कुलूसी 3:12 - Korwa Bible

¹² अपे भगवानरिकुःआ सुद अरू सुनावतो निकता होड़कू इदानपेःआ। हनालगा सोगादारकू अरू देनहारकू अरू हुडिंग ओंगलुः होड़कू अरू सहाव अवेय होड़कू अरू सुधा होड़कू इया अपेराः लूर नेवन होयाः लगा इदा।

कुलूसी 3:12 Σταυροειδείς Αναφορές

मती ओजाःतेरा भगवानराः नपाय सरवन 24:22

भगवान नाःआ सिकिसताराः दिनकून मेरेय हुडिंगकेः दो तोनोंगीग होड़ ओरोय बनसावकुःआ। मनदो भगवान अनँयगरिकुःआ सुनावतो होड़कूराः ओजाहते नाःआ दिनकूने हुडिंगगेता।

मती ओजाःतेरा भगवानराः नपाय सरवन 24:24

हना बेला मुरुक बगरा होड़कू लबरा घड़ीनकू कतायता, ईंग मसी हवे अरू ईंग भगवानराः बड़रा कतायीग होड़ हवे, माःआन। हँकू मुरुक चिनहाकून अरू बयाव जुवाः इयाःआ बुताकून एचेवाडखन भगवानरिकुःआ सुनावतो होड़कू हों बहकावकू लगाकू कुरनिसगेता।

मती ओजाःतेरा भगवानराः नपाय सरवन 24:31

हनते हाँय अनँयगरिकुःआ बराहीलकू मरंग सोहनाई ओंग घड़ीने वारकूता अरू हाँय चउंदीसराः चइरो गतर अते, सेरमोराः मी कोना अते एटाः कोना वरीते, भगवान सुनावकेडकुःआ हँकुःआ जमा होड़कू भगवान एचेरेय एचे जुमावकूता।”

मरकूस 13:20

भगवान नाःआ सिकिसताराः दिनकून मेरेय हुडिंगकेः दो तोनोंगीग होड़ ओरोय बनसावकुःआ। मनदो भगवान अनँयग सुनावतो होड़कू लगा नाःआ दिनकूने हुडिंगकेरा।

मरकूस 13:22

हना बेला मुरुक बगरा होड़कू लबरा घड़ीनकू कतायता, ईंग मसी हवे अरू ईंग भगवानराः बड़रा कतायीग होड़ हवे, माःआन। हँकू मुरुक चिनहाकून अरू बयाव जुवाः इयाःआ बुताकून एचेवाडखन भगवानरिकुःआ सुनावतो होड़कू हों बहकावकू लगाकू कुरनिसगेता।

मरकूस 13:27

हनते हाँय अनँयगरिकुःआ बराहीलकूय वारकूता अरू हाँय चउंदीसराः चइरो गतर अते, सेरमोराः मी कोना अते एटाः कोना वरीते, भगवान सुनावकेडकुःआ हँकुःआ जमा होड़कू भगवान एचेरेय एचे जुमावकूता।

लूका 1:78

भगवान अगम सोगादार इदानिया। हनालगा हाँय सेरमो अते बेर उडुंगगुःता हनन इया अबू लगा मरसले एमेता,

लूका 18:7

भगवान सुनावकेडकुःआ हँकुःआ होड़कू दिन रइत भगवान संघरावाकू लगाकू अरजी दो, भगवान हँकू ओरोय संघरावतेडकुःआ जा? हँकू संघरावकू लगा भगवान कुबेरगेताय जा?

रूमी 1:7

रूमी सहररे भगवान दुलारकूता अरू अनँयगरिकुःआ सुद होड़कू होयाः लगाय एटाःकेडकुःआ हँकुःआ जमा बिसवासी होड़कू लगा नाःआ चिठीयिंग ओजाःगेतना। अबूरीग अपांग भगवान अरू परबू ईसू मसी, अपेकिन मयावा लगा, अरू सलसतरेकिन दोहो ओवापे।

रूमी 13:14

अपेराः इंदरी कसूर लूर-नेवन इया जियाः लगा चहाःता, मनदो अपे हनानाः ओंगोल इया अलोपे सलाः अरू नँवा सोनहेपे तुसिंगता हनन इया ईसू मसीपे तुसिंगका।

रूमी 9:11

हँकिन जनमावगुः अते मनाड़ंग इसराएल होड़कूराः रिती-बिधी अते एनेटाः इया भगवान रिबका एचेरेय कतातेरा, “मरंगीग हेरेल होन हुडिंगीग हेरेल होनरीग सेवकिया होड़े बड़ाँःता।” नाःआ कताते अबू सुदीयता, भगवान तोनोंगीग होड़ नपाय सहे बेलूर बुताय बुताता, हनाते हाँय मेरेय सुनावगेयता। मनदो हाँय अनँयग ओंगोल इया होड़कूय सुनावकूता।

1 कुरिंती 13:4

एटाः होड़कूय दुलारता हाँयग होड़ मयादार अरू सहाव घड़ीने दोहोनता। हाँय मेरेय इरावाकूता, सहे मेरेय बड़वारता। हाँय मेरेय फुलाईता,

2 कुरिंती 6:6

नाःआ जमा अले जीवरे होयानेना। हनारे हों अले सुद जीवले जियाःआ, अरू भगवानराः सरवनले ओंगोल बुझाःआ अरू सहाव घड़ीन सुधा होड़कूले दोहोना। अले एचेरे सुद बिरुवा दोहोनता अरू सतायते होड़कूले दुलारा।

गलातिया 5:6

अबू ईसू मसी सुदा मिनी इदानबुःआ दो, खतनान सहे बेगर खतनातबू दोहोन, हनारे तोनोंगाः मतलोब कोवानेःआ। मनदो मइद कता ननानाः हवे, एटाःकू दुलार घड़ीन अबूराः बिसवास उउदुः लगा इदा।

इपीसी 1:4

अबू हाँय मड़ंगरे सुद अरू बेगर गारबारतेबू दोहोन लगा चउंदीसराः बुँहड़ीन अते मनाड़ंग ईसू मसीतेय सुनावकेडबुःआ।

इपीसी 4:2

अपे जमा बेला अनँयग आँयग हुडिंग ओंगोलकियानखनपे दोहोन अरू कटराहा होड़कू अहापे होयाः। मनदो जमा बरानाः सहाव घड़ीन अलार दुलारतेपे दोहोन।

इपीसी 4:24

अरू भगवान इया बेगर गारबार अरू सुद बड़ाँवकेडखन नँवा जीव सतायरेपे जियाः लगा इदा।

इपीसी 4:32

अपे मयादारकू अरू सोगादारकूपे बड़ाँः अरू भगवान ईसू मसीते अपेराः कसूरे बराव एंडाकेरा, हनन इया अपे हों एटाःकूराः कसूरपे बराव एंडागोड।

पिलिपी 1:8

ईसू मसी अपेय दुलारकेरा हनन इया, ईंग हों अपेयिंग दुलारतना, अरू अपे ञेल लगायिंग उंभरावयना। नाःआ कता सताय हवे माःआन भगवान सुदीयतना।

कुलूसी 3:10

अपेराः लूर-नेवन नँवायना। अरू अपेरीग तुलादार भगवान आँयगराः लूर इया अपेराः लूर-नेवने नँवागोड ञवनता, जेमहा अपे हाँय, अनउर नाय नपायतेपे सुदी अवेय।

1 तिसलूनिका 5:15

तोनोंगीग अपे सुदा बेलूरे एचेय दो, हान इया अपे बदला अहापे कुदागे। मनदो अपे जमा बेला बिसवासी होड़कू लगा अरू एटाः होड़कू नपाय एचेगोड ञवन लगा ओसताजपे दोहोन।

2 तिमुतियूस 1:9

हनाँयग भगवान अबूराः तोनोंग नपाय बुता ञेलकेडखन कोवान, मनदो हाँय चउंदीस बुँहड़ीन अते मड़ंगरेय ओंगोल दोहोतेरा हना इया ईसू मसीते मयावाडबूखने सडावकेडबुःआ अरू सुद जीव जियाः लगाय राःकेडबुःआ।

2 तिमुतियूस 2:10

भगवानरिकुःआ सुनावतो होड़कू लगा जमा इयाःआ कटसिया सहाव लगा सपड़ावतो इदानिंगा, जेमहा ईसू मसी हँकुःआ होड़कूय सडाव अरू सगर सइट मान मरजइतते भगवान सुदाकू दोहो अवेन।

तितूस 1:1

ने तितूस, भगवानरीग सेवकिया अरू ईसू मसीरीग मूक चेला ईंग पउलूस अगीते मसी सलाम। दो भगवानरिकुःआ सुनावतो होड़कूराः बिसवास बड़ियाड़गे लगा ईंगके जिमात इदा, जेमहा भगवानराः ओंगोल इयाःआ सताय बदीरे हँकूराः कनहून बडे जुवाः,

1 पतरस 1:2

ईसू मसीराः कता मनाः लगा, अरू हाँयराः बलंगीते सुद होयाः लगा, अपांग भगवान ओंगोल दोहोकेडपेखने सुनावकेडपेःआ अरू आँयगराः सुद बिरुवाते अपेय सुदकेडपेःआ। दो भगवान जमालेःआते अपेराः जीव मयावा लगा अरू सलसतगे लगायिंग अरजीतना।

2 पतरस 1:10

दो ईंगरिकुःआ अजी बोपोहकूतिंग, अपे मुरुक ओसताज घड़ीन नपाय लूर-नेवनते जियाः लगापे कुरनिसगे, जेमहा जमा होड़कू सुदीगोड भगवान अपेय सुनावकेडपेःआ अरू अनँयगरिकुःआ निकता होड़कूय बड़ाँवकेडपेःआ, माःआन। नाःआ इयापे एचेय दो अपे भगवानराः दूर कहियो ओरोपे अड़ाःतेरा।

1 एहुना 4:19

मड़ंगरे भगवान अबूय दुलारकेरा। हनालगा भगवान अरू एटाः होड़कूबू दुलार अवेकूता।

2 एहुना 1:13

ईंग सुदा इदानकुःआ सुनावतो मेसेमरिकुःआ लइंकू होंकू सलाममेतना।

उदुःतो कताकून 17:14

हँकू भेड़ा होन सुदाकू लड़ाइता। मनदो हाँयग भेड़ा होन राजाकूरीग राजा अरू परबूकूरीग परबू हवे। हनालगा हाँय हँकूय हरुवावगोडकूता। हाँय सुदा इदानकुःआ हँकुःआ होड़कू हों हाँय सुदाकू जीताव जुवाःता। हँकू राःतो, अरू सुनावतो, अरू बिसवासगे इयाकुःआ हवे।”