कुलूसी 1:16 - Korwa Bible

¹⁶ जमालेःआ हनाँयते भगवान तुलाकेरा, सेरमो देसरे अरू ओतरे इदा हना जमाकून, अरू होड़कू ञेल अवेयता अरू मेरकू ञेल अवेयता जमा बरानकुःआ जंगरदारकू अरू हातपातदारकू सेरमो देसरिकुःआ बराहीलकू अरू जमा बरानकुःआ भूतकू, नाःआ जमालेःआ हनाँयते अरू हनाँय लगा भगवान तुलाकेरा।

कुलूसी 1:16 Σταυροειδείς Αναφορές

एहुना 1:10

हाँय चउंदीसरेय दोहोना अरू चउंदीस हाँयते बड़ाँवकिया, मनदो चउंदीसरिकुःआ होड़कू हाँय मेरकू सिनहागडीग।

एहुना 1:3

हनाँय जमा बरानाः जिनिसकूने तुलाकेरा अरू हाँय बेगर, तोनोंगाः जिनिस मेर बड़ाँवगना।

रूमी 11:36

हनाँय जमाकूने तुलाकेरा, हनाँयते जमाकून सलाःतना, अरू हनाँयराः हवे जमाकून। दो हनाँयग भगवान लगा सगर सइट वरी मान मरजइत होयाः। आमीन!

रूमी 8:38

दो ईंग सुनुदीबाःगोतेडिंग भगवान, परबू ईसू मसीते अबूय दुलारता। हना दुलार अते तोनोंगाः अबू ओरो एटाः अवेतेडबुःआ। अबू गुजुःबू सहे जियाःबू, हाँय सगर सइट अबूय दुलार ञवनता। तोनोंगीग सेरमो देसरिकुःआ बराहीलकू सहे हातपात इदा हँकुःआ भूतकू, हँकू भगवानराः दुलार ओरोकू लाय एंडा अवेतेरा।

रूमी 9:5

इबराहीम, इसहाक अरू एकूब हँकूरिकुःआ खुटिपरिया होड़कू हवे अरू जमाकूरीग भगवान ईसू मसी होड़राः सुरइत मुरइतरे, हँकूरीग नइड़-बाँस होड़तेय जनमावनेना। सगर सइट होड़कू हाँयकू जागगोड ञवन। आमीन!

1 कुरिंती 8:6

अबू लगा मिनीटोंग भगवान इदा अरू हनाँय हवे अबूरीग अपांग। हाँय जमाकूने तुलाकेरा अरू अबू हाँय लगाबू जियाःता। अरू अबू लगा मिनीटोंग परबू इदा। हनाँय हवे ईसू मसी। हाँय जमाकूने तुलाकेरा अरू हनाँयते अबू जीयत इदानबुःआ।

इपीसी 1:10

अरू भगवान तोल दोहोकेरा हनानाः बेलाराः बुइद इया, सेरमोरे अरू ओतरे इदानकुःआ, हँकुःआ जमाकू मसीराः हातपातरेकू होया जुवाः।

इपीसी 6:12

अबूराः लड़ाइ होड़कू सुदा कोवानेःआ। मनदो सेरमोरेकू दोहोनता हँकुःआ भूतकूरिकुःआ परधानकू अरू हातपातदारकू सुदा अरू अंदरारेकू दोहोनता हँकुःआ जंगरदार भूतकू सुदा अरू बेलूरकू एचे बुताकूता हना सेरमोरिकुःआ सइनाकू सुदा अबूराः लड़ाइ इदा।

पिलिपी 2:10

जेमहा जमा होड़कू ईसूराः ञाव अयूमकेडखनकू उकुड़ोमगुः। सेरमो देसरिकुःआ अरू ओतरिकुःआ अरू पतालपूररिकुःआ जमाकू हाँयकू सलाम घड़ीनकू उकुड़ोमगुः,

कुलूसी 1:15

भगवान तोनोंगीग ओरोबू ञेल अवेतिरिया, मनदो ईसू मसी सिरामइत भगवान बरोबइर इदानिया। हाँय मड़ंगीग बेटात हवे, अरू जमालेःआते मनारंग इदानिया।

कुलूसी 1:20

हाँय कुरूसरे अनँयग बलंगी तूतेडखन सेरमो देसरे अरू ओतरे इदानकुःआ हँकुःआ जमा जिया-जउतकू, भगवान अनँयग सुदा राजू नमाकू लगाय ओंगोल दोहोकेरा।

कुलूसी 2:10

जमा इयाःआ हातपातदारकू अरू राइजगेताकू अते हनाँय मूक हवे। अरू अपे हाँय सुदापे मिनीयान दो, अपे हों उडु-बुडू जीवपे पवावकिया।

कुलूसी 2:15

अरू कुरूसरे ईसू मसी गोएगनेनते, भूतकू अरू अँकूरिकुःआ जमा हातपातदारकू हरुवावतेडकूखन, जमाकू मड़ंगरेय एचे गियूगोतेडकुःआ।

इबरानी 1:2

मनदो नाःआ टुटीगगुः अते मड़ंगाः दिनरे भगवान अनँयगरीग बेटातते अबू सुदाय बड़राकिया। आँयगरीग बेटात जमा जिया-जइतकूनरीग इताडदार हवे अरू हाँय अते जमा राइजबड़ी भगवान तुलाकेरा।

इबरानी 2:10

जनामा भगवानराः हवे अरू जनामा हनाँय हमा तुलाकेरा। दो सडावराः रेःएयीग इदानिया हाँयग ईसू, कटसिया सहाव पारकेडखन उडु-बुडूत बड़ाँवगे लगा भगवानके नपाय लगावनेना, जेमहा हाँय मुरुक होड़कूय एचे मान मरजइतकू।

1 पतरस 3:22

दो ईसू मसी सेरमो देस अगी तोराया अरू नुँहू हाँय भगवानराः खउना तिःई गतररेय दुड़ुःकिया। सेरमो देसरिकुःआ बराहीलकू अरू जमा हातपातदारकू अरू अबू मेरबू ञेल अवेकूता हँकुःआ जंगरदार भूतकू, हँकू जमाकू हाँयराः आड़रेकू सलाःतना।