मूक चेलाकू 19:34 - Korwa Bible

³⁴ मनदो हँकू सुदीगोतेड, नाँय एहूदा होड़ हवे माःआन। हननमेला हँकू बार घंटा वरी मिनीनेनखन खिररी घड़ीनकू कताया, “इपीसी सहररीग अरतिमीस देबी मरंग इदानिया! इपीसी सहररीग अरतिमीस देबी मरंग इदानिया!”

मूक चेलाकू 19:34 Σταυροειδείς Αναφορές

मती ओजाःतेरा भगवानराः नपाय सरवन 6:7

भगवान मेरकू सुदीयता हँकुःआ होड़कू अरजी मेला, बेगर ओंगोलते भरमाः घड़ीनकू कतागोड ञवनता। हँकू ओंगलेता, नाःआ इया अले अरजी दो भगवान अलेराः अरजीय अयुमेता, माःआन।

मूक चेलाकू 16:20

दो हँकू हँकिन रूमी देसरिकुःआ फड़ियावदारकू एचेरेकू गोःतेडकिना अरू बदीतेडकिनखनकू कताया, “नँकिनाः होड़किन एहूदा होड़किन हवे अरू अबूराः सहररिकुःआ होड़कू तलारे कड़ीगकिन रेमतना।

मूक चेलाकू 19:24

हंडा दिमेतिरियूस ञावीग मी होड़ सोनार दोहोना। हाँय अरतिमीस देबी लगा चाँदीराः मंदिरकूने तुलाःआ। हाँय नाःआ बुताकू बुताता हँकुःआ एटाः होड़कू लगा मुरुक ढिबुवा अदेरगे लगाय संघरावाकुःआ।

मूक चेलाकू 19:26

अपे ञेलतना अरूपे सुसुदीतना, नाँयग पउलूस इपीसी सहररिकुःआ मुरुक बगरा होड़कू अरू जमा आसिया राइजरिकुःआ होड़कूय एचे सुदीगोतेडा अरू एटाः इयाय बहकावगोतेडकुःआ, माःआन। हाँय कतायतना मनुवाराः तिःईतेकू तुलाकेरा हना मुरतीकून भगवान हिरगिस ना लवे।

मूक चेलाकू 19:28

हँकुःआ होड़कू नाःआ कताकू अयूमतेरा दो हँकू मुरुक रीसनेनखन खिररी घड़ीनकू कताया, “इपीसीरीग अरतिमीस देबी मरंग इदानिया! इपीसीरीग अरतिमीस देबी मरंग इदानिया!”

मूक चेलाकू 19:33

एहूदाकू, होड़कू मड़ंगरे सिकंदरकू ढोकलाव अगूतिरिया अरू होड़कू हाँय एचेरे तोनोंग तोनोंग हुकुमकू एमेतेरा। हँकुःआ होड़कू कलेकालकू दोहोन लगा अरू तोनोंगाः बड़रा कता कुदा लगा तिःईतेय उदुःवाकुःआ।

मूक चेलाकू 19:35

दो हना सहररीग सुचू, होड़कू एचे कलेकालतेडकूखने कताया, “ने इपीसीरिकुःआ होड़कू, मरंगीग अरतिमीसराः मंदिर अरू सेरमोते लोजोरनेना हना मुरतीराः जिमेवारी होड़कू इपीसी सहररिकुःआ होड़कू हवे माःआन, जमा चउंदीसरिकुःआ होड़कू मेरकू सुसुदीतना जा?

रूमी 2:22

आम एटाःकू एचेरेम कतायता, अहापे सनहा-सनही, अरू आम अनम सनहा इदानमेःआ। आम मुरतीकूनमे एरांगवाता, मनदो अनम मंदिरराः जिनिसकूनमे इनिगता।

उदुःतो कताकून 13:4

हाँयग लाल मरंग बींग हाँयग जानर लगा आँयगराः हातपाते जिमागोतेड अते, जमा होड़कू हाँयकू जागतेरा। हँकू हाँयग जानर हों जाग घड़ीनकू कताया, “नाँयग जानर इया तोनोंगीग इदानिया जा? नाँय सुदा इये लड़ाइ अवेनता?”