मूक चेलाकू 5:12 - Korwa Bible

¹² ञेनेल ञेलरे होड़कू नपाय जुवाःता हना चिनहाकून अरू बयाव जुवाः इयाःआ बुताकून होड़कू तलारे मूक चेलाकू मुरुककू एचेया। अरू जमा बिसवासी होड़कू भगवानराः ओड़ाःराः राचरे सुलइमान ञावराः परछी पेंदारेकू जुमाव हड़ाःआ।

मूक चेलाकू 5:12 Σταυροειδείς Αναφορές

मरकूस 16:20

हनते चेलाकू जमा देसरे सेनेवाडखन नपाय सरवन होड़कूकू परसार उदुःवातेरा। परबू ईसू हँकू जमा एचेगे लगा डीड़े एमेवाकुःआ। अरू हँकू बयाव जुवाः इयाःआ बुताकूनकू एचेःआ अते परबूराः सरवन सताय हवे माःआने उदुःगेःआ। आमीन!]

एहुना 10:23

दो ईसू भगवानराः ओड़ाःराः राचरे सुलइमान ञावराः परछी पेंदारेय दँड़ाःआ।

एहुना 4:48

दो ईसू कतातेरा, “अपे बयाव जुवाः इयाःआ बुताकून अरू चिनहाकून मेरपे ञेल वरी अपे ओरोपे बिसवासतेरा।”

मूक चेलाकू 1:14

हँकुःआ होड़कू ईसूरीग एंगात मरियम अरू आँयग बोपोहकू अरू एटाः बिसवासी अइमीकू सुदा घड़ी घड़ी मिनी जीवकियानखन अरजीगोड ञवना।

मूक चेलाकू 14:3

मनदो पउलूस अरू बरनाबास हंडा मुरुक दिन वरीकिन दोहोना अरू मुरुक डीड़ते भगवानराः मयाराः सरवनकिन कता उदुःतेरा। ईसू हँकिन मुरुक बयाव जुवाः इयाःआ बुताकून एचे लगाय संघरावाकिना अरू हनाते होड़कू सुदीगोतेड, नाःआ सरवन दो सनाताय हवे माःआन।

मूक चेलाकू 16:18

नाःआ इया मुरुक दिन वरी होयानेना। दो मी दिन पउलूस मुरुके रीसनेन अरू हाँय उलटावनेनखन हाँयग भूत एचेरेय कताया, ईसू मसीराः ञावरे ईंग आम एचेरेयिंग कतायतना, नाँयग धंगड़ीतेम उडुंग जुवाः, माःआन। अरू हननमेला हाँय उडुंगनेना।

मूक चेलाकू 19:11

भगवान पउलूसते मुरुक बयाव जुवाः इयाःआ बुताकूने एचेःआ।

मूक चेलाकू 2:46

सगर दिन हँकू भगवानराः ओड़ाःरे संगइती लगा मिनीकियानखनकू जुमाःआ। हँकू ओड़ाःरे रुटीकू डुंडीगा अरू मिनी जीव अरू बहालतेकू जोम इदीया।

मूक चेलाकू 28:9

नाःआ इया होयानेन दो हना डुगुरिकुःआ एटाः एटाः हसूत होड़कू होंकू वेजेडा अरू हँकू जमाकू अँड़ेयान।

मूक चेलाकू 3:11

नपाययना हाँयग होड़ पतरस अरू एहुनाय साब हताड़ा दो जमा होड़कू बयाः घड़ीन हँकू एचेरे सुलइमान ञावराः परछीरे बतकाव घड़ीनकू सोदोरनेना।

मूक चेलाकू 4:30

आम अले जंगरमे ओवाले, जेमहा आमरीग सुद सेवादार ईसूराः ञावते होड़कूले नपाय अवे अरू ञेनेल ञेलरेकू नपाय जुवाःता हना बयाव जुवाःआ बुताकूनले एचे अवेय।”

मूक चेलाकू 9:33

हंडा मी होड़ होड़ दोहोना। हाँयराः ञाव दोहोना एनियास। हाँय आठ बरिस वरी खटीते रेमकियानखन मेरेय सेने अवेना।

मूक चेलाकू 9:40

दो पतरस जमाकू बाहरीय उडुंगगोतडकू। हनते हाँय उकुड़ोमनेनखन भगवान एचेरेय अरजीतेरा। हनते हाँय मुरदा अगी उलटावनेनखने कताया, “तबीता रिमुःमे!” दो हाँय चिड़गाड़याने अरू पतरस ञेलतेडखने दुड़ुःयान।

रूमी 15:19

ईंग बयाव जुवाः इयाःआ बुता अरू चिनहाकूनिंग एचेय लगा, हाँय सुद बिरुवाराः जंगरे एमेवारिंगा। नाःआ इया एरुसलेम सहर अते इलुरिकूम छतर वरी ईंग ईसू मसीराः नपाय सरवन मुरुक बगरा होड़कू एचेरेयिंग परसार उदुःकेरा।

2 कुरिंती 12:12

बयाव जुवाः इयाःआ बुताकून अरू चिनहाकून सहाव घड़ीन ईंग अपे तलारेयिंग एचे उदुःतेरा। हना अते अपे सुदीगोतेडपे जा, हाँय हों मी होड़ मूक चेला हवे, माःआन?

इबरानी 2:4

चिनहाकूनते अरू बयाव जुवाः इयाःआ बुताकूनते अरू एटाः एटाः इयाःआ ञेनेल ञेलरे नपाय जुवाःता हना बुताकूनते, अरू अनँयग हिछा इया होड़कूय हटिंगवातेरा हाँयग सुद बिरुवाराः दहिनकूनते भगवान, हाँयराः सरवन सताय हवे माःआन हिदइते उदुःबाःगोतेडा।