मूक चेलाकू 27:2 - Korwa Bible

² दो अले अदरमितियूम सहर अते वेजेडा मीटोंग जहाजरे देगनेनखन आसिया राइजराः सियाँ सरहद होरते समुंदररे सेन लगाले बुँहड़ीतेरा। अरू अले सुदा अरिसतरकूस होंय दोहोना। हाँय मकिदुनिया राइजराः तिसलूनिका सहररीग होड़े दोहोना।

मूक चेलाकू 27:2 Σταυροειδείς Αναφορές

लूका 8:22

मी दिन ईसू आँयग चेलाकू एचेरेय कताया, “दो अबू नाःआ हुडिंग समुंदर मार परोमबू सेने पारता।” हनते हँकू डोंगारे देगकियानखन मार परोम तोराकू।

मूक चेलाकू 16:17

हाँयग धंगड़ी पउलूस अरू एटाः एटाः होड़कू तयोम अगी वेगवाडखन खिररी घड़ीने कताया, नँकुःआ होड़कू भाबी भगवानरिकुःआ होड़कू हवे। होड़कू अँकूराः कसूर दूर अड़ाःकेडखन सडाव जुवाःराः दूरकू उदुःतना, माःआन।

मूक चेलाकू 17:1

हना तयोमरे पउलूस अरू सिलास अंपिपुलिस सहर अरू अपोलोनिया सहर पारनेनखन तिसलूनिका सहररेकिन सोदोरनेना। अरू हना सहररे एहूदाकूराः मीटोंग अरजी ओड़ाः दोहोना।

मूक चेलाकू 19:19

अरू मुरुक बगरा होड़कू जादू मंतरकू लगावा हँकुःआ होड़कू अँननकूराः धामराः सकलाकूनकू अगू जुमावतेरा अरू जमा होड़कू मड़ंगरेकू बाल लो एंडागोतेड। हना धामराः सकलाकूनराः किमइतकू जोड़ावतेरा दो पचास हजार चाँदीराः रिचकी ढिबुवा मिन दोहोना।

मूक चेलाकू 19:29

ओहेन हना सहररिकुःआ जमा होड़कू कड़ीग लगाकू रेमनेना। हँकू पउलूसरिकिनाः दूर सेन देंगवा होड़किन, मकिदुनिया राइजरिकिनाः होड़किन दोहोना हँकिनाः गायूस अरू अरिसतरकूस साबतेडखन मिनी जूदा मरंग अखरारेकू गिरहा बोलोयान।

मूक चेलाकू 2:9

अबू पारथी राइजरिकुःआ, अरू मेदी राइजरिकुःआ, अरू एलाम राइजरिकुःआ, अरू मेसोपोटोमिया राइजरिकुःआ, अरू एहूदिया छतररिकुःआ, अरू कपादूकिया राइजरिकुःआ, अरू पुंतूस राइजरिकुःआ अरू आसिया राइजरिकुःआ,

मूक चेलाकू 21:5

मनदो अले सेनराः बेला होयानेन दो अले हंडातेले सेनेडा। जमा चेलाकू अरू अँकूरिकुःआ एपेराकू अरू लइंकू सहरराः बहरी वरी अले सुदाकू वेजेडा। अरू समुंदर धरीरे उकुड़ोमनेनखनले अरजीतेरा।

मूक चेलाकू 28:10

हँकुःआ होड़कू अले मुरुककू मान मरजइततेडलेःआ अरू अले पेय महिना तयोमरे सेन लगाले सपड़ावनेन दो अले लगा हुडिंग बगरा दोहोना हना जिनिसकून जहाजरेकू देगगोतेड।

मूक चेलाकू 28:12

हंडातेले सेनेडखन सिसिली डुगुराः सुरकूसा सहररे पेय दिन रोंकावतोले दोहोना।

मूक चेलाकू 28:16

अले रूमी सहररेले सोदोरनेन दो हातपात होड़कू पउलूस एकला मीटोंग ओड़ाःरे दोहोन लगाकू ओवातिरिया, मनदो हाँय सुदा हाँये अगुराःआ हाँयग मी होड़ सइना होड़ होंय दोहोना।

मूक चेलाकू 28:2

हंडाकुःआ होड़कू अले सुदा अले मेरले ओंगोलगाड हना इया नपायतेकू मयावातेडलेःआ। हनमेला मुरुक ररंग दोहोना अरू दाः उयुःआ। हनालगा हँकू सेंगेलकू जगारतेडखन अले जमाकूकू नेत-नेवारतेरा।

कुलूसी 4:10

परसार बदीरे ईंग सुदा जेहेलरे इदानिया, हाँयग अरिसतरकूस अपेय सलामतना। अरू बरनाबासरीग नसी-नता बोहोत मरकूस अपेय सलामतना। अपे मनाड़ंगगिंग उदुःवाडपेःआ मरकूस लगा करा इया अपेके एएचे इदा। हाँय वेग दो अपे हाँय नपायतेपे नेत-नेवारगेय।

पिलेमोन 1:24

ईंगरिकुःआ सेवा देंगवा होड़कू मरकूस, अरिसतरकूस, देमास अरू लूका आमकू सलामतना।