मूक चेलाकू 6:4 - Korwa Bible

⁴ मनदो अले अरजी लगा अरू भगवानराः सरवन होड़कूले चेड लगा लगलेले दोहोनता।”

मूक चेलाकू 6:4 Σταυροειδείς Αναφορές

लूका 1:23

जकरिया भगवान ओड़ाःराः सेवा चबातेडखन आँयग ओड़ाः तोराय।

मूक चेलाकू 1:14

हँकुःआ होड़कू ईसूरीग एंगात मरियम अरू आँयग बोपोहकू अरू एटाः बिसवासी अइमीकू सुदा घड़ी घड़ी मिनी जीवकियानखन अरजीगोड ञवना।

मूक चेलाकू 2:42

दो बिसवासी होड़कू मूक चेलाकूराः चेड मिनी जीवतेकू मनावनेना अरू एटाः बिसवासी होड़कू सुदा संगइतीरेकू दुड़ुःआ। हँकू रुटीकू डुंडीगा अरू मिनीरे जुमावनेनखनकू अरजीःआ।

रूमी 1:9

जमा बेला अपे उहियारकेडपेखनिंग अरजीगोड ञवनतना माःआन भनगवान हमा ईंगरीग हिदइतदार हवे। अरू हनाँयग भगवानरीग बेटात ईसू मसीराः नपाय सरवन परसार घड़ीन मिनी जीवतेयिंग सेवायतना।

1 कुरिंती 9:16

ईंग नपाय सरवनिंग परसारतान दो नाःआ बदीरे बड़वार लगा ईंग एचेरे तोनोंगाः दूर कोवानेःआ। पपरसार लगा इनिंगके गरज इदा। अरू ईंग मेरिंग परसारगेतान दो ईंग जीव ठीक जुवाःता।

पिलिपी 1:4

भगवानराः नपाय सरवनपे अयूमतेरा, हना दिन वरी हना नपाय सरवन होड़कू एचेरे कता उदुःवाकू लगा ईंगपे सेवा देंगवातेरा।

कुलूसी 2:1

ईंग अपे लगा, अरू लउदिकियारे इदानकुःआ हँकुःआ होड़कू लगा मुरुकिंग मिहिनइतगेतना। अरू ईंग सुदा नुँहू वरी मेरकू जुमावगना, हँकुःआ होड़कू लगा हों ईंग मुरुकिंग मिहिनइतगेतना। नाःआ कता अपे सुदीगे लगा ईंग चहाःतना।

कुलूसी 4:12

इपापरास, अपे अते मी होड़ इदानिया अरू हाँय ईसू मसीरीग सेवकिया हवे। हाँय अपेय सलामतना। अरू हाँय, अपे भगवानराः ओंगोल इया, अपेराः बिसवास जमालेःआ बड़ियाड़ जुवाः लगा, मुरुक मिहनइततेय अरजीगोड ञवनतना।

कुलूसी 4:17

अरू अरकिपूस एचेरेपे कताय, “परबू आमे जिमावारा, हना सेवा एचे पुरावगे लगाम ओंगोल दोहोबाःका।”

2 तिमुतियूस 4:2

भगवानराः सरवनमे परसार। अरू सगर बेला परसारगे लगा सपड़ावतोम दोहोन। मुरुक सहाव घड़ीन होड़कूम मंदरावकू अरूम डंटावकू अरूम कता बहालवाकू अरू भगवानराः सरवन नपायतेम चेडकू।