मूक चेलाकू 5:34 - Korwa Bible

³⁴ मनदो गमालिएल ञावीग मी होड़ फरीसी होड़ दोहोना। हाँय नियम चेडदार होड़े दोहोना अरू जमा होड़कू तलारे हाँय मान मरजइतगेयीग होड़े दोहोना। हाँय हना मरंग पंचाइतरे चड़ाँकियानखन हँकुःआ मूक चेलाकू बहरी एचे उडुंगकू लगाय हुकुमतेरा।

मूक चेलाकू 5:34 Σταυροειδείς Αναφορές

लूका 2:46

पेय दिन तयोमरे हँकिन भगवान ओड़ाःरे ईसू नियम चेडदार होड़कू सुदा दुड़ुःतोकिन ञेलतिरिया। ईसू नियम चेडदार होड़कूराः बड़राय अयूमा अरू हँकू एचेरे सवालकूने होंबोरा।

लूका 5:17

मी दिन ईसू मीटोंग ओड़ाः पेंदारेय चेचेडा। दो एरुसलेम सहर अते, गलील छतर अरू एहूदिया राइजराः जमा गाँव अते फरीसी होड़कू अरू नियम चेडदार होड़कू हों हना ओड़ाःरेकू दुड़ुःकुःआ। हनमेला होड़कू नपायकू लगा भगवानराः जंगर ईसू एचेरे दोहोना।

एहुना 3:10

नाःआ अयूमतेडखन ईसू हाँय एचेरेय कताया, “आम इसराएल होड़कूरीग चेडदार होड़ हवे। हनते हों आम नाःआ कताकून मेरेम बुझाःतना जा?

मूक चेलाकू 22:3

हनते पउलूस कताया, “ईंग किलिकिया देसराः तरसूस सहररीग एहूदा होड़ हवे। मनदो ईंगराः पला दरी ननानाः सहररे होयानेना। अबू खुटिपरिया होड़कूराः नियम बदीरे ईंग गमालिएल एचेरेयिंग चिडुःआ। अपे भगवान जमालेःआ मान मरजइतगेय लगा सपड़ावतो इदानपेःआ, हना इया ईंग होयिंग दोहोना।

मूक चेलाकू 4:15

हनते हँकू हँकिन हंडा अतेकू एचे उडुंगतेडकिनखनकू होंबोर होड़ेंगा,

मूक चेलाकू 5:21

दो अंगुः निंदावा हँकू एचेरे सेरमो देसरीग बराहील कतातेरा हनन इया भगवान ओड़ाःराः राचरेकू बोलोनेना अरू होड़कू चेड लगाकू बुँहड़ीतेरा। हनमेला मूक पुजउरी अरू आँयगरिकुःआ होड़कू वेजेडा दो हँकू मरंग पंचाइतरे जमा इसराएलरिकुःआ मूक होड़कूकू एचे जुमाःतेरा अरू मूक चेलाकू जेहेल अतेकू एचे राःतेडकुःआ।

मूक चेलाकू 5:27

अरू हँकू मूक चेलाकू साब अगूतेडकूखन मरंग पंचाइतरेकू एचे चड़ाँतेडकुःआ।

मूक चेलाकू 5:35

हनते हाँय मरंग पंचाइतरिकुःआ होड़कू एचेरेय कतातेरा, “ने इसराएल होड़कू, नँकुःआ होड़कू तोनोंग इया करेगकू अते मड़ंग नपायतेपे ओंगोल बुझावा।