मूक चेलाकू 5:32 - Korwa Bible

³² नाःआ कताकूनराः हिदइतदार अले अरू भगवानकू मनावता हँकुःआ होड़कू लगा भगवान एमेयता हाँयग सुद बिरुवा हों इदा।”

मूक चेलाकू 5:32 Σταυροειδείς Αναφορές

एहुना 7:39

हाँय एचेरेकू बिसवासगेता हँकुःआ होड़कू लगा भगवान एमेयता हाँयग सुद बिरुवाराः बदीरेय कताया। हना बेला वरी भगवान अते ईसू मरंग मान मरजइत अरीने पवाः। हनालगा बिसवासतेराकू हँकुःआ होड़कू लगा सुद बिरुवा अरीने ओवाकुःआ।

मूक चेलाकू 1:8

मनदो सुद बिरुवा अपे एचेरेय वेगता अरू जंगरपे पवाःता। हनते अपे एरुसलेम सहररे, एहूदिया छतररे, समरिया राइजरे अरू चउंदीसराः जमा देसरे ईंगरिकुःआ हिदइतदारकूपे बड़ाँःता।”

मूक चेलाकू 10:44

दो पतरस पनरसारगे मेला, भगवानराः सरवनकू अअयूमा हँकुःआ जमा होड़कू सुद बिरुवातेकू पेरेगयान।

मूक चेलाकू 13:31

अरू हाँय सुदा गलील छतर अते, एरुसलेम सहर वरीकू वेजेडा हँकुःआ होड़कू एचेरेय, एचे ञेलयान। दो नुँहू हँकुःआ होड़कू, अबूरिकुःआ होड़कू एचेरे हाँयरिकुःआ हिदइतदार इदानकुःआ।

मूक चेलाकू 15:28

नाःआ कताकून अड़ाःकेडखन अपे एचेरे अरू तोनोंगाः बोझा अहा होयाः लगा भगवानराः सुद बिरुवा लगा अरू अले लगा हों नपाय लगावनेना।

मूक चेलाकू 2:32

भगवान ननाँय ईसू गोएगतो होड़कू अतेय जियाव रेमकिरिया अरू अले जमाकू नाःआ सताय कताराः हिदइतदारकू इदानलेःआ।

मूक चेलाकू 2:4

हँकुःआ जमा होड़कू भगवानराः सुद बिरुवातेकू पेरेगयान अरू एटाः एटाः भासीरेकू बड़राःआ।

मूक चेलाकू 5:29

दो पतरस अरू एटाः मूक चेलाकू कतातेरा, “अले होड़कूराः कता मनाः अते बगरा भगवानराः कता मनाः लगा इदा।

रूमी 8:16

अरू हनाँयग सुद बिरुवा अबूय एचे सुदीबूता, अबू भगवानरिकुःआ लइंकू हवे, माःआन।

2 कुरिंती 13:1

भगवानराः कागदरे ओजाःतो इदा, “बार होड़ सहे पेय होड़राः हिदइतते तोनोंगाः कता कता-जमकाव जुवाःता।” पेय पुरती अपे एचेरेयिंग सेनतना।

1 पतरस 1:12

हँकू अँननकूराः नफा लगा कोवान, मनदो नपाय सरवनकू अयुमेता हँकुःआ होड़कू लगाकू सेवाःआ, माःआन भगवान हँकूय एचे सुदीवातेडकुःआ। अरू नाःआ बेलारे, भगवान सेरमो देस अतेय वारकेरा हाँयग सुद बिरुवाराः जंगरते पपरसार होड़कू अपे एचेरे, सेरमो देसरिकुःआ बराहीलकू हों बुझाः लगाकू तरसाःतना, हना नपाय सरवनकू परसारकेरा।