मूक चेलाकू 17:5 - Korwa Bible

⁵ मनदो तोनोंग एहूदाकू इराते पेरेगनेनखन तोनोंग तोनोंग बेलूर होड़कूकू एचे जुमावतेरा अरू जमा सहररे कड़ीगकू एचे रेमतेरा। अरू आसोन ञावीग होड़राः ओड़ाः अगीकू सेनेडा अरू पउलूस अरू सिलास होड़कू तलारे अगूकिन लगाकू ओंगलेःआ।

मूक चेलाकू 17:5 Σταυροειδείς Αναφορές

मती ओजाःतेरा भगवानराः नपाय सरवन 27:18

पिलातूस सुसुदीःआ, नँकुःआ होड़कू ईसू इरातेकू एचे साबतिरिया।

मूक चेलाकू 13:45

मनदो अदोम एहूदाकू नाःआमिन होड़कूकू ञेला दो, हँकू इरातेकू पेरेगयान अरू पउलूस कतातेरा हना कताकून बदीरे ओपता घड़ीनकू कताया।

मूक चेलाकू 14:19

हना तयोमरे अंतकिया अरू इकुनियुम अतेकू वेगनेना हँकुःआ एहूदाकू अँकूराः बड़राते लिसितरारिकुःआ होड़कूकू कता बहकावगोतेडकू। हनते हँकू पउलूस दिरितेकू तेके ञेडतिरिया अरू नाँय गोएगयनाय माःआनकू ओंगोलतेड अरू हँकू पउलूस सहर अते बाहरीकू ओर उडुंगतिरिया।

मूक चेलाकू 14:2

मनदो ईसू एचेरे मेरकू बिसवासगाड हँकुःआ एहूदाकू, बेगर एहूदाकू एचेरे बिसवासी होड़कू बदीरे बेलूर बेलूर कतावाडकूखनकू एचे रीसवाकुःआ।

मूक चेलाकू 17:13

तिसलूनिकारिकुःआ एहूदाकू पउलूस बिरिया सहररे भगवानराः सरवने परसारगेतना माःआनकू अयूमतेरा दो हँकू हंडाकू सेनेडा अरू पउलूस बदीरे होड़कूकू एचे जुमावतेडखन कड़ीगकू रेमा।

मूक चेलाकू 17:6

मनदो हँकू हँकिन मेरकू ञामगाडकिन दो आसोन अरू एटाः बिसवासी होड़कू हना सहररिकुःआ हातपात होड़कू एचेरेकू ओर अगूतेडकुःआ। अरू हँकू खिररी घड़ीनकू कताया, जमा चउंदीसरिकुःआ होड़कू हना नाःआ अगीकू एचे हड़ाःकूतना हँकुःआ होड़कू नंडा होंकू वेगकिया।

मूक चेलाकू 17:7

अरू आसोन हँकुःआ होड़कू अनँयग ओड़ाःरेय नेत-नेवारतेडकुःआ। नँकू अबूरीग कइसर मरंग राजाराः हुकुमकूनकू टड़ावगोडता अरूकू कतायता, मी होड़ एटाः राजा इदा अरू हाँयग होड़राः ञाव दो ईसू हवे, माःआन।

मूक चेलाकू 17:9

हनालगा आसोन अरू एटाः बिसवासी होड़कू अते जबानतेडकूखन हँकूकू सेने ओवातेरा।

मूक चेलाकू 18:12

गलियो, अकाया छतररीग मरंग हातपात होड़े बड़ाँवनेन मेला, एहूदाकू पउलूस बदीरे मिनीनेनखन हाँय कोट कछेरीरेकू अगूतिरिया।

मूक चेलाकू 19:40

तिसिंग होयानेना हनाते अबू बदीरे, हँकू कड़ीगकू रेमतेरा माःआन तोनोंगीग लालिसगेराः बोर इदा। अरू अबू हनाराः तोनोंगाः कता ओरोबू कता कुदा अवेतेरा।”

मूक चेलाकू 7:9

एकूबरिकुःआ बेटाकू अते मी होड़ दोहोना उसूप। हाँयरिकुःआ वपक बोपोहकूतेन हाँय मुरुककू इरावाया। हनालगा हँकू हाँय मिसिरी देस अगी बेगारी होड़ इयाकू अकिरिंगगोतेडीग। मनदो भगवान हाँय सुदाय दोहोना,

रूमी 16:21

ईंगरीग सेवा देंगवा होड़ तिमुतियूस अपेय सलामवातना। हनन इया ईंगरिकुःआ जइत सगा होड़कू लुकियूस अरू एसोन अरू सोसिपतरूस अपेकू सलामवातना।

1 कुरिंती 3:3

नुँहू वरी अपे अँननपेराः मनबिदियारेपे सलाव ञवनतना। हनालगा अपे जीवरे इरा अरू कड़ीग इदा। दो अपे एचेरे कसूरराः लूर नेवन कोवानेःआ जा? अरू चउंदीसरिकुःआ होड़कूराः ओंगोल इया मेरपे सलाःतना जा?

2 कुरिंती 11:26

कइन तुरहा सेन वेगरे ईंग लगा नईकूनराः सिकिसता, इनिग होड़कू अते सिकिसता, ईंगरिकुःआ जइत सगा होड़कू अते सिकिसता, बेगर एहूदाकू अते सिकिसता, सहररे सिकिसता, टयंगाब ततेररे सिकिसता, समुंदररे सिकिसता अरू लबरा बिसवासी होड़कू अते सिकिसता होयानेना।

गलातिया 5:21

इरा अरू बुनूलतो, लिमचोर-लमचोर, अरू नाःआ इयाःआ एटाः एटाः बेलूर बुताकून इदा। नाःआ जमाकूनराः बदीरे अपे मड़ंगरेयिंग सेतावतेडपेःआ अरू नुँहू होयिंग सेतावपेतना। नाःआ नाःआ इयाकू एचेयता हँकुःआ होड़कू तोनोंगीग भगवानराः राइजरिकुःआ इताडदारकू ओरोकू बड़ाँव अवेनेना।

गलातिया 5:26

हनालगा अबू बड़वार होड़कू अरू बिरझाव होड़कू अरू इराताकू हँकुःआ होड़कू इया अहाबू होयाः।

1 तिसलूनिका 1:6

अपेके मुरुक संताव होयानेना। हनाते हों सुद बिरुवा एमेयता हना बहालते अपे नपाय सरवनपे मनावकेडखन अलेरिकुःआ अरू परबूरिकुःआ ञेल सिखात होड़कूपे बड़ाँवनेना।

एकूब 4:5

भगवानराः कागदरे ओजाःतो इदा हना कता सदाःआ इदा माःआनपे ओंगलेता जा, अबू जीवरे दोहोन लगाय एमेकेरा हाँयग सुद बिरुवा बदीरे भगवान मेरेय तरसाःता जा?