मूक चेलाकू 7:52 - Korwa Bible

⁵² अपेरिकुःआ खुटिपरिया होड़कू भगवानराः बड़रा कता होड़कू जमाकूकू संतावतेरा। अपेरिकुःआ खुटिपरिया होड़कू बेगर गारबार होड़राः बदीरे मड़ंगरेकू कतातेरा हँकुःआ होड़कू होंकू ञेड गोएग एंडातेडकुःआ। अरू नुँहू अपे ईसू चुबिलीतेडखनपे एचे ञेडतिरिया।

मूक चेलाकू 7:52 Σταυροειδείς Αναφορές

मती ओजाःतेरा भगवानराः नपाय सरवन 5:12

मड़ंगरेकू दोहोना हँकुःआ भगवानराः बड़रा कता होड़कू हों एटाः होड़कू ननानाः इयाकू संतावतेडकुःआ। सेरमो देसरे अपे लगा भगवान इमाने एमेता। हनालगा अपे बनाहालतेपे दोहोन।”

लूका 6:23

हँकूरिकुःआ खुटिपरिया होड़कू हों हनन इया भगवानराः बड़रा कता होड़कू होंकू संतावतेडकुःआ। अपे लगा सेरमो देसरे मरंग इमान भगवान एमेयता। हनालगा संतावराः दिनरे अपे बहालतेपे सून।

एहुना 16:10

ईंग अपांग एचेरेयिंग सलाःता अरू हनाते अपे ओरोपे ञेल अवेतिरिंगा। हनालगा बेगर गारबारतेःआ जीव जियाः बदीरे सुद बिरुवा उदुःवाकूता।

मूक चेलाकू 2:23

भगवान मड़ंगरेय ओंगोल दोहोतेरा हना ओंगोल अरू बुइद इया नाँयग होड़ अपे एचेरेय जिमातिरिया अरू बेगर एहूदाकूराः संघराते अपे हाँय कुरूसरेपे ठोंकाव गोएग एंडागोतेडीग।

मूक चेलाकू 22:14

हनते हनानियाह ईंग एचेरे अरूय कतातेड, अबूरिकुःआ खुटिपरिया होड़कूरीग भगवान आँयगराः ओंगोलमे सुदी लगा अरू आँयगरीग सुद होड़मे ञेल लगा अरू हाँयराः आहते आँयगराः बड़राम अयूम लगा आमे सुनावकेडमेःआ।

मूक चेलाकू 3:18

मनदो भगवानराः बड़रा कता होड़कू, मड़ंगरे ईसू बदीरेकू कतातेरा, मसी मुरुक कटसियाय सहावता, माःआन अरू हना जमा कताकून भगवान नाःआ इयाय पुरावकेरा।

मूक चेलाकू 3:24

सनातायरे भगवानराः बड़रा कता होड़ समुएलराः परिया जूग वरीतेकुःआ भगवानराः बड़रा कता होड़कू जमाकू हों नाःआ बेलाराः बदीरेकू कता उदुःगेःआ।

मूक चेलाकू 4:10

दो अपे अरू जमा इसराएलरिकुःआ होड़कू नाःआ कतापे सुदीगे लगा इदा। अपे कुरूसरेपे ठोंकाव गोएगतिरिया अरू भगवान गोएगतो होड़कू अतेय जियाव रेमकिरिया हाँयग नसरतरीग ईसू मसीराः ञावते अपे मड़ंगरे चड़ाँत इदानिया नाँयग होड़ नपाययनाय।

1 तिसलूनिका 2:15

हँननकुःआ एहूदाकू भगवानरिकुःआ बड़रा कता होड़कू अरू परबू ईसू मसीकू ञेड एंडातेरा। अरू हँनकुःआ होड़कू अले होंकू एचे ञीरगोतेडले। अरू हँननकुःआ एहूदाकू जमा होड़कूकू घंटावता अरू भगवान हँकू सुदा बहाल कोवाया।

2 तिमुतियूस 3:4

हँकू अडिग होड़कू अरू बेगर बुइदतेकुःआ होड़कू होया जुवाःता अरू बड़वारगुः होड़कू अरू भगवान एचेरे बहालगुः अते अँननकू बहालगुः लगाकू ओंगोल ञवनता।

1 पतरस 1:11

मसीराः सुद बिरुवाते हँकुःआ होड़कू, मसी करा उड़ी कटसियाय सहावता अरू हना तयोमरे भगवान हाँय करा उड़ीय मान मरजइतगेयता, हना बदीरे मड़ंगरेकू कता उदुःतेरा। हनालगा भगवानराः बड़रा कता होड़कू, नाःआ जमाकून करा इया होयाःता अरू तुमिस होयाःता, हना सुदीगे लगा मुरुककू कुरनिस सोतेडा।

1 एहुना 2:1

ने ईंगरिकुःआ लइंकू इया होड़कू, अपे अहापे कसूरगे लगा ईंग नाःआ कता अपे लगा ईंग ओजाःगेतानिंग। मनदो तोनोंगीग होड़ कसूरगे दो, बेगर गारबारीग ईसू मसी अबूराः कसूर बराव एंडागे लगा उकील इया अपात भगवान एचेरे इदानिया।

उदुःतो कताकून 19:10

हनते ईंग हाँय जाग लगा हाँयराः काट कुटीरेयिंग तबेरनेना। मनदो हाँय ईंग एचेरेय कतातेड, “नाःआ इया अलोम एचेय। आम अरू एटाः बिसवासी होड़कू इया, ईंग हों ईसूरीग सेवकिया हवे। आम इया ईंग हों ईसूराः हिदइतिंग उदुःता। अरू भगवानराः बड़रा कता होड़कू हों ईसूराः हिदइतकू उदुःता। हनालगा भनगवानमे जाग।”

उदुःतो कताकून 3:7

पिलादिलपिया सहरराः कलसियारीग बराहील लगा नाःआ चिठीम ओजाः, सुद अरू सताय इदानीग, अरू दाऊद राजाराः चाभी अनँयग तिःईरेय साबकातायीग कतायतना। हाँय हना चाभीतेय गीगगेता हना दुवार तोनोंगीग ओरोकू सींग अवेतेरा। अरू हाँय सींगगे हन दुवार तोनोंगीग ओरोकू गीग अवेतेरा। दो हाँय नाःआ इयाय कतायता,