मूक चेलाकू 13:6 - Korwa Bible

⁶ हँकू हना डुगुराः एटाः एटाः ततेर पारनेनखन पाफूस सहर वरीकू सोदोरनेना। हंडा मी होड़ होड़ दोहोना। हाँयराः ञाव दोहोना बर-ईसू अरू उनानी भासीरे हाँयराः ञाव दोहोना एलीमास। हाँय एहूदा होड़े दोहोना अरू हाँय जादो होड़ अरू भगवानराः बड़रा लबराते कतायीग होड़े दोहोना।

मूक चेलाकू 13:6 Σταυροειδείς Αναφορές

मती ओजाःतेरा भगवानराः नपाय सरवन 16:17

हनते ईसू कता कुदातेरा, “ने एवनारीग बेटात सिमोन, भगवान आम जीवे नपायकेरा। तोनोंगीग मनुवा अगीते कोवान, मनदो सेरमो देसरे इदानिया ईंगरीग अपांग भगवान, नाःआ कता अनँयग आमे कता उदुःवाडमेःआ।

मती ओजाःतेरा भगवानराः नपाय सरवन 24:24

हना बेला मुरुक बगरा होड़कू लबरा घड़ीनकू कतायता, ईंग मसी हवे अरू ईंग भगवानराः बड़रा कतायीग होड़ हवे, माःआन। हँकू मुरुक चिनहाकून अरू बयाव जुवाः इयाःआ बुताकून एचेवाडखन भगवानरिकुःआ सुनावतो होड़कू हों बहकावकू लगाकू कुरनिसगेता।

मती ओजाःतेरा भगवानराः नपाय सरवन 7:15

भगवानराः बड़रा लबरातेकू कतायता हँकुःआ होड़कू अते सवासितीपे दोहोन। हँकुःआ होड़कू अपे एचेरे भेड़ाकूराः भेसरेकू वेगता। मनदो हँकू सतायरे रमू बुःआकू इया इदानकुःआ।

मरकूस 10:46

हनते ईसू अरू आँयगरिकुःआ चेलाकू एरीहो सहर पारनेनखनकू सलाःआ। अरू हँकू सुदा एरीहो सहर अते मुरुक होड़कू होंकू सेना। दो तिमाईरीग बेटात बरतिमाई ञावीग मी होड़ अंधा होड़ दूर कुटीरे दुड़ुःवाडखने असे जोमा।

मूक चेलाकू 13:13

हनते पउलूस अरू आँयग सउंगताकू पाफूस अते जहाजते पंपुलिया छतरराः पिरगा सहररेकू सोदोरनेन। मनदो एहुना हँकिन अड़ाःतेडखन एरुसलेम सहर अगीय कुदायान।

मूक चेलाकू 13:8

दो हाँयग जादो होड़ हँकिने घंटावतेरा अरू हाँयग मरंग हातपात होड़ भगवानराः सरवन बिसवासगे अते रोंकावगेय लगाय चहाःआ।

2 कुरिंती 11:13

नाःआ इयाकुःआ होड़कू लबरा बराहीलकू हवे अरू मसीरिकुःआ मूक चेलाकूराः भेसरे बोबोनाव बुता होड़कू इदानकुःआ।

2 तिमुतियूस 3:8

एनेस अरू अंबरेस, मोसेसकिन घंटावतेरा हनन इया ओंगोल बेलूरयना अरू भगवान मेडरे बिसवास सदायना हँकुःआ लबरा चेडदार होड़कू हों सताय चेडकू घंटावता।

1 एहुना 4:1

ने अजी बोपोहकूतिंग, नाःआ चउंदीसरे भगवानराः बड़रा लबराकेडखन कताय होड़कू मुरुक इदनकुःआ। हँकुःआ होड़कूराः कता अपे ओहेन अहापे बिसवासगे। मनदो अपे हँकुःआ होड़कू सतायते भगवानराः बड़राकू कतायता जा कोवान हना नपायते जासवाडखनपे बिसवासगे।

उदुःतो कताकून 19:20

मनदो हँकू हाँयग जानर अरू हाँय सुदा भगवानराः बड़रा लबराते कतायीग होड़ होंकू साबतेरा। भगवानराः बड़रा लबराते कतायीग होड़ जानर मड़ंगरे बयाव जुवाः इयाःआ चिनहाकूने एचेया। मड़ंगरे हाँय हना बयाव जुवाः इयाःआ चिनहाकूनते, हाँयग जानरराः चिनहाकू गोःतेरा अरू हाँयग जानरराः मुरतीकू सेवाःआ हँकुःआ होड़कूय अडिगतेडकुःआ। हँकिनकू साबतेरा हना तयोमरे, हँकिन बनर जिनियत जीयत सेंगेलराः हुडिंग समुंदररेकू रेमगे बोलोगोतेडकिन। हना सेंगेलराः हुडिंग समुंदररे लेटे दिरि हितकाःआ।