ होड़कूराः जीव-जहन हों भगवान ननपायगेता।

इपीसी 1:15

ननानाः लगा ईसू मसीरे अपेराः बिसवास अरू जमा बिसवासी होड़कू लगा अपेराः अलार-दुलार ईंग अयूमकेरा हना वरीते,

इपीसी 2:10

अबू भगवानरिकुःआ तुलात होड़कू हवे अरू मनाड़ंगते अबू लगाय सपड़ाव दोहोकेरा हनानाः नपाय बुताकून ईसू मसीते एचेय लगाय तुलाकेडबुःआ।

इपीसी 2:13

मड़ंगरे अपे भगवान अते तोनोरेपे दोहोना। मनदो ईसू मसी अबू लगा अनँयग बलंगी तूकेडखने गोएगनेन अते अपे नुँहू भगवान अगीपे लेसानयना।

इपीसी 2:6

अबू ईसू मसी सुदाय जियाव रेमकेडबुःआ अरू सेरमो देसरे हाँय सुदाय एचे दुड़ुःकेडबुःआ,

इपीसी 6:21

ईंगरीग दुलार सउंगता तुकिकूस, परबूराः सेवारे बिसवासगेयीग इदानिया। ईंग करा इया इदानिंगा अरू ईंग चिलायिंग करेगतना हना हाँय अपेय उदुःवापेता।

कुलूसी 1:2

कुलूसी सहररे ईसू मसी एचेरेकू बिसवासगेतना हँकुःआ सुद होड़कू, अपे लगा नाःआ चिठीयिंग ओजाःगेतना। अबूरीग अपांग भगवान अपेय मयावा अरू सलसतरेय दोहो ओवापे।

उदुःतो कताकून 17:14

हँकू भेड़ा होन सुदाकू लड़ाइता। मनदो हाँयग भेड़ा होन राजाकूरीग राजा अरू परबूकूरीग परबू हवे। हनालगा हाँय हँकूय हरुवावगोडकूता। हाँय सुदा इदानकुःआ हँकुःआ होड़कू हों हाँय सुदाकू जीताव जुवाःता। हँकू राःतो, अरू सुनावतो, अरू बिसवासगे इयाकुःआ हवे।”

उदुःतो कताकून 2:10

कटसिया अपेके ससहाव इदा, अरू हना बदीरे अलोपे बोर। अपे सवासितीपे दोहोन। कलउ अपे अते तोनोंग तोनोंग होड़कू जेहेलरेय एचे सींगकेडपेखन अंदजावपे लगाय ओंगलेतना, अरू अपे दस दिन वरी कटसिया ससहाव पराःता। जीव उडुंग जुवाः वरी बिसवासगोड ञवनपे, दो ईंग अपे, जीवराः पगरींग एमेवापेता।

उदुःतो कताकून 2:13

“ईंग सुसुदीतना, अपे कलउराः गदी इदा हंडापे दोहोनता। हनते हों अपे ईंगराः ञावपे ञावगोड ञवनता अरू ईंग एचेरेपे बिसवासगोड ञवनता। अंतिपास ईंगरीग सताय हिदइतदारे दोहोना। हँकू हाँय अपेराः सहररेकू ञेड एंडातिरिया (हना सहररे कलउराः गदी इदा)। हनमेला हों अपे ईंग एचेरेपे बिसवासगोड ञवना।