मूक चेलाकू 16:7 - Korwa Bible

⁷ दो हँकू मूसिया छतरराः सिमान वरीकू सोदोरनेन दो हँकू बितुनिया छतर सेन लगाकू कुरनिसतेरा। मनदो ईसूराः बिरुवा हँकू सेने अतेय रोंकावगोतेडकू।

मूक चेलाकू 16:7 Σταυροειδείς Αναφορές

लूका 24:49

ईंग अपांग जबानकेरा हाँयग सुद बिरुवायिंग वारेयता। अरू हाँय अते अपे सेरमो देसराः जंगर अरीनपे पवाः वरी ननानाः सहररेपे दोहो हताड़।”

मूक चेलाकू 16:8

हनालगा हँकू मूसिया छतर पारनेनखन समुंदर धरीराः तोरोवास सहररेकू सेनेडा।

मूक चेलाकू 8:29

दो सुद बिरुवा पिलिप एचेरेय कताया, “आम हनानाः रंत अगीम सेन अरू मिनी जुदाबा सेन।”

रूमी 8:9

भगवानराः बिरुवा अपे जीवरेय दोहोनता दो अपे कसूरराः लूर-नेवन इया मेरपे सलाःता, मनदो सुद बिरुवाराः ओंगोल इयापे सलाःता। अरू ईसू मसीराः बिरुवा अनँयग जीवरे कोवानेःआ हाँयग होड़, ईसूरीग होड़ ना लवे।

गलातिया 4:6

नुँहू अबू भगवानरिकुःआ लइंकूबू बड़ाँवयना अते, हाँय अनँयग बेटातराः बिरुवा अबू जीवरेय वारकेरा। हनाँय बिरुवाते अबू हाँय, ने अबबा, ने अपांग, माःआन चइड़ घड़ीनबू राः अवेयता।

पिलिपी 1:19

दो ईंग सुसुदीतना, अपेराः अरजीते अरू ईसू मसीराः सुद बिरुवाराः संघराते, ईंग जीवरे होयाकिया नाःआते भगवान ईंगे सडावता।

1 पतरस 1:1

ईंग पतरस, ईसू मसीरीग मूक चेला, पुंतूस राइजरे, अरू गलातिया राइजरे, अरू कपादूकिया राइजरे, अरू आसिया राइजरे, अरू बितुनिया राइजरे, दुरीन देसरिकुःआ होड़कू इया सितिर-बितिरकियानखनपे दोहोनता भगवानरिकुःआ सुनावतो होड़कू, अपे लगा नाःआ चिठीयिंग ओजाःगेतना।

1 पतरस 1:11

मसीराः सुद बिरुवाते हँकुःआ होड़कू, मसी करा उड़ी कटसियाय सहावता अरू हना तयोमरे भगवान हाँय करा उड़ीय मान मरजइतगेयता, हना बदीरे मड़ंगरेकू कता उदुःतेरा। हनालगा भगवानराः बड़रा कता होड़कू, नाःआ जमाकून करा इया होयाःता अरू तुमिस होयाःता, हना सुदीगे लगा मुरुककू कुरनिस सोतेडा।