मूक चेलाकू 27:1 - Korwa Bible

¹ अले जहाजते इटली देस सेन लगा पिसतूस ओंगोल दोहोतेरा, दो पउलूस अरू एटाः तोलतो होड़कू अगुसतूस ञावराः सइना होड़कूराः गउदारीग हातपात होड़ उलियूस एचेरेकू जिमागोतेडकू।

मूक चेलाकू 27:1 Σταυροειδείς Αναφορές

मती ओजाःतेरा भगवानराः नपाय सरवन 27:54

मी सव सइना होड़कूरीग हातपात होड़ अरू ईसूकू अगुरातेरा हँकुःआ होड़कू ओत डोलोवतो अरू नाःआ जमाकून ञेलतेडखन मुनुरुककू बोरोयान अरूकू कतातेड, “सतायरे नाँय भगवानरीग बेटात दोहोना।”

लूका 23:47

मी सव सइनाकूरीग हातपात होड़ हंडाय दोहोना। हाँय हंडा होयानेना हना जमा ञेलतेडखन भगवाने जागतेरा अरू ईसू बदीरेय कताया, “सनातायरे नाँयग होड़ बेगर कसूर होड़े दोहोना।”

लूका 7:2

दो हंडा रूमी देसरीग मी सव सइनाकूरीग हातपात होड़ दोहोना। हाँयरीग मी होड़ बेगारी होड़ दोहोना अरू हाँय मुरुके मंजूरवाया। हाँय मुरुक बेमारीते गुजुः इयाय दोहोना।

मूक चेलाकू 10:1

कइसरिया सहररे मी होड़ बेगर एहूदा होड़ दोहोना। हाँयराः ञाव दोहोना कुरनेलियूस। हाँय रूमी देसराः मी सव सइना होड़कूराः इतालिका ञावराः गउदारीग हातपात होड़े दोहोना।

मूक चेलाकू 10:22

दो हँकू कताया, “कुरनेलियूस ञावीग रूमी देसराः सइना होड़कूरीग हातपात होड़ अले आम एचेरेय वारकेडलेःआ। हाँय भगवाने बोरोवाता अरू हाँयराः कताय मनाःता। एहूदाकू हाँय नपायतेकू मान मरजइतगेयता। आँयग ओड़ाःरे आम राःमे लगा अरू आम कतायता हना जमा कताकून मनावगे लगा हाँय एचेरे भगवानरीग सुद बराहील कतातेरा।”

मूक चेलाकू 16:10

पउलूस नाःआ दरसन ञेलतेडखन तयोमरेय सुदीगोतेड, मकिदुनिया देसरिकुःआ होड़कू एचेरे भगवानराः नपाय सरवन कता उदुः लगा भगवान अलेय राःतना, माःआन। अरू ओहेन मकिदुनिया देस सेन लगाले सपड़ावनेना।

मूक चेलाकू 18:2

दो हाँय हंडा पुंतूस छतररीग अकिला ञावीग एहूदा होड़ सुदाय जुमावनेना। हाँय आँयग अइमी पिरिसकी सुदा इटली देसराः रूमी सहर अतेय वेजेडा। कइसर मरंग राजा कलाउदियूस जमा एहूदाकू रूमी सहर अड़ाःकेडखन ञीर लगाय कतावातेडकुःआ। हनालगा हँकिन रूमी सहर अड़ाःतेडखन कुरिंती सहररेकिन सेनेडा।

मूक चेलाकू 19:21

नाःआ जमाकून होयानेन तयोमरे पउलूस मकिदुनिया राइज अरू अकाया छतर पारनेनखन एरुसलेम सेन लगाय ओंगोल रायनेना। हाँय कताया, “हंडा सेनेकियानखन ईंगके रूमी सहर हों सेन लगा इदा।”

मूक चेलाकू 21:32

दो हाँय अदोम हातपात होड़कू अरू सइना होड़कूय गोःयाड अरू होड़कू तलारेकू सेनेडा। हँकुःआ होड़कू हाँयग मरंग हातपात होड़ अरू सइना होड़कूकू ञेलतेड दो पउलूस ञेडेय लगाकू बाइगोतेड।

मूक चेलाकू 22:26

दो हाँयग मी सव सइनाकूरीग हातपात होड़ नाःआ कताय अयूमतेरा दो हाँय मरंग हातपात होड़ एचेरे सेनेडखने कताया, “आम चिलाम एचेयतना? नाँयग होड़ रूमी देसरीग थनहिया होड़ हवे।”

मूक चेलाकू 23:11

एटाः रइत परबू ईसू पउलूस एचेरे चड़ाँनेनखने कताया, “ने पउलूस, ड़ीड़तेम दोहोन! आम एरुसलेमरे ईंगरीग हिदइतदारमे बड़ाँवनेना हनन इया आम रूमी सहररे हों ईंगरीग हिदइतदारमे दोहोनता।”

मूक चेलाकू 23:17

हनते पउलूस मी सव सइनाकूरीग हातपात होड़ राःकेडखन हाँय एचेरेय कताया, “नाँयग डिंघा होड़ मरंग हातपात होड़ एचेरेम गोःयाडीग। नाँयके हाँय एचेरे तोनोंगाः ककता लगा इदा।”

मूक चेलाकू 24:23

हनते हाँय मी सव सइनाकूरीग हातपात होड़ एचेरे पउलूस अगुरागेय लगाय हुकुमवातेरिया। मनदो हाँयरिकुःआ सउंगताकू हाँय संघरावाय अते मेरेय रोंकावगाडकू लगा अरू हुडिंग हुडिंग दँड़ा-पटे ओवाय लगा होंय हुकुमवातेरिया।

मूक चेलाकू 25:12

हनते पिसतूस आँयगरिकुःआ सलाहदार होड़कू सुदा सलाहनेनखन पउलूसे कतातेरा, “आम कइसर मरंग राजा एचेरे फड़ियावमे लगाम असेकेरा। हनालगा ईंग आम हाँय एचेरे रूमी सहरिंग वारमेता।”

मूक चेलाकू 25:25

मनदो ईंग सुदीगोतेडा, नाँय हना इया तोनोंगाः गारबार मेरेय एचेगरा। अरू हाँय अनँयग आँयगते कइसर मरंग राजा एचेरे एचे फड़ियावगुः लगाय असेतेरा। दो हाँय मरंग राजा एचेरे वारगेय लगायिंग ओंगोलतेरा।

मूक चेलाकू 27:11

मनदो सइनाकूरीग हातपात होड़ पउलूसराः कता अयुमे अते हना जहाजरीग मालिक अरू सलावदार, हँकिन बना होड़राः कताय मनेवातेरा।

मूक चेलाकू 27:43

मनदो सइना होड़कूरीग हातपात होड़ पउलूस बनसावगे लगाय चहाःआ। हनालगा हाँय हँकूय रोंकावगोतेड अरू नाःआ इयाय कतातेरा, “पउराव अवेनतकू, हँकुःआ होड़कू मड़ंग दाःरे डेगा लोजोरकियानखन धरीरेपे पार जुवाः।

मूक चेलाकू 27:6

दो हंडा सिकंदिरिया सहरराः मीटोंग जहाज इटली देस अगी सेना हना जहाजरे, हाँयग सइनाकूरीग हातपात होड़ अलेय एचे देगतेरा।

मूक चेलाकू 28:1

दो अले बनसाव उडुंगनेनखनले सुदीतेरा हना डुगुराः ञाव मलटा हवे माःआन।

मूक चेलाकू 28:16

अले रूमी सहररेले सोदोरनेन दो हातपात होड़कू पउलूस एकला मीटोंग ओड़ाःरे दोहोन लगाकू ओवातिरिया, मनदो हाँय सुदा हाँये अगुराःआ हाँयग मी होड़ सइना होड़ होंय दोहोना।

इबरानी 13:24

अपेरिकुःआ जमा मूक होड़कू अरू जमा सुद होड़कू ईंग अगीते मसी सलाम। इतालीया देसरिकुःआ बिसवासी होड़कू अपेकू मसी सलामतना।