मूक चेलाकू 22:1 - Korwa Bible

¹ “ईंग वपक बोपोहकूतिंग अरू ईंग अपांग इया इदानपेःआ होड़कू, अपे ईंग कतायता हना कतापे अयूम।”

मूक चेलाकू 22:1 Σταυροειδείς Αναφορές

लूका 12:11

एटाः होड़कू अपे साब गोःकेडपेखन अरजी ओड़ाःरे अरू अदालइत ओड़ाःरे अरू नेताकू मड़ंगरेकू एचे चड़ाँपे दो, हनमेला अलोपे ओंगोल दोहोगे, माररे अबू चेले माःआनबू कतायता, माःआन।

लूका 21:14

अले करा इयाले कता कुदागेता हना बदीरे मनाड़ंगतेपे ओंगोल दोहोबाःका, माःआन अलोपे ओंगोल कुहकाः।

मूक चेलाकू 13:26

ने ईंगरिकुःआ वपक बोपोहकूतिंग, इबराहीमरिकुःआ नइड़-बाँस होड़कू अरू भगवानपे मान मरजइतता हँकुःआ जमा बेगर एहूदाकू, सडावबू लगा अबू एचेरे नाःआ सरवन भगवान वारकेरा।

मूक चेलाकू 19:33

एहूदाकू, होड़कू मड़ंगरे सिकंदरकू ढोकलाव अगूतिरिया अरू होड़कू हाँय एचेरे तोनोंग तोनोंग हुकुमकू एमेतेरा। हँकुःआ होड़कू कलेकालकू दोहोन लगा अरू तोनोंगाः बड़रा कता कुदा लगा तिःईतेय उदुःवाकुःआ।

मूक चेलाकू 23:1

एहूदाकूराः मरंग पंचाइतरिकुःआ होड़कू एचेरे पउलूस तिंगीड घड़ीन ञेलतेडखने कताया, “ईंगरिकुःआ वपक बोपोहकूतिंग, नुँहू वरी ईंग भगवानराः मड़ंगरे नपाय इंदरीते हाँयराः सेवायिंग सेवाकेरा।”

मूक चेलाकू 23:6

दो पउलूस सुदीगोतेड हँकुःआ होड़कू अते अदोम होड़कू सदूकी होड़कू अरू अदोम होड़कू फरीसी होड़कू हवे माःआन अरू हाँय हुमइसके कताया, “ईंग वपक बोपोहकूतिंग, ईंग इनिंग फरीसी होड़ इदानिंगा, अरू मी होड़ फरीसी होड़रीग बेटात हवे। ईंग असरागेतना गोएग गुराः तयोमरे होड़कू जियाव रिमुःता अरू हना असरा बदीरे फड़ियाव लगा नंडा ईंगकू एचे चड़ाँतिरिंगा।”

मूक चेलाकू 24:10

दो मरंग हातपात होड़ पउलूस उदुःगे लगाय अकियावतिरिया दो पउलूस कतातेरा, “ने साहेब, ईंग सुदीयतना आम मुरुक बरिस वरीते अले एहूदाकूरीग फड़ियावदार इदानमेःआ। हनालगा ईंग कता कुदागे लगा बहालरे इदानिंगा।

मूक चेलाकू 25:16

मनदो ईंग हँकू एचेरेयिंग कतातेरा, बेगर फड़ियावते तोनोंगीग होड़ डंडियावगे दो रूमी देसराः रिती-बिधी इया कोवानेःआ। डंडियावगेय अते मड़ंग हाँयग होड़ कता कुदाय घड़ीन अनँयग बनसाः लगा दाव एमेवाय लगा इदा, माःआन।

मूक चेलाकू 25:8

हनते पउलूस कता कुदातेरा, “ईंग एहूदाकूराः नियम बदीरे सहे भगवानराः ओड़ाः बदीरे सहे कइसर मरंग राजा बदीरे ईंग तोनोंगाः मेरिंग कसूरगरा।”

मूक चेलाकू 26:24

हनमेला पिसतूस पउलूसराः बड़रा सेरमो अलंगतेय तेलातेडखन मुरुक सटीतेय कतावाया, “ने पउलूस, आम बउड़ाहा इदानमेःआ। आम मुरुकमे चेडकियानते बउड़ाहायनाम।”

मूक चेलाकू 28:17

पेय दिन तयोमरे पउलूस रूमी सहररिकुःआ एहूदाकूरिकुःआ मूक होड़कूय एचे राः जुमावतेडकुःआ। दो हँकू जुमावनेन दो हाँय हँकू एचेरेय कतातेरा, “ने वपक बोपोहकूतिंग, ईंग अबूरिकुःआ होड़कू बदीरे अरू अबूरिकुःआ खुटिपरिया होड़कूराः रिती-बिधी बदीरे तोनोंगाः गारबार मेरिंग एचेगरा। हनारे हों हँकू एरुसलेमरे ईंगकू साबतेडखन रूमी देसरिकुःआ होड़कू एचेरेकू जिमागोतेडिंगा।

मूक चेलाकू 7:2

दो इसतपनूस कतातेड, “ईंगरिकुःआ वपक बोपोहकूतिंग अरू इसराएल होड़कूराः मरंग पंचाइतरिकुःआ होड़कू, अपे ईंगपे अयूम। अबूरीग खुटिपरिया होड़ इबराहीम मेसोपोटोमिया देसरेय दोहोन मेला भगवान हाँय एचेरे दरसननेनखने कतातेरा,

रूमी 2:15

हँकू उदुःगेता, मोसेसराः नियम अलेराः जीवरे दोहोत इदा अरू अलेराः इंदरी अरू ओंगोल हिदइत उदुःगेता, अले नपाय सहे बेलूर बुताकूनले एचेयता जा, माःआन।

1 कुरिंती 9:3

अपे अते तोनोंग तोनोंग होड़कू होंबरेयिंगता, सतायरे आम ईसूरीग मूक चेला हवे जा कोवान? दो हँकूयिंग कता कुदावाता,

2 कुरिंती 12:19

अपे नुँहू वरी अले बदीरे, अबू अते बनसाः लगाकू कतायतना, माःआनपे ओंगलेतना जा? मनदो हना इया कोवान। अले नाःआ कताकून भगवानराः मड़ंगरे मसी सुदा मिनीकियानखनले कतायतना। ईंगरिकुःआ अजी बोपोहकूतिंग, जे हों सकालाः अले कतायता हना अपे जमालेःआते अपेराः बिसवास बड़ियाड़ जुवाः लगाले कतायतना।

2 कुरिंती 7:11

ईंगराः चिठी बछावनेनखन भगवान अगीते अपेराः जीव हुडिंगनेना दो ओंगलेपे अपेराः जीवरे चिला नफा होयाकिया? अपे बेगर गारबारते इदानकुःआ माःआन उदुःगुः लगापे कुरनिसगेःआ, अपे रीसनेना अरूपे बयावयना, अपे मुरुक ईंग ञेल लगापे उसाडनेना, अपे ओसताजपे दोहोना अरू कसूर होड़कू डंडियावकू लगा सपड़ावतोपे दोहोना। अपे जमा बेला नाःआ कतारे बेगर गारबार होड़कू इदानलेःआ माःआनपे उदुःबाःगोतेडा।

पिलिपी 1:17

अरू इराते नपाय सरवनकू कतायता हँकुःआ होड़कू, नपाय ओंगोलते कोवान, मनदो अँननकू मरंग बड़ाँःराः ओंगोलते, ईंग जेहेलरे इनिदानिंग मेला, एचे कटसियागिंग लगाकू परसारगेतना।

पिलिपी 1:7

नुँहू ईंग जेहेलरे इनिदानिंग मेला अरू मड़ंगरे नपाय सरवन, सताय हवे माःआनिंग कनता कताय मेला, अपे भगवानराः मया इया ईंगपे सेवा देंगवातेरा। अपे ईंगराः जीवरे इदानपेःआ। हनालगा अपे बदीरे नाःआ इयायिंग ओंगले दो नपाय इदा।

2 तिमुतियूस 4:16

मड़ंगरे कोट कछेरीरेयिंग सेनेडा दो ईंग बदीरे कताय लगा तोनोंगीग मेरकू सेनेगान अरू जमाकू ईंगकू अड़ाःगोतेडिंग। ईंग अरजीतना भगवान हँकुःआ होड़कू अहाय डंडियावकू।

1 पतरस 3:15

मनदो अपे ईसू मसी अँननपेरीग परबू हवे माःआन अकूसपे मनावगेय। अरू तोनोंगीग अपे जीवरे इदा हना असरा बदीरेय होंबरे दो, जमा बेला अँननपे अपे हुडिंग ओंगोलकियानखन, एटाःकू मान मरजइत घड़ीन कता कुदागे लगा, सपड़ावतोपे दोहोन।