मूक चेलाकू 25:6 - Korwa Bible

⁶ हँकू सुदा एरुसलेमरे आठ दस दिन दोहोनेनखन हाँय कइसरिया अगी तोराय। अरू हंडा सोदोरनेनखन एटाः दिन कोट कछेरी ओड़ाःरे दुड़ुःकियाखन पउलूस अगूय लगा अगुरा होड़कूय हुकुमवातेरा।

मूक चेलाकू 25:6 Σταυροειδείς Αναφορές

मती ओजाःतेरा भगवानराः नपाय सरवन 27:19

पिलातूस गदीरे फड़ियावगे लगाय दुड़ुःआ हनमेला आँयगरीग अइमी हाँय एचेरे मीटोंग सरवने वारतेरा, “हाँयग सुधिया होड़राः जीवरे तोनोंगाः अलोम एचे। हाँय बदीरे ईंग मीटोंग सपनायिंग ञेलकेरा अरू हनाते नुँहू वरी ईंगराः जीव ओंगोल कुंभलाःतना।”

एहुना 19:13

नाःआ कता अयूमतेडखन पिलातूस ईसू बाहरीय अगूतिरिया। हंडा दिरि दूर ञावराः मीटोंग ततेर दोहोना, अरू इबरानी भासीरे गबबाता माःआनकू कतावाता। हंडा हाँय फड़ियावगे लगा गदीरेय दुड़ुःनेना।

मूक चेलाकू 25:1

कइसरियारे सोदोरनेनखन पेय दिन तयोमरे पिसतूस हंडा अते एरुसलेम अगी तोराय।

मूक चेलाकू 25:10

दो पउलूस कतातेरा, “ईंग रूमी देसराः कोट कछेरीरे चड़ाँत इदानिंगा। अरू ईंगराः फड़ियाव ननंडा होयाः लगा इदा। अरू ईंग एहूदाकू बदीरे तोनोंगाः गारबार मेरिंग एचेगरा। हना नपायतेम सुदीयतना।

मूक चेलाकू 25:17

हँकू ईंग सुदा नंडाकू वेजेडा दो हाँय फड़ियावगेय लगा मेरिंग कुबेरगाड। मनदो एटाः दिन फड़ियावगेय लगा गदीरेयिंग दुड़ुःनेना अरू हाँयग होड़ ईंग मड़ंगरे अगूगेय लगायिंग हुकुमतेरा।

मूक चेलाकू 25:4

मनदो पिसतूस कतातेरा, “पउलूस कइसरिया सहररे तोलतो इदानिया अरू ईंग हों हंडा सेन लगा इदा।

मूक चेलाकू 25:5

अपेरिकुःआ अदोम मूक होड़कू ईंग सुदा सेन लगापे वारगोडकू अरू हाँयग होड़ तोनोंगाः गारबारे एचेकेड दो हंडा हाँय बदीकेडखनपे कता उदुःगेय।”

मूक चेलाकू 8:40

मनदो भगवानराः सुद बिरुवा असदोद सहररे पिलिपे गोः सोदोरतिरिया अरू हाँय कइसरिया सहर अरीन सुदुरुः वरी जमा सहरकूनरे भगवानराः नपाय सरवन होड़कू एचेरे परसार उदुःवा घड़ीने सेना।

2 कुरिंती 5:10

अरू ईसू मसी अबू जमाकूय फड़ियावता। हना दिन अबू नाःआ देहरे दोहोन मेलाबू एचेकेरा हना नपाय सहे बेलूर बुताकूनराः इमान पवाः लगा हाँयराः गदी मड़ंगरे अबू जमाकू चड़ाँन पराःता।

एकूब 2:6

अपे गरीब होड़कूराः जीवपे एचे बेग-हताकेरा। मनदो गिरहत होड़कू ना लवे जा अपेकू सिकिसतापेता अरू कोट कछेरीरेकू गोः इदीपेता?