मूक चेलाकू 10:11 - Korwa Bible

¹¹ हना दरसनरे सेरमो देस गीगनेना अरू मीटोंग ओयोन सोनहे इया तोनोंगाः जिनिसराः चइरो कोनारे साब तड़ावतो उतरावनेना।

मूक चेलाकू 10:11 Σταυροειδείς Αναφορές

मती ओजाःतेरा भगवानराः नपाय सरवन 8:11

अरू ईंग अपे एचेरेयिंग कतायतना, मुरुक बगरा होड़कू पुरुब अरू पछिम अते वेगकियानखन अपेरिकुःआ खुटिपरिया होड़कू इबराहीम अरू इसहाक अरू एकूब सुदा सेरमो देसरे जोजोम सरबहारेकू दुड़ुःता।

लूका 3:21

जेहेलरे सींगतोय दोहोन अते मड़ंग एहुना एटाः एटाः होड़कू बतिसमाय एमेवाःआ दो ईसू हों बतिसमा गोःतेडखने अरजीःआ अरू सेरमो देस गीगयान।

एहुना 1:51

ईसू, नतनएल एचेरे अरूय कताया, “आम ईंगमे अयूम, आम सेरमो देस गीगतोम ञेलता अरू सेरमो देसरिकुःआ बराहीलकू मनुवारीग बेटात एचेरे उतराः देगतोम ञेलकूता।”

एहुना 11:52

एहूदाकू एकला लगा कोवान मनदो सितिर बितिरयनाकू हँकुःआ भगवानरिकुःआ जमा होड़कू एचे जुमावकेडखन मिनीगोडकू लगा होंय गुजुःता।

एहुना 12:32

मनदो ओत अते सेरमोकू रेमिंग दो जमा होड़कू ईंग अगीयिंग राः अगुकूता।”

मूक चेलाकू 10:12

दो हना ओयोन सोनहेरे जमा इयाकुःआ जानरकू, सोलंगाःतकू हँकुःआ जीव जंतरकू, अरू तितीगकू दोहोना।

मूक चेलाकू 11:5

“ईंग जोपा सहररेयिंग अरजी मेला ईंग मीटोंग दरसनिंग ञेलतेरा। हना दरसनरे मीटोंग ओयोन सोनहे इया तोनोंगाः जिनिस चइरो कोनारे साब तड़ावतो सेरमो अते तोलोंग लुजुरुःआ अरू ईंग मड़ंगरे उतरावयान।

मूक चेलाकू 7:56

अरू हाँयग इसतपनूस कतातेरा, “मन ञेलपे! ईंग सेरमो देसराः दुवार गीगतो अरू मनुवारीग बेटात भगवानराः खउना गतररे चड़ाँतिंग ञेञेलतना।”

रूमी 1:16

ईसूराः नपाय सरवनरेकू बिसवासगेता, हँकुःआ होड़कू सडाः लगा भगवानराः जंगर हना सरवनरे इदा। मड़ंगरे हाँय एहूदाकू अरू तयोमरे बेगर एहूदाकू होंय सडावता। हनालगा नाःआ नपाय सरवन कता उदुः लगा मेरिंग गियुःतना।

रूमी 9:4

हँकुःआ इसराएल होड़कू भगवानरिकुःआ समुटावतो होड़कू हवे। हँकू एचेरे भगवान तुमिन मरंग इदानिया हना अनँयग एचे उदुःवातेडकुःआ। हाँय हँकू सुदा कता-जमकावतेडखन नियमकूने एमेवातेडकुःआ। हाँय हँकू करा इयाकू जागगेय हना बदीरेय चेडतेडकुःआ अरू हँकू मुरुक बगराय जबानवातेडकुःआ।

गलातिया 2:15

अलेरिकुःआ एंगा-अपाकू सताय एहूदाकू दोहोना अरू अले बेगर एहूदाकू इया कसूर होड़कू कोवालेःआ।

गलातिया 3:28

अपे एहूदा होड़ सहे बेगर एहूदा होड़पे दोहोन, बेगारी होड़ सहे मालिकपे दोहोन, मरद सहे अइमीपे दोहोन, अपे ईसू मसी एचेरेपे बिसवासकेरा अते अपे जमाकू बरोबइर इदानपेःआ।

इपीसी 1:10

अरू भगवान तोल दोहोकेरा हनानाः बेलाराः बुइद इया, सेरमोरे अरू ओतरे इदानकुःआ, हँकुःआ जमाकू मसीराः हातपातरेकू होया जुवाः।

इपीसी 3:6

ओकोत कता ननानाः हवे, ईसू मसीराः नपाय सरवनते अपे बेगर एहूदाकू, एहूदाकू सुदा इताडदारपे बड़ाँवयना अरू मिनीटोंग देहराः दगलीकूनपे बड़ाँवयना अरू ईसू मसीतेकू पवाःता हना जबान अपे होँपे पवावयना।

कुलूसी 3:11

नाःआ नँवा जीवरे तोनोंग इयाःआ हिगार हटिंग कोवानेःआ। खतनाकू एचेयता हँकुःआ एहूदाकू, सहे मेरकू खतनानता हँकुःआ बेगर एहूदाकू सहे जोडेकू सहे अलीगवारकू, सेवकियाकू सहे मालिककू, अबू तोनोंगीग एटाः कोवाबुःआ। मनदो मसी एकला मनारंग इदानिया अरू हनाँय अबू जमाकूराः जीवरे इदानिया।

उदुःतो कताकून 11:19

हनते सेरमो देसरे इदा हना भगवानराः ओड़ाःकू गीगतेरा। अरू हना ओड़ाः पेंदारे भगवानराः कता-जमकावतोराः बकसा ञिलुःआ। हनमेला ठेड़ररे विड़चेड़ा अरू बदरी हदूड़ा अरू ओत डोलाःआ अरू मरंग मरंग अरील लोजोरनेना।

उदुःतो कताकून 19:11

हनते ईंग सेरमो देस गीगतोयिंग ञेलतेरा अरू हंडा मीटोंग उजड़ घोड़ा दोहोना। हाँयग घोड़ा चोटरे मी होड़ दुड़ुःतोय दोहोना। हाँयराः ञाव बिसवासगेयीग अरू सताय हवे माःआनकू कतावायता। हाँय सतायते फड़ियाव घड़ीने लड़ाइता।

उदुःतो कताकून 4:1

हना तयोमरे ईंग ञेलतेरा दो सेरमो देसराः मीटोंग दुवार गीगतो दोहोना। अरू मरंग सोहनाईराः अरो इया अरो मड़ंगरेयिंग अयूमतेरा, हनाराः अरो अरूयिंग अयूमकेरा। हाँय कतातेरा, “दबूमे सेरमो, अरू नाःआते तयोमते होनोयाः लगा इदा, हना कताकून जमायिंग उदुःवामता।”