कुलूसी 2:13 - Korwa Bible

¹³ मड़ंगरे अपे कसूरते अरू अपेराः बेलूराः नेवनते, बेगर खतनात होड़कू अरू गोएगतो होड़कू इयापे दोहोना। मनदो भगवान अबूराः कसूर बराव एंडाकेडखन, मसी सुदाय जियाव रेमकेडबुःआ।

कुलूसी 2:13 Σταυροειδείς Αναφορές

लूका 15:24

ईंग बेटा गोएगतो इयाय दोहोना, नुँहू नाँय जियावयनाय, केड़ेनेनाय नुँहूयिंग पवावयान। अरू हँकू रीझ रंगगोडाकू।

लूका 15:32

मनदो आम बोहोम गोएगतो इयाय दोहोना अरू नुँहू जियावयनाय। हाँय केड़ेनेनाय अरू नुँहूयिंग पवावयना। हनालगा नुँहू अबू बहालरे दोहोन इदा।”

लूका 9:60

दो ईसू हाँय एचेरेय कताया, “गोएगतो होड़कू अँननकूरिकुःआ गोएगतो होड़कूम तील ओवा। मनदो आम सेनेवाडखन भगवानराः राइज बदीरे होड़कू एचेरेम कता उदुःगे।”

एहुना 5:21

अपात गोएगतो होड़कूय जियाव रेमा, हनन इया बेटात हों हाँय चहाःता हँकुःआ होड़कू जीवे एमेवाकूता।”

एहुना 6:63

भगवानराः सुद बिरुवा जीवे एमेता, मनदो मनुवाकू अते कहिसाः मेर होयाःता। ईंग कतातेरा हना सरवन भगवानराः सुद बिरुवा अगीतेयिंग कतातेरा अरू हनानाः कता अपे लगा जीव एमेयता।”

रूमी 4:17

भगवानराः कागदरे इबराहीम बदीरे ओजाःतो इदा, “ईंग आम मुरुक बगरा जइत होड़कूरीग अपांगिंग बड़ाँवकेडमेःआ।” हनन इया हाँय अबू जमा बिसवासी होड़कूरीग अपांग हवे। अरू हाँय, गोएगतो होड़कूय जियाव रेमकूता अरू बनाड़रा बड़राते तोनोंग मेर दोहोगान अते जमाकूने होनोयागोडता हाँयग भगवान एचेरेय बिसवासकेरा।

रूमी 6:13

अपेराः देह दगलीकून बेलूर ओंगोल इया कसूरगे लगा अहापे एमेय। अपे कसूरते गोएगतो इयापे दोहोना, मनदो नुँहू अपे नँवा जीवपे पवावकिया। हनालागा अपेराः देह दगलीकून नपाय बुता बुता लगा भगवान एचेरेपे जिमागोड।

रूमी 8:11

भगवानराः बिरुवा, ईसू मसी गोएगतो होड़कू अतेय जियाव रेमकिरिया। अरू हनाँयग सुद बिरुवा अपे जीवरे होंय दोहोनता। भगवान ईसू मसी गोएगतो होड़कू अतेय जियाव रेमकिरिया। हनन इया हाँय हनाँयग सुद बिरुवाते अपेराः गुजुः इयाःआ देहकूने जियाव रेमता।

1 कुरिंती 15:36

हँकुःआ होड़कू ईंग कतावाकूता, ने बोको होड़कू, अपे तोनोंगाः बिहानपे वेरतान दो, हना जांग हास पेंदारे सेयाकेडखन मेर ओमोनगुःता जा?

1 कुरिंती 15:45

भगवानराः कागदरे ओजाःतो इदा, “भगवान मड़ंगीग मनुवा आदम एचेरे साँसे ओंगगोतेड अरू हाँय जीयत होड़े बड़ाँवनेना,” मनदो टुटीग आदम ईसू हवे अरू हाँय जीवे एमे कुदावाबूता।

2 कुरिंती 3:6

अरू हनाँय अले नँवा कता-जमकावतोराः सेवकिया जुकूरे बड़ाँवगोतेडलेःआ। नाःआ नँवा कता-जमकावतो ओजाःतो नियामकूनते कोवानेःआ, मनदो सुद बिरुवाते इदा। ओजाःतो नियमकून मेरबू मनाःतान अते गुजुःराः डंडबू पवाःता, मनदो सुद बिरुवाते जीवबू पवाःता।

2 कुरिंती 5:19

भगवान चउंदीसरिकुःआ होड़कू ईसू मसीते अनँयग सुदाय हेल-मेलकूतना। हनालगा हाँय हँकूराः कसूर मेरेय ओंगोल दोहोगेतना। अरू हाँय हनानाः हेल-मेलराः सरवन अलेय जिमावारा।

इपीसी 2:1

अपे गारबार अरू कसूरते गोएगतोपे दोहोन मेला भगवान जियावतेडपेःआ।

इपीसी 2:11

अपेराः जनम एहूदा जइतरे मेर होयागान अते, अपे बेगर एहूदाकू हवे। नाःआ कता अपे अहापे लिड़िंगे। होड़कूराः तिःईते खतनात होड़कू, अपे बेगर खतनात होड़कू हवे, माःआनकू कतावातेडपेःआ।

इपीसी 5:14

अरू मरसलरे जमा जिनिसकून नपायतेबू ञेलता। हनालागा नाःआ इयाबू कतायता, “ने अपीगतो होड़कू, बेरेडपे! अरू गोएगतो अतेपे जियाव रिमुः, दो मसी अपेराः जीवरे मरसले एमेवापेता।”

कुलूसी 2:12

अरू अपे बतिसमापे गोःतेड मेला, अपे हों मसी सुदापे तीलयना। अरू भगवान अनँयग जंगरते, ईसू मसी गोएगतो होड़कू अतेय जियाव रेमतिरिया माःआनपे बिसवासगेतना। दो नँवा लूर-नेवनते, मसी सुदा अपे होँपे जियाव रेमकिया।

1 तिमुतियूस 5:6

मनदो अनँयग बहालगुः लगा एकलाय ओंगोल ञवनता हाँयग रंडियाहीन जीयात इदानीग हों गोनेगतो इदानिया।

1 तिमुतियूस 6:13

जेहो सकालाः इदा हना जमाकून लगा जीवे एमेयता हाँयग भगवान अरू पुंतियूस पिलातूस मड़ंगरे सताय बदीरे नपायतेय कबुलावनेना हाँयग ईसू, हँकिन मड़ंगरे

इबरानी 6:1

हनालगा अबू मसीराः बदीरे रिता-रिता चेडतो अते अनउरबू बुधियाड़ इदीन। अबू गोएगतो इया बेलूर बुताकून अते जीव कुदा बदीरे अरू भगवान एचेरे बिसवासगे बदीरे,

इबरानी 9:14

मसी, सगर सइट जीयत दोहोनता हाँयग सुद बिरुवाते, भगवान मड़ंगरे बेगर गारबारते बलिदानगुः लगा अनँयग आँयगे जिमायान। दो अबूराः ओंगोल गोएगतो इयाःआ बुताकून अते अबू जीयत भगवानबू सेवा अवे लगा हाँयराः बलंगी चिला लगा अरू मेर सुदकेःबुःआ?

एकूब 2:17

हनन इया तोनोंगीग होड़ कतायता, ईंग बिसवासगेयतना। मनदो बिसवास इया नपाय बुता मेरेय बुतायता दो, हाँयराः बिसवास गोएगतो इया इदा।

एकूब 2:20

आम बोको होड़ इदानमेःआ। आम मेरेम सुदीयता जा, बेगर बुताते दोहोनता हना बिसवास बेगर लूर दोहोनता।

एकूब 2:26

बेगर हनसाते देह गोएगतो दोहोनता अरू हनन इया बेगर नपाय बुताराः बिसवास सदाःआ दोहोनता।

1 एहुना 2:12

ने ईंगरिकुःआ लइंकू इया होड़कू, ईसूराः ञावते अपेराः कसूर भगवान बराव एंडाकेरा। ननानाः लगा ईंग अपे लगायिंग ओजाःगेतना।