कुलूसी 2:8 - Korwa Bible

⁸ होड़कू अँननकूराः कनहून अरू सदाःआ बड़राते, अहाकू मोहाव अवेपे लगा सवासितीपे दोहोन। हँकूराः बड़रा मसीराः ओंगोल इया कोवानेःआ, मनदो होड़कूराः रिती-बिधी अरू नियमकून अते इदा। हँकू राइजबड़ी बदीरे मड़ंग जूगरिकुःआ होड़कूराः चेडतो अतेकू चेडकूता।

कुलूसी 2:8 Σταυροειδείς Αναφορές

मती ओजाःतेरा भगवानराः नपाय सरवन 10:17

अपे बेलूर होड़कू अते सवासितीपे दोहोन। हँकू अपे पंचाइतरेकू जिमापेता अरू अँकूराः अरजी ओड़ाःकूनरे अपे गुरुंदतेकू ञेडपेता;

मती ओजाःतेरा भगवानराः नपाय सरवन 16:6

दो ईसू हँकू एचेरेय कतातेड, “फरीसी होड़कू अरू सदूकी होड़कूराः सेबेल सोड़ा अते अपे सवासितीपे दोहोन।”

मती ओजाःतेरा भगवानराः नपाय सरवन 7:15

भगवानराः बड़रा लबरातेकू कतायता हँकुःआ होड़कू अते सवासितीपे दोहोन। हँकुःआ होड़कू अपे एचेरे भेड़ाकूराः भेसरेकू वेगता। मनदो हँकू सतायरे रमू बुःआकू इया इदानकुःआ।

मूक चेलाकू 17:18

तोनोंग तोनोंग इपिकुरी अरू इसतोइकी गउदारिकुःआ कनहून चेडदार होड़कू पउलूस सुदाकू अड़ा-चउकीःआ। हँकू अते अदोम होड़कू होंबोरतेरा, “नाँयग बेलूर बउकाः होड़ चेले माःआन कताय लगाय चहाःतना?” एटाः होड़कू कतातेरा, “नाँय दो एटाः देसरिकुःआ होड़कूराः तोनोंग देवताराः बदीरेय कतायतना।” पउलूस, ईसूराः नपाय सरवन अरू गोएगतो होड़कूय जियाव रेमता हना कताय परसार उदुःतेरा, हनालगा हँकुःआ होड़कू नाःआ इयाकू कतातेरा।

मूक चेलाकू 17:32

हँकुःआ होड़कू गोएगतो होड़कू जियाव रिमुःता माःआनकू अयूमतेरा दो, अदोम होड़कू लंदावाःआ। मनदो अदोमकू कतातेरा, “नाःआ कता अले तोनोंग दिन आम अते अरूले अयुमेता।”

रूमी 16:17

दो ईंगरिकुःआ अजी बोपोहकूतिंग, अपे एचेरे गोड़न-पइयनकियानखन अरू मीटोंग कतायिंग असेयतना, होड़कू अपे चेडकिया हना चेडतो अते एटाः इया चेडकेडखन होड़कूकू हिगार हटिंगगोडकूता अरू होड़कू बिसवासतेकू एचे चलाःगोडकूता। दो हँकुःआ होड़कू सुदा सवासितीपे दोहोन अरू हँकू अते तोरेपे दोहोन।

1 कुरिंती 10:12

हनालगा अपे, बिसवासरे बड़ियाड़ इदानलेःआ माःआनपे बड़वारता हँकू, बिसवासरे अनउरपे बड़ियाड़गुः। निही दो अपे हों हनानाः कसूररेपे पराव जुवाःता।

1 कुरिंती 8:9

अपे जमालेःआ अँननपेराः ओंगोल इयापे एचे अवेयता। मनदो अबड़ जीव होड़कू एचे कसूरकू अते सवासितीपे दोहोन।

2 कुरिंती 10:5

अरू अले होड़कू भगवानकू सुदी अते रोंकावकूता हना जमा ओंगोलकून अरू बड़वार कताकून हँकूराः दूर अते चलाः एंडाकेडखन होड़कूराः जमा ओंगोलकून मसीराः आड़रेले एचे कबीगगोडता।

गलातिया 1:14

अले एहूदाकूराः रिती-बिधी इया नियम मनाः लगा, ईंग इनिंग घुरी-परी होड़कू अते ओसताजिंग दोहोना।

गलातिया 4:3

हनन इया अबू हों हँकुःआ लइंकू इया नाःआ चउंदीसराः रिता-रिता चेडतो इयाबू सलाःआ।

गलातिया 4:9

मनदो नुँहू अपे भगवानपे सुदीकेरा, बलकि भगवान अपेय सुदीकेडपेःआ। दो अपे हनानाः बेगर लूर अरू सदाःआ नियमकून, मनाः लगा चिला लगापे बहुराःतना? दो हना नियमकूनपे मनाः अते अपे हना नियमकूनराः आड़रे अरूपे दोहो जुवाःता।

गलातिया 5:15

मनदो अपे कुतुकू इयापे सोबाड़ होड़ेंग दो अपे अँननपे अपे लायगुः अते सवासितीपे दोहोन।

इपीसी 2:2

हनमेला अपे हों चउंदीसरिकुःआ होड़कूराः लूर-नेवन इयापे जियाःआ अरू सेरमोरेकू दँड़ाता हँकुःआ भूतकूरीग राजा कलउराः कतापे मनेवाःआ। अरू कलउ, भगवानराः कता मेरकू मनाःता हँकुःआ होड़कूराः इंदरीरेय बुतातना।

इपीसी 4:20

मनदो अपे मसी बदीरे नाःआ इया मेरपे चेडगना।

इपीसी 5:6

तोनोंगीग होड़ अँकूराः लबरा चेडतोते अलोकू अडिग अवेपे। बेलूर बुता एचेकेडखन भगवानराः कता मेरकू मनाःता हँकुःआ होड़कू एचेरे भगवान रीस रंजाव जुवाःताय।

पिलिपी 3:2

खखतना लगाकू कतायता हँकुःआ कुतुकू इया बेलूर होड़कू अते सवासितीपे दोहोन।

कुलूसी 2:18

भगवान अपेय एमेवापेता हना इमान अते तोनोंगीग अपे अहाकू अडिग अवेपे लगा सवासितीपे दोहोन। हँकुःआ होड़कू अँननकू हुडिंगकू बड़ाँव अडिगता, अरू सेरमोरिकुःआ बराहीलकूकू जागता। नाःआ इयाकुःआ होड़कू दरसनरेकू ञेल कता, हनानाः कताकून बदीरे, ओंगोल घड़ीनकू कता उदुःगोड ञवनता, अरू अँननकूराः ओंगोल इया बेगर लूर कताकूनरेकू बड़वारता।

कुलूसी 2:20

अपे राइजबड़ी बदीरे मड़ंग जूगरिकुःआ होड़कूराः चेडतो लगा ईसू मसी सुदा गोएगतो इया इदानपेःआ। दो अपे चिला लगा नँकुःआ होड़कूराः नियमकून इयापे सलाःतना?

कुलूसी 2:22

नाःआ जमा नियमकून होड़कूराः ओंगोल इयाःआ चेडतो हवे, अरू हन उपयोतगे घड़ीन लुलिग जुवाःता।

कुलूसी 2:23

नाःआ जमा नियमकून नपाय कनहून इया ञिलुःता। अरू होड़कू अँननकूराः ओंगोलते भगवानकू जागता अरू अँननकू हुडिंग अडिगता अरू अँननकूराः देह-जंगरकू कटसीयाता। मनदो नाःआ इयाते होड़कूराः जीवराः बेलूर ओंगोल ओरोकू चलाः एंडा अवेतेरा।

1 तिमुतियूस 6:20

ने तिमुतियूस, भगवान आम एचेरेय जिमाकेरा हना नपायतेम जतन हड़ाःगे। बेगर लूर बड़रा अरू कनहून माःआन लबरातेकू कतनता हना जमा कताकूनते तोनोरेम दोहोन।

2 तिमुतियूस 3:13

मनदो बेलूर होड़कू अरू लबरा चेडदार होड़कू एटाः होड़कूकू अडिगता अरू अँननकू अडिग जोमकेडखनकू अनाड इदीनता।

इबरानी 13:9

होड़कू अपे मसीराः चेडतो अते एटाः एटाःकू चेडपे दो, हनारे अलोपे बहकाःआ। जोजोमराः नियमकून मनावकेडखन अपेराः जीवरे तोनोंगाः नफा ओरो होयानेना। मनदो मसीराः मयाते अपेराः जीव बड़ियाड़गुःता।

इबरानी 3:12

दो ईंगरिकुःआ अजी बोपोहकूतिंग, जीयत भगवानराः दूर अते बहकावपेता हना बेनेलूर अरू बेगर बिसवासराः जीव अपे अते तोनोंगीग एचेरे अहा होयाः लगा सवासितीपे दोहोन।

1 पतरस 1:18

अपे नपायतेपे सुदीयतना, अपेरिकुःआ खुटिपरिया होड़कू सलाव वेगा हना बेगर मतलोबाः लूर-नेवन अते, लाय एंडा जुवाःता हना चाँदी सहे सोनाते भगवान अपे मेरेय सडावगाडपेःआ,

2 पतरस 3:17

दो ईंगरिकुःआ अजी बोपोहकूतिंग, अपे नाःआ कताकून मनाड़ंगतेपे सुदीकेरा। हनालगा अपे सवासितीपे दोहोन, जेमहा बेलूर होड़कूराः लबरा चेडतोरे अहापे बहकाः अरू सताय कताकून अहापे अड़ाः एंडागे।

2 एहुना 1:8

नँकुःआ अडिग जोम होड़कू अते आम सवासितीम दोहोन। हनाते भगवान लगाबू सेवाकेरा, हना सदाःआ ओरो होयानेना अरू भगवान अते आमराः सेवाराः जनामा इमानमे पवाव जुवाःता।