मूक चेलाकू 2:3 - Korwa Bible

³ दो हँकुःआ होड़कू ञेलतेरा सेंगेल धइद अलंग उड़ी हँकू मेमेड होड़ एचेरे उतरावनेना।

मूक चेलाकू 2:3 Σταυροειδείς Αναφορές

मती ओजाःतेरा भगवानराः नपाय सरवन 3:11

अपे कसूर अते जीवपे कुदागे लगा, दाःते बतिसमायिंग एमेयतना। मनदो ईंग तयोमरेय वेगता, हाँयग होड़ ईंग अते मरंग इदानिया। हाँयराः चाटी रेम जुकूर हों कोवायिंगा। हाँय सुद बिरुवाते अरू सेंगेलते अपे बतिसमाय एमेवापेता।

मती ओजाःतेरा भगवानराः नपाय सरवन 3:15

मनदो ईसू हाँय एचेरेय कतातेड, “नुँहू नाःआ इया होनोयाः ओवामे। भगवान एचे लगाय ओंगलेतना, हना होयाः लगा नाःआ इयालंग एचेय दो नपाय दोहोनता।” हनते एहुना ईसूराः कताय मनावयान।

लूका 24:32

हनते हँकिन अँननकिन कता होड़ेंगा, “हाँय दूररे अलंग सुदाय बड़राःआ अरू भगवानराः कागदरे ओजाःतो इदा हना बदीरे अलंगे कता समझावा हनमेला अलंगराः जीव मुरुक बहालते पेरेगयान।”

मूक चेलाकू 1:15

दो मी दिनरे अंदांज मी सव बीस बिसवासी होड़कू मिनीरेकू जुमावनेना। अरू हँकू तलारे पतरस चड़ाँनेन

मूक चेलाकू 2:11

एहूदाकू अरू एहूदा धरमरेकू बोलोयान हँकुःआ बेगर एहूदाकू, करेत डुगुरिकुःआ अरू अरब देसरिकुःआ होड़कू हों इदानबुःआ। मनदो नँकुःआ होड़कू भगवान एचेतेरा हना मरंग मरंग बुताकून अँननबू अबू भासीरेकू कतायतना हनाबू अयुमेतना।”

मूक चेलाकू 2:2

ओहेन सेरमो देस अते हर हराः घड़ीन होय इयाकू अयूमतेरा अरू हँकू दुड़ुःनेना हना जमा ओड़ाःरे हना अरोकू अनायूमतेरा।

मूक चेलाकू 2:4

हँकुःआ जमा होड़कू भगवानराः सुद बिरुवातेकू पेरेगयान अरू एटाः एटाः भासीरेकू बड़राःआ।

1 कुरिंती 12:10

अरू एटाः होड़कू बयाव जुवाः इयाःआ बुताकून एचे लगा अरू एटाः होड़कू भगवानराः बड़रा कता होड़कू होयाः लगा सुद बिरुवा दहिन एमेवाकूता। तोनोंग तोनोंग होड़कू सुद बिरुवाराः बड़रा अरू भूतकूराः बड़रा अंदजाव लगा अरू तोनोंग तोनोंग होड़कू अनबुझ भासीकून बड़रा लगा अरू तोनोंग तोनोंग होड़कू अनबुझ भासीकूनराः अरत बुझाः लगा दहिनकू पवाःता।

एकूब 3:6

मी होड़राः आह सेंगेल इया इदा। अबू देहराः जमा दगलीकून अते आह बेनेलूर इदा। सेंगेलते तोनोंगाः जिनिस लो जुवाःता, हनन इया आह होड़कूराः लूर-नेवन आडगोडता अरू नरगराः सेंगेलते हँकूराः जमा जीव आडगोडता।

उदुःतो कताकून 11:3

अरू ईंगरिकिनाः बार होड़ हिदइतदारकिन हातपातिंग ओवाकिनता। हँकिन बोराराः सोनहे तुसिंगकेडखन 1,260 दिन वरी भगवानराः बड़राकिन कतागोड ञवनता।”

उदुःतो कताकून 14:6

हनते अरू मीटोंग सेरमो देसरीग बराहील बदरी अते लताररे दोनतोयिंग ञेलतिरिया। हाँय एचेरे सगर सइट वरी दोहोनता हना नपाय सरवन दोहोना। हना सरवन चउंदीसरिकुःआ जमा जइत होड़कू, अरू जमा गोतोररिकुःआ होड़कू अरू जमा भासीरिकुःआ होड़कू अरू जमा राइजरिकुःआ होड़कू एचेरे हाँय पपसार लगा दोहोना।