मूक चेलाकू 9:11 - Korwa Bible

¹¹ दो परबू हाँय एचेरेय कतातेड, “रिमुःमे अरू सोएग ञावराः गलीरेम सेन। हंडा तरसूस सहररीग साहूल बदीरेम होंबरे। हाँय ईंग एचेरेय अरजीतना।

मूक चेलाकू 9:11 Σταυροειδείς Αναφορές

एहुना 4:10

हनते ईसू कतातेड, “भगवान एमेयता हना बदीरे अरू आम एचेरे दाः ञूय लगाय असेयतना हाँयग होड़ बदीरेम सुदीकेः दो, आम ईंग एचेरेम असेकेःआ अरू आम लगा जीवराः दाःयिंग एमेवाकेमेःआ।”

मूक चेलाकू 11:13

हाँय अलेय उदुःवाःआ, ईंग ओड़ाःरे मी होड़ सेरमो देसरीग बराहील चड़ाँतिंग ञेलतिरिया। अरू हाँय ईंग एचेरेय कताया, जोपा सहर अगी होड़कू वारकेडखन पतरस माःआनकू कतावायता हाँयग सिमोनमे एचे राः अगू, माःआन।

मूक चेलाकू 11:25

हना तयोमरे हाँय साहूल ञाम लगा तरसूस सहर अगी तोराय।

मूक चेलाकू 2:21

परबूराः ञाव गोःकेडखनकू रगेयता, हँकुःआ जनामा होड़कू सडाव जुवाःताकू।

मूक चेलाकू 21:39

दो पउलूस कतातेरा, “ईंग ना लवे। ईंग किलिकिया छतरराः मीटोंग मइद सहर तरसूस सहररीग मी होड़ एहूदा होड़ हवे। दो ईंग आम एचेरेयिंग असेयतना, नँकुःआ होड़कू एचेरे मीटोंग कता कता लगा ओवायिंगमे।”

मूक चेलाकू 22:3

हनते पउलूस कताया, “ईंग किलिकिया देसराः तरसूस सहररीग एहूदा होड़ हवे। मनदो ईंगराः पला दरी ननानाः सहररे होयानेना। अबू खुटिपरिया होड़कूराः नियम बदीरे ईंग गमालिएल एचेरेयिंग चिडुःआ। अपे भगवान जमालेःआ मान मरजइतगेय लगा सपड़ावतो इदानपेःआ, हना इया ईंग होयिंग दोहोना।

मूक चेलाकू 8:22

नाःआ इया बेलूराः ओंगोलकून अते जीवमे कुदा अगू अरू परबू एचेरेम अरजी। होनायाःकून करे आमराः कसूर ओंगोलकून हाँय बराव एंडागोडता।

मूक चेलाकू 8:26

मी दिन परबू भगवानरीग बराहील पिलिप एचेरेय कतातेरा, “सपड़ाःमे अरू एरुसलेम अते गासा सहर वरी सेनता हना दूरते दखिन अगीम सेन।”

मूक चेलाकू 9:30

बिसवासी होड़कू नाःआ कताकू सुदीतेरा दो हँकू हाँय कइसरिया सहर अगीकू गोःयातिरिया अरू हंडा अते अनँयग सहर तरसूस अगी जहाजरेकू वारगोतेडीग।