मूक चेलाकू 26:3 - Korwa Bible

³ अरू आम एहूदाकूराः रिती-बिधीकून अरू हँकूराः अड़ा-चउकीकून नपायतेम सुदीयतना। हनालगा ईंग असेगेता, ईंगराः कता तिंगीड घड़ीनमे अयूमवा।

मूक चेलाकू 26:3 Σταυροειδείς Αναφορές

मूक चेलाकू 21:21

मनदो आम बदीरे हँकुःआ एहूदाकू एचेरे तोनोंगीग लालिसकेडखने कताया, हाँय बेगर एहूदाकू तलारेय दोहोनता अरू हँकुःआ एहूदाकू अँकूरिकुःआ लइंकू खतनाकू लगा कोवानेःआ अरू मोसेसराः नियम इया तोनोंगाः रिती-बिधी एचेय लगा कोवानेःआ माःआने चेड उदुःवालेतना।

मूक चेलाकू 24:10

दो मरंग हातपात होड़ पउलूस उदुःगे लगाय अकियावतिरिया दो पउलूस कतातेरा, “ने साहेब, ईंग सुदीयतना आम मुरुक बरिस वरीते अले एहूदाकूरीग फड़ियावदार इदानमेःआ। हनालगा ईंग कता कुदागे लगा बहालरे इदानिंगा।

मूक चेलाकू 24:4

नननलगा आम अरू हलकइनमे लगा मेरले चहाःतना अरू ईंग आम एचेरेयिंग असेयता, मयावाडमेखन ईंगराः कता गुनमिन अयूमयामे।

मूक चेलाकू 25:26

मनदो नाँय बदीरे कइसर मरंग राजा एचेरे तोनोंग इयाःआ ओजाःगे लगा ईंग एचेरे कोवानेःआ। हनालगा अपे जमाकू मड़ंगरे बिसेक, ने अगरिपा राजा, अनम मड़ंगरे नाँय ईंग अगूकिरिया, जेमहा आम जासकिरिगखन नाँय बदीरे कहिसाः ईंग ओजाःगे लगायिंग पवाः।

मूक चेलाकू 26:2

“ने अगरिपा राजा, एहूदाकू ईंग बदीरे जेमिन जाः बड़राकू कतायतना, हना तिसिंग आम मड़ंगरे हँकू कतावा लगा ईंग जीवरे नपाय माःआनिंग ओंगलुःतना,

मूक चेलाकू 26:26

ईंग राजा मड़ंगरे बेगर बोरतिंग कतायता, हना कता हाँय होंय सुदीयता। अरू नाःआ कताकून जमाकू मड़ंगरे होयानेना अरू ईंग बिसवासगेतना हना तोनोंगाः कता हाँय अते ओकोत कोवानेःआ।

मूक चेलाकू 26:7

अलेराः बारहगोटोंग गोतोरिकुःआ होड़कू नाःआ जबान होनोयाः लगा जमा इंदरीते दिन रइत भगवान सेवा घड़ीनकू असरागोड ञवनतना। ने राजा, ननानाः असरा बदीरे एहूदा मूक होड़कू ईंगकू जाःता।

मूक चेलाकू 28:17

पेय दिन तयोमरे पउलूस रूमी सहररिकुःआ एहूदाकूरिकुःआ मूक होड़कूय एचे राः जुमावतेडकुःआ। दो हँकू जुमावनेन दो हाँय हँकू एचेरेय कतातेरा, “ने वपक बोपोहकूतिंग, ईंग अबूरिकुःआ होड़कू बदीरे अरू अबूरिकुःआ खुटिपरिया होड़कूराः रिती-बिधी बदीरे तोनोंगाः गारबार मेरिंग एचेगरा। हनारे हों हँकू एरुसलेमरे ईंगकू साबतेडखन रूमी देसरिकुःआ होड़कू एचेरेकू जिमागोतेडिंगा।

मूक चेलाकू 6:14

नाँय नाःआ इया कततले अयूमकिरिया, नसरतरीग ईसू भगवानराः नाःआ ओड़ाःए रुबगोडता अरू मोसेस एमेकेरा हना नियम अरू रिती-बिधी अते एटाः इयाःआ नियम अरू रिती-बिधीय एमेवाबूता, माःआन।”

1 कुरिंती 13:2

ईंग भगवानराः बड़रायिंग कता अवे, अरू भगवानराः ओकोत कता अरू कनहून जमालेःआयिंग बुझाव अवेन, अरू पहाड़कून चलाः एंडागे इयाःआ बिसवास ईंग एचेरे इदान हों ईंग एटाः होड़कू मेरिंग दुलार दो, ईंग कही कोवायिंगा।