मूक चेलाकू 2:10 - Korwa Bible

¹⁰ अरू पुरगिया राइजरिकुःआ अरू पंपुलिया राइजरिकुःआ अरू मिसिरी देसरिकुःआ अरू कुरेन सहरते लेसानाः लिबिया देसरिकुःआ, नाःआ जमा देसरिकुःआ होड़कू; रूमी मरंग सहर अतेकू वेगकिया हँकुःआ गुतियाकू,

मूक चेलाकू 2:10 Σταυροειδείς Αναφορές

मती ओजाःतेरा भगवानराः नपाय सरवन 2:15

अरू हँकू हरदोस अरीने गुजुः वरी हंडाकू दोहोना। नाःआ कता भगवानराः बड़रा कता होड़राः कता इया होयानेना, “मिसिरी देस अते ईंगरीग बेटायिंग राःकेरा।”

मती ओजाःतेरा भगवानराः नपाय सरवन 23:15

ने पचघुचिया नियम चेडदार होड़कू अरू फरीसी होड़कू, अपेराः जीव नपाय ओरो दोहोनेना। अपे मी होड़ अपेराः रायरे अगूय लगा ओतरे अरू दाः जहाजकूनरेपे दँड़ाता। अरू तोनोंगीग होड़ अपेराः रायरेय वेग जुवाःतान दो, हाँय अपे पवाःता, हनाते हों बार गुना नरगराः डंड पवाः जुकूरपे बड़ाँवकूता।

मती ओजाःतेरा भगवानराः नपाय सरवन 27:32

दो सइना होड़कू हना सहर बहरी ईसूकू गोः मेला, हँकू कुरेन सहररीग सिमोन ञावीग मी होड़ होड़ सुदाकू जुमावनेना अरू हाँय ईसूराः कुरूस रेम लगाकू रेनहातिडिया।

मरकूस 15:21

कुरेन सहररीग सिमोन ञावीग मी होड़ होड़ दोहोना। हाँय सिकंदर अरू रुपूसरीग अपात दोहोना। ईसूकू गोःआ हनमेला हाँय तोनोंग गाँव अते वेग मेलाय सेने पारा। दो सइना होड़कू, ईसूराः कुरूस हाँय रेनहाकू एचे साबतिरिया।

मूक चेलाकू 11:20

दो सइपरास डुगुरिकुःआ अरू कुरेन सहररिकुःआ अदोम बिसवासी होड़कू अंतकिया सहररे वेजेडखन बेगर एहूदाकू एचेरे परबू ईसूराः नपाय सरवनकू उदुःवाकुःआ।

मूक चेलाकू 13:1

अंतकियाराः कलसियारे तोनोंग तोनोंग भगवानराः बड़रा कता होड़कू अरू चेडदार होड़कू होंकू दोहोना। हँकूराः ञाव दोहोना बरनाबास, निगर माःआन एटाः ञाव दोहोना हाँयग सिमोन, कुरेनरीग लुकियूस, हरदोस सुदा मिनी सउंगताकिन दोहोना हाँयग मनाहेम अरू साहूल।

मूक चेलाकू 13:13

हनते पउलूस अरू आँयग सउंगताकू पाफूस अते जहाजते पंपुलिया छतरराः पिरगा सहररेकू सोदोरनेन। मनदो एहुना हँकिन अड़ाःतेडखन एरुसलेम सहर अगीय कुदायान।

मूक चेलाकू 13:43

तयोमरे अदोम एहूदाकू अरू भगवानकू मान मरजइतता हँकुःआ बेगर एहूदाकू, एहूदा धरमरेकू बोलोनेना हँकुःआ होड़कू पउलूस अरू बरनाबासराः तयोम तयोमकू ओतोंग वेगा। दो हँकिन हँकू सुदाकिन बड़रानेन अरू कता-बहालतेडकूखनकिन कतातेड, “भगवान अपेय मयावारा, हनालगा हाँय एचेरेपे बिसवासगोड ञवन।”

मूक चेलाकू 14:24

हना तयोमरे हँकिन पिसिदिया छतर पारनेनखन पंपुलिया छतररेकिन सोदोरनेना।

मूक चेलाकू 15:38

मनदो पंपुलियारे मरकूस हँकिन अड़ाःतेडखने सेनेडा, हनालगा हाँय हँकिन सुदा सेन लगा पउलूस मेरेय चहाःआ।

मूक चेलाकू 16:6

भगवानराः सुद बिरुवा आसिया राइज सेन अते रोंकावतेडकुःआ। हनालगा पउलूस अरू आँयगरिकुःआ सउंगताकू पिरगिया अरू गलातिया छतरतेकू सेनेडा।

मूक चेलाकू 17:21

(दो एतेनसरिकुःआ होड़कू अरू एटाः देस अते वेगनेनखन हंडाकू दोहोना हँकुःआ होड़कू हों मुरुक बेला वरी नँवा नँवा कताकूनकू अयूम अते अरू कता होड़ेंग अते एटाः तोनोंगाः बुता हँकू मेरकू बुताःआ।)

मूक चेलाकू 18:2

दो हाँय हंडा पुंतूस छतररीग अकिला ञावीग एहूदा होड़ सुदाय जुमावनेना। हाँय आँयग अइमी पिरिसकी सुदा इटली देसराः रूमी सहर अतेय वेजेडा। कइसर मरंग राजा कलाउदियूस जमा एहूदाकू रूमी सहर अड़ाःकेडखन ञीर लगाय कतावातेडकुःआ। हनालगा हँकिन रूमी सहर अड़ाःतेडखन कुरिंती सहररेकिन सेनेडा।

मूक चेलाकू 18:23

पउलूस अंतकिया सहररे तोनोंग बेला वरीय दोहोना। हनते हाँय अंतकिया अते गलातिया छतर अरू पिरगिया छतररेय सेना अरू जनामा बिसवासी होड़कू बिसवासरेय एचे बड़ियाड़गोतेडकू।

मूक चेलाकू 2:11

एहूदाकू अरू एहूदा धरमरेकू बोलोयान हँकुःआ बेगर एहूदाकू, करेत डुगुरिकुःआ अरू अरब देसरिकुःआ होड़कू हों इदानबुःआ। मनदो नँकुःआ होड़कू भगवान एचेतेरा हना मरंग मरंग बुताकून अँननबू अबू भासीरेकू कतायतना हनाबू अयुमेतना।”

मूक चेलाकू 23:11

एटाः रइत परबू ईसू पउलूस एचेरे चड़ाँनेनखने कताया, “ने पउलूस, ड़ीड़तेम दोहोन! आम एरुसलेमरे ईंगरीग हिदइतदारमे बड़ाँवनेना हनन इया आम रूमी सहररे हों ईंगरीग हिदइतदारमे दोहोनता।”

मूक चेलाकू 27:5

दो अले किलिकिया अरू पंपुलियाते लेनेसानराः समुंदर पारनेनखन लुकिया छतरराः मुरा सहररेले उतरावनेना।

मूक चेलाकू 28:15

दो हंडाकुःआ बिसवासी होड़कू अले बदीरेकू अयूमतेरा दो हँकू अपियूसराः बजार अरू पेय धरमसाला ञावराः ततेर वरी अले सुदा जुमाः लगाकू वेजेडा। हँकू ञेलतेडखन पउलूस भगवाने जागतेरा अरू हाँयराः जीव बड़ियाड़यान।

मूक चेलाकू 6:5

दो नाःआ कतारे जमा बिसवासी होड़कू मंजूरयान। हनते बिसवासी होड़कू मुरुक बिसवासगेयीग अरू सुद बिरुवाते पेरेगतो इदानिया हाँयग इसतपनूस, पिलिपूस, पोरोकुरूस, नीकानोर, तीमोन, परमिनास अरू मड़ंगरे एहूदा धरमरेय बोलोनेना हाँयग अंतकिया सहररीग निकुलाउस, नँकुःआ होड़कूकू सुनावतेरा।

मूक चेलाकू 6:9

दो लिबिरतीन ञावराः अरजी ओड़ाःरिकुःआ होड़कू अरू कुरेन सहर, सिकंदिरिया सहर, किलिकिया छतर अरू आसिया राइजरिकुःआ एहूदाकू हाँय बदीरेकू घंटावतेरा। नँकुःआ होड़कू इसतपनूस सुदाकू अड़ा-चउकीःआ।

रूमी 1:15

हनालगा ईंग रूमी सहररिकुःआ होड़कू एचेरे हों नपाय सरवन उदुःवाकू लगायिंग तरसाःतना।

रूमी 1:7

रूमी सहररे भगवान दुलारकूता अरू अनँयगरिकुःआ सुद होड़कू होयाः लगाय एटाःकेडकुःआ हँकुःआ जमा बिसवासी होड़कू लगा नाःआ चिठीयिंग ओजाःगेतना। अबूरीग अपांग भगवान अरू परबू ईसू मसी, अपेकिन मयावा लगा, अरू सलसतरेकिन दोहो ओवापे।

2 तिमुतियूस 1:17

हाँय रूमी सहररेय वेगनेना हनमेला ईंग सुदा अरीने जुमाः वरी ञनाम ञामे सोदोरनेना।

उदुःतो कताकून 11:8

हँकिनराः मुरदा हना मरंग सहरराः संडकरे तेके एंडात दोहोनता। हना सहररे मड़ंग अँकिनरीग परबू कुरूसरेकू ठोंकावतिरिया। अउल-तउल इया हना बेलूर सहरराः ञाव सदोम सहर अरू मिसिरी देस माःआनकू कतावाता।