मूक चेलाकू 7:32 - Korwa Bible

³² ईंग आमरिकुःआ खुटिपरिया होड़कूरीग भगवान हवे; इबराहीमरीग, इसहाकरीग अरू एकूबरीग भगवान। दो मोसेस बोतोरतेय कलपाःआ अरू हाँय हना अगी ञेल लगा मेरेय डीड़ अवेगाड।

मूक चेलाकू 7:32 Σταυροειδείς Αναφορές

मती ओजाःतेरा भगवानराः नपाय सरवन 17:6

नाःआ कता अयूमतेडखन चेलाकूतेन मुरुककू बोरोयान अरूकू लेबदायान।

मती ओजाःतेरा भगवानराः नपाय सरवन 22:32

ईंग इबराहीमरीग भगवान अरू इसहाकरीग भगवान अरू एकूबरीग भगवान हवे, माःआन। हाँय गोएगतो होड़कूरीग भगवान ना लवे। मनदो जीयत होड़कूरीग भगवान हवे।”

मती ओजाःतेरा भगवानराः नपाय सरवन 22:46

ईसू नाःआ इयाय कतातेड हना तयोमते तोनोंगीग मेरकू कता कुदा अवेगाड। अरू हना दिन वरीते तोनोंगीग हाँय एचेरे अरू सवालकून होंबोरगे लगा मेरकू डीड़गेःआ।

लूका 5:8

नाःआ ञेलतेडखन सिमोन पतरस ईसू मड़ंगरे उकुड़ोमवाडखने कतातेड, “ने परबू। ईंग कसूर होड़ हवे। ईंग अते सलाव जुवाःमे।”

मूक चेलाकू 3:13

इबराहीमरीग भगवान अरू इसहाकरीग भगवान अरू एकूबरीग भगवान अरू अबूरिकुःआ जमा खुटिपरिया होड़कूरीग भगवान, आँयग सेवकिया ईसूय मान मरजइतकेरा। अपे इसराएल होड़कू ईसू ञेड एंडागेय लगा रूमी देसरीग मरंग हातपात होड़ पिलातूस एचेरेपे जिमातिरिया अरू हाँय ईसूय एचे अड़ाःगेय लगाय ओंगोलतेरा, मनदो अपे हाँय मड़ंगरे ईसूपे आड-बेकारवातिरिया।

मूक चेलाकू 7:31

हाँय नाःआ इयाय ञेलतेड दो हाँय बयावयाने। हाँय नपायतेय ञेल लगा हंडाय सेनेडा दो हाँय परबूराः बड़राय अयूमतेरा,

इबरानी 11:16

मनदो हँकूराः जीव हना अते हों मुरुक नाय नपाय देस, मने, सेरमो देस लगा टक-टक दोहोना। हनालगा भगवान हँकुःआ होड़कूरीग भगवान हवे माःआन एचे कतान लगा मेरेय गियुःता। अरू भगवान हँकू लगा मीटोंग सहरे संजोड़ दोहोकेरा।

उदुःतो कताकून 1:17

ईंग हाँयिंग ञेलतेड दो, हाँय काट कुटीरे गोएगतो इयायिंग लेबदायान। मनदो हाँय आँयगराः खउना तिःई ईंग बोःरेय खेपातेडखने कतातेरा, “अलोम बोर। मनाड़ंगते इदानिंगा अरू टुटीग वरीयिंग दोनोहोनता। ईंग जिनियत इदानिंगा।