मूक चेलाकू 7:8 - Korwa Bible

⁸ हनते खतना बदीरे भगवान इबराहीम सुदाय कता-जमकावतेरा। दो इबराहीमरीग बेटात इसहाक जनमावनेना हना आठ दिन तयोमरे इबराहीम हाँये खतनातेरा। हनन इया हना तयोमरे इसहाक एकूबरीग अपाते बड़ाँवनेना अरू एकूबरिकुःआ बारहगोटोंग बेटाकू होयानेना। हँकू अबूराः बारहगोटोंग गोतोररिकुःआ अआपकू दोहोना।

मूक चेलाकू 7:8 Σταυροειδείς Αναφορές

मती ओजाःतेरा भगवानराः नपाय सरवन 1:2

इबराहीम, इसहाकरीग अपाते दोहोना, इसहाक, एकूबरीग अपाते दोहोना, एकूब, एहूदा अरू आँयग वपक बोपोहकूतेनरीग अपाते दोहोना,

एहुना 7:22

मोसेस अपे एहूदाकू अपेरिकुःआ बेटाकू आठ नमार दिनरे खतनाकू लगाय हुकुमवाडपेःआ। नाःआ नियम मोसेस अपे लगा मेरेय एमेगरा। मनदो हाँय अते मड़ंग अबूरिकुःआ खुटिपरिया होड़कू एचे अगूकेरा। हनालगा अपे लोड़ोनराः दिनरे हों अपेरिकुःआ बेटाकूपे खतनाता।

मूक चेलाकू 2:29

ईंग अजी बोपोहकूतिंग, अपे एचेरे सुदीबाःगे घड़ीनिंग कतायतना, अबूरीग खुटिपरिया होड़ दाऊद राजा गोएगनेना अरू हाँयकू तीलतेरा। अरू हाँयराः मड़गट नाःआ जूग वरी हों अबू तलारे इदा।

रूमी 4:10

दो नाँय बेगर गारबारीग होड़ तुमिसे बड़ाँवनेना, खतनानेनाय हनाते मड़ंग जा तयोमरे? हाँय खतनानेना हनाते मनाड़ंग बेगर गारबारीग होड़े बड़ाँवनेना।

गलातिया 3:15

ने अजी बोपोहकूतिंग, सगर दिनाः कताकून अते मीटोंग कतायिंग कतायता। होड़कूराः कता-जमकावतो तोनोंगीग मेरकू टड़ावगेता अरू मेरकू बदलायता।

गलातिया 3:17

भगवान इबराहीम एचेरेय कता-जमकावतेरा, हना जबान चइर सव तीस बरिस तयोमराः तुलात नियमकूनते मेर टगावगुःता सहे मेर बदलाव अवेयता।

इबरानी 7:4

अबूरीग खुटिपरिया होड़ इबराहीम हों लड़ाइते जितावनेनखन लुड़ी अगूत आन-धान अते दस बंटा अते मी बंटा मलकिसिदिके एमेवातेरा। दो हाँयग मलकिसिदिक तुमिन मरंगे दोहोना हना अपे ओंगोलगेपे।