मूक चेलाकू 15:9 - Korwa Bible

⁹ हाँयग भगवान अबू अरू हँकू एचेरे तोनोंगाः पाचपटी सुदा मेरेय एचेकेरा। हँकू ईसू एचेरेकू बिसवासतेरा, हनालगा हाँय हँकूराः जीवे एचे सुदकेरा।

मूक चेलाकू 15:9 Σταυροειδείς Αναφορές

मूक चेलाकू 10:15

हना अते अरू मीटोंग बड़राय अयूमतेरा, “भगवान तोनोंगाः जिनिस सुदे तुलाकेरा अरू हना सुद कोवानेःआ माःआन अहम कतावा।”

मूक चेलाकू 10:28

दो पतरस हँकू एचेरेय कतातेरा, “अपे नपायतेपे सुदीयतना अले एहूदाकू तोनोंगीग एटाः जइत सगा होड़ सुदा मेरले दोहोनता सहे हाँयग होड़राः ओड़ाःरे मेरले बोलता। मनदो ईंग तोनोंगीग होड़ सदाःआ अरू सुद कोवाया माःआन अलो कतावाय लगा भगवान ईंग एचेरेय एचे कताकेरा।

मूक चेलाकू 10:34

हनते पतरस परसारगे लगाय बुँहड़ीतेरा, “नुँहूयिंग सुदीकेरा भगवान तोनोंगीग होड़ एचेरे मेरेय पाचपटीता,

मूक चेलाकू 11:12

दो भगवानराः सुद बिरुवा ईंग एचेरेय कताया, बेगर जाः घड़ीन हँकू सुदाम सेन, माःआन। नँकुःआ छोनो बिसवासी होड़कू ईंग सुदा सेनेडखन कुरनेलियूसराः ओड़ाःरेले सोदोरनेन।

मूक चेलाकू 14:1

हनते पउलूस अरू बरनाबास अंतकियारेकिन एचेयतेरा हनन इया इकुनियुम सहररे एहूदाकूराः अरजी ओड़ाःरेकिन सेनेडा। हँकिन मुरुक नपायतेकिन परसारतेरा अरू एहूदाकू अरू बेगर एहूदाकू अते मुरुक बगरा होड़कू ईसू एचेरेकू बिसवासतेरा।

मूक चेलाकू 14:27

हंडाकिन सोदोरनेन दो हँकिन जमा बिसवासी होड़कूकिन एचे जुमावतेडकुःआ अरू हँकिनते भगवान एचेतेरा अरू भगवान बेगर एहूदाकू ईसू एचेरे करा उड़ीकू बिसवासतेरा हना जमाकूनकिन कता उदुःतेरा।

रूमी 3:22

अरू ईसू मसी एचेरेकू बिसवासगेता हँकुःआ जमा होड़कू भगवान बेगर पाचपटीते आँयगराः ओंगोल इया बेगर गारबार होड़कूय बड़ाँवकूता।

रूमी 3:9

दो नाःआ बदीरे चेले माःआनबू कता अवेयता? अले एहूदाकू एटाः होड़कू अते ननपाय इदानलेःआ जा? बुरी, कोनोवालेःआ। ईंग मड़ंगरेयिंग कता उदुःकेरा, एहूदाकू अरू बेगर एहूदाकू जमाकू कसूररे इदानबुःआ।

रूमी 9:24

दो अबू एहूदाकू सहे बेगर एहूदाकू दोहोन अते भगवान मनाड़ंगतेय ओंगोल दोहोकेडखन अबू जमा होड़कूय सुनावकेडबुःआ।

1 कुरिंती 1:2

कुरिंती सहररे इदानकुःआ भगवानराः कलसियारिकुःआ होड़कू अपे लगा, नाःआ चिठी ईंग ओओजाःतना। ईसू मसी एचेरेपे बिसवासकेड अते, भगवान अनँयग लगा अपेय एटाःकेडपेःआ अरू परबू ईसू मसीराः ञावतेकू अरजीता हँकुःआ जमा ततेररिकुःआ होड़कू सुदा अनँयगरिकुःआ सुद होड़कूय बड़ाँवकेडपेःआ। हाँयग ईसू मसी हँकूरीग अरू अबूरीग परबू हवे।

1 कुरिंती 7:18

तोनोंगीग होड़ खतनानेनाय हना तयोमरे भगवान हाँये राःकेरा दो हाँय खतनाराः चिनहा अलोय चलाःगे। तोनोंगीग होड़ मेरेय खतनागान हनमेला भगवान हाँये राःकेरा दो, हाँय खतनान लगा अलोय ओंगले।

गलातिया 3:28

अपे एहूदा होड़ सहे बेगर एहूदा होड़पे दोहोन, बेगारी होड़ सहे मालिकपे दोहोन, मरद सहे अइमीपे दोहोन, अपे ईसू मसी एचेरेपे बिसवासकेरा अते अपे जमाकू बरोबइर इदानपेःआ।

गलातिया 5:6

अबू ईसू मसी सुदा मिनी इदानबुःआ दो, खतनान सहे बेगर खतनातबू दोहोन, हनारे तोनोंगाः मतलोब कोवानेःआ। मनदो मइद कता ननानाः हवे, एटाःकू दुलार घड़ीन अबूराः बिसवास उउदुः लगा इदा।

इपीसी 3:6

ओकोत कता ननानाः हवे, ईसू मसीराः नपाय सरवनते अपे बेगर एहूदाकू, एहूदाकू सुदा इताडदारपे बड़ाँवयना अरू मिनीटोंग देहराः दगलीकूनपे बड़ाँवयना अरू ईसू मसीतेकू पवाःता हना जबान अपे होँपे पवावयना।

कुलूसी 3:11

नाःआ नँवा जीवरे तोनोंग इयाःआ हिगार हटिंग कोवानेःआ। खतनाकू एचेयता हँकुःआ एहूदाकू, सहे मेरकू खतनानता हँकुःआ बेगर एहूदाकू सहे जोडेकू सहे अलीगवारकू, सेवकियाकू सहे मालिककू, अबू तोनोंगीग एटाः कोवाबुःआ। मनदो मसी एकला मनारंग इदानिया अरू हनाँय अबू जमाकूराः जीवरे इदानिया।

1 पतरस 1:22

अपे सताय कता मनावकेडखन अपेराः जीवपे सुदकेरा, जेमहा अपे अँननपे सतायते अपेराः इनिंदरी इंदरीते अरूपे अलार-दुलार होड़ेंग।