मूक चेलाकू 21:3 - Korwa Bible

³ अरू अले सेनेन सेन दूररे सइपरास डुगुले ञेलतेरा अरू हना डुगु अते दखिन अगी सिरिया देस होरले सेनेडा। सूर सहररे तोनोंग तोनोंग जिनिसकून जहाज अते उउतराव दोहोना। हनालगा अलेराः जहाज सूर सहररेकू गोः सोदोरतेरा।

मूक चेलाकू 21:3 Σταυροειδείς Αναφορές

मती ओजाःतेरा भगवानराः नपाय सरवन 11:21

“ने कोरेसीन सहररिकुःआ होड़कू, अरू ने बेतसइदा सहररिकुःआ होड़कू, अपे दोपे ठीकयना, अपेराः जीव नपाय ओरो दोहोनेना। अपे तलारे भगवान बुतातेरा हना जंगरराः बुता, सूर अरू सइदा सहररिकुःआ होड़कू तलारे होयाःकुः दो, हँकू ओहेन बोराराः सोनहेकू तुसिंगकेःआ अरू ओबरे दुड़ुःकियानखन कसूर अते जीवकू कुदाकेःआ।

मती ओजाःतेरा भगवानराः नपाय सरवन 4:24

हाँयराः ञाव जमा सिरिया राइजरे जगावयान, अरू हाँय बदीरेकू अयूमतेरा, हँकुःआ होड़कू अँकूरिकुःआ हसूत होड़कू, अरू भूतकू समसावनेना हँकुःआ होड़कू, भपरी होड़कू अरू लकवा ञेडतेडकुःआ हँकुःआ होड़कू, हँकू जमाकू हाँय एचेरेकू अगूतेडकुःआ। अरू हाँय हँकुःआ जमा होड़कूय नपायतेरा।

लूका 10:13

ईसू अरूय कताया, “ने, कोरेसीन सहररिकुःआ होड़कू, अरू ने बेतसइदा सहररिकुःआ होड़कू, अपे दोपे ठीकयना, अपेराः जीव नपाय ओरो दोहोनेना। अपे तलारे भगवान बुतातेरा हना जंगरराः बुता, सूर अरू सइदा सहररिकुःआ होड़कू तलारे होयाःकुः दो हँकू ओहेन बोराराः सोनहेकू तुसिंगकेःआ अरू ओबरे दुड़ुःवाडखन कसूर अते जीवकू कुदाकेःआ।

लूका 2:2

सिरिया राइजरीग मरंग हातपात होड़ किरिनियूस दोहोना हनमेला मनाड़ंग ञाव एचे जोड़ाव होयानेना।

मूक चेलाकू 11:19

इसतपनूस गोएगनेन तयोमरे होड़कू एरुसलेम सहरराः कलसियारिकुःआ होड़कू मुरुककू संतावकुःआ। हनालगा हँकू अते मुरुक बगरा बिसवासी होड़कू हना ततेरतेकू ञीरबाःयान अरू फिनिका छतर, सइपरास डुगु अरू अंतकिया सहररेकू सोदोरयान। हँकू एहूदाकू एचेरे एकला नपाय सरवनकू कता उदुःतेरा।

मूक चेलाकू 12:20

हाँय सूर अरू सइदा छतररिकुःआ होड़कू सुदा राजूते मेरेय दोहोगान। हँकुःआ होड़कू अँकूराः जोम जिनिस लगा हाँयग राजा एचेरे भरसातेकू दोहोना। हनालगा हँकू मिनीयानखन हाँय सुदा हेल-मेलते दोहोन लगा हाँयग राजारीग बिसवासगेयीग सेवादार बलासतूसते हाँय सुदा एचे राजूगेय लगा हाँय एचेरेकू वेजेडा।

मूक चेलाकू 13:4

दो भगवानराः सुद बिरुवा हँकिन बना होड़ वारगोतेडकिन अरू हँकिन सिलुकिया सहर अगी तोराकिन अरू हना ततेर अते जहाजरे देगकियानखन सइपरास डुगु अगी तोराकिन।

मूक चेलाकू 15:23

हँकू हँकिन तिःईरे नाःआ चिठीकू एमे ओतोंगगोडतेरा। अले अपेरिकुःआ वपक बोपोहकू, ईसूरिकुःआ मूक चेलाकू अरू कलसियारिकुःआ अगुवा होड़कू, अंतकिया सहर, सिरिया सहर अरू किलिकिया छतररिकुःआ बेगर एहूदा बिसवासी होड़कू लगा अले अगीते मसी सलाम।

मूक चेलाकू 15:39

नाःआ कता बदीरे हँकिन बना होड़ मुरुककिन अड़ा-चउकीयान अरू हना तयोमरे हँकिन एटाः एटाः अगी परसारगे लगाकिन सेनेडा। बरनाबास, मरकूस सुदा जहाजरे सइपरास डुगु अगी तोराय।

मूक चेलाकू 15:41

हँकिन सिरिया अरू किलिकिया छतरतेकिन सेनेडा अरू हंडाकुःआ बिसवासी होड़कू ईसू मसीराः बिसवासरेकिन एचे बड़ियाड़गोतेडकू।

मूक चेलाकू 18:18

मुरुक दिन वरी पउलूस कुरिंतीरेय दोहोना। हनते हाँय पिरिसकी अरू अकिला सुदा सिरिया देस अगी जहाजरे तोराकू। पउलूस भगवान एचेरे किरिया कसटे जोमतेरा। हनालगा हँकू सेन अते मड़ंग पउलूस एहूदाकूराः रिती-बिधी इया किंकिरिया सहररे आँयगराः ऊबे एचे ईरगोतेड।

मूक चेलाकू 21:16

कइसरियारिकुःआ तोनोंग तोनोंग बिसवासी होड़कू हों अले सुदाकू सेनेडा। सइपरासरीग मी होड़ होड़ हंडाय दोहोना। हाँयराः ञाव दोहोना मनासोन। हाँय मुरुक बरिस वरीते ईसूरीग चेलाय दोहोना। अरू मनासोनराः ओड़ाःरे अले रोंकाः लगा हँकुःआ बिसवासी होड़कू अलेकू गोःतेडलेःआ।

मूक चेलाकू 21:2

पतरारे हना जहाजतेले उतरावनेना अरू फिनिका छतर अगी सेनता हना जहाजरेले देगनेना।

मूक चेलाकू 21:7

अले सूर अते सेनेडखन पतुलुमिसले सोदोरनेना अरू हंडाकुःआ बिसवासी होड़कूले मसी सलामतेडखन हँकू सुदा मी दिनले दोहोनेना।

मूक चेलाकू 27:4

हंडा अते अले अरू समुंदररेले सेना। होय अले अगी मुरुक सलाःआ हना अते अले सइपरास डुगुराः ओधा ओधारेले सेना।

मूक चेलाकू 4:36

दो उसूप ञावीग लेवी गोतोरीग मी होड़ होड़ दोहोना। हाँय सइपरास डुगुरीग होड़े दोहोना। हाँयराः एटाः ञाव दोहोना बरनाबास, अरू हना ञावते मूक चेलाकू हाँयकू रगेया। (नाःआ ञावराः मतलोब कता बहालगेयीग बेटात, माःआन हवे।)